SAN JUAN 4:41 - Chatino Tataltepec

⁴¹ Lo'o ndyuna la ngu' cha' nu nda ycui' Jesús lo'o ngu', cua quiña'a̱ la ngu' ngusñi ngu' cha' ji'i̱ yu.

SAN JUAN 4:41 Iomraidhean Croise

SAN LUCAS 4:32

Ndube tsa ti' ngu' lo'o ndyuna ngu' cha' tso'o nu nda Jesús lo'o ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu'.

SAN JUAN 4:40

Lo'o li' ndyalaa ngu' Samaria bi' ca su ntucua Jesús, tya'na nchcui' ngu' lo'o Jesús cha' tyanu la xi quichi̱ tyi ngu'. Bi' cha' ndyanu Jesús ca bi' tya tyucuaa tsa̱ li'.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

SAN JUAN 7:46

Li' nacui̱ policía: ―Bilya cuna ya nchcui' sca ñati̱ ñi'ya̱ nu nchcui' yu jua.

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

LOS HECHOS 15:3

Li' nchcui' salya' ngu' lo'o tya'a ngu', lcaa ngu' taju ñati̱ ji'i̱ Jesucristo quichi̱ Antioquía ngusalya' lo'o Pablo, lo'o Bernabé, lo'o tya'a ndya'a̱ ngu'. Li' ndu'u ngu' ndyaa ngu' tyucui̱i̱ nu tsaa nde Jerusalén. Nteje tacui ngu' loyuu su cuentya Fenicia, lo'o loyuu su cuentya Samaria, nchcui' ngu' lo'o lcaa taju ñati̱ ji'i̱ Jesucristo nu ndi'i̱ quichi̱ tyucui̱i̱ su nteje tacui ngu'. Ndacha' ngu' ñi'ya̱ nu ngua'ni ycui' Ndyosi, cha' nguxcutsa'a̱ Ni cresiya ji'i̱ ngu' xa' tsu', cha' juani cua ngusñi ngu' xa' tsu' cha' ji'i̱ ycui' Ndyosi. Lo'o ndyuna ngu' quichi̱ bi' cha' bi', tso'o tsa ntsu'u tyiquee ngu' li', cha' lo'o ñati̱ xa' tsu' ngusñi ngu' cha' ji'i̱ Jesucristo; nga'aa si'i ngu' judío ti nu ngusñi cha' bi'.

LOS HECHOS 8:12

Li' ndyalaa Felipe ca bi', nda yu cha' ji'i̱ Jesucristo lo'o lcaa ngu' quichi̱; ndacha' yu ji'i̱ ngu' ñi'ya̱ caca si laca ycui' Ni loo ne' cresiya ji'i̱ ngu'. Ndyuna ngu' cha' nu nchcui' Felipe li', ngusñi ngu' cha' bi'; bi' cha' ntyucuatya yu ji'i̱ lcaa ñati̱ nu ngusñi cha' bi', masi ngu' qui'yu, masi ngu' cuna'a̱.

LOS HECHOS 8:25

Quiña'a̱ la cha' ji'i̱ ycui' Ndyosi ngulu'u Pedro lo'o Juan ji'i̱ ngu' li', nchcui' ngu' ñi'ya̱ ngua lcaa cha' ji'i̱ Jesús. Lo'o li' ndu'u ngu' ya̱a̱ ngu' nde Jerusalén. Cla'be tyucui̱i̱ nteje tacui ngu' tyu̱u̱ quichi̱ loyuu su cuentya Samaria, ngulu'u ngu' ji'i̱ ngu' lcaa quichi̱ bi' ñi'ya̱ nu ndu'ni lyaá Jesús ji'i̱ ñati̱ chalyuu.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.