SAN JUAN 4:3 - Chatino Tataltepec

³ Nu lo'o ngua cuayá' ti' Jesús cha' cua ndyuna ngu' fariseo cha' bi', li' ndu'u yu nde loyuu su cuentya Judea, ndyaa yu chaca quiya' ca loyuu su cuentya Galilea bi' li'.

SAN JUAN 4:3 Iomraidhean Croise

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

SAN MARCOS 3:7

Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN LUCAS 17:11

Nu lo'o ngusñi Jesús tyucui̱i̱ ndyaa nde Jerusalén, li' nteje tacui ngu' loyuu su cuentya Galilea, ndyaa ngu' nde loyuu su cuentya Samaria.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN JUAN 10:40

Li' ndyaa Jesús chaca quiya', ndyaa chaca tsu' sta'a̱ Jordán ca su ngutu̱ Juan ntyucuatya ji'i̱ ngu' tya clyo. Nde bi' nguti'i̱ yu, lo'o jua'a̱ ndya'a̱ tsa ngu' slo.

SAN JUAN 11:54

bi' cha' nga'aa ndyaa Jesús su ndi'i̱ ngu' judío, ngutu'u yu loyuu bi', ndyaa yu chaca loyuu su tyijyu' la xi, ca to' yuu btyi. Ndyalaa yu sca quichi̱ su naa Efraín li', ca bi' nguti'i̱ Jesús lo'o ngu' nu ndyaca tsa'a̱ ji'i̱.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 3:22

Tiya' la li' ndyaa Jesús, ndyaa lo'o ñati̱ nu ndyaca tsa'a̱ ji'i̱ yu, nguti'i̱ ngu' xi nde loyuu su cuentya Judea. Ntyucuatya Jesús ji'i̱ ngu' ca bi'.

SAN JUAN 3:32

nda yu cha' liñi lo'o na cuentya ji'i̱ lcaa na nu cua na'a̱ yu, lcaa cha' nu cua ndyuna yu ca bi'. Pana ná ntaja'a̱ ñati̱ xñi cha' nu nda yu lo'o ngu'.

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.