SAN JUAN 4:28 - Chatino Tataltepec

²⁸ Li' ngusta nu cuna'a̱ bi' te'í̱ hitya lo yuu, ngutu'u ndyaa lquichi̱; ndyaa cho' ndyaa ndacha' cho' ji'i̱ ngu' quichi̱ cha' tsaa ngu' tsaa na'a̱ ngu' ji'i̱ Jesús.

SAN JUAN 4:28 Iomraidhean Croise

SAN MATEO 28:8

Hora ti ndu'u nu ngu' cuna'a̱ bi' to' cuaá bi', ndyaa ngu'. Lo'o jua'a̱ tso'o tsa ntsu'u tyiquee ngu', masi ndyutsi̱i̱ ngu' xi. Ngusna ngu' cha' ndyaa ngu' cacha' ngu' ji'i̱ ngu' nu ndyaca tsa'a̱ ji'i̱ Jesús.

SAN LUCAS 24:33

Li' xtyi'i ti ndyanu ngu', hora ti ngusñi ngu' tyucui̱i̱ nguxtyu̱u̱ ngu' ñaa ngu' nde Jerusalén chaca quiya'. Ca bi' ndyalaa ngu' ca su ndyu'u ti'i̱ nu tii chaca tya'a ngu' nu ngua tsa'a̱ ji'i̱ Jesús bi', lo'o xi xa' la tya'a ndya'a̱ ngu' ndi'i̱ ngu' bi'.

SAN LUCAS 24:9

Nguxtyu̱u̱ ngu' ñaa ngu' nde quichi̱, ndyalaa ngu' slo nu tii chaca tya'a ngu' nu ngua tsa'a̱ ji'i̱ Jesús. Li' ndacha' ngu' cuna'a̱ bi' lcaa cha' bi' ji'i̱ ngu', lo'o jua'a̱ lcaa ngu' nu nguta'a̱ lo'o Jesús ndyuna ngu' cha' bi' li'.

SAN JUAN 4:27

Li' xa' ya̱a̱ ñati̱ nu ndyaca tsa'a̱ ji'i̱, ndube tsa ti' ngu' cha' ntucua Jesús ndya cha' lo'o sca nu cuna'a̱. Pana ná nchcuane ngu' ji'i̱ nu cusu' bi': ¿Ni cha' nti' nu cuna'a̱ cua lo'o nu'u̱? ¿Ni cha' nda nu'u̱ lo'o nu cuna'a̱ cua?

SAN JUAN 4:29

―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?

SAN JUAN 4:7

Cua ndyaa ngu' nu ndyaca tsa'a̱ ji'i̱ lquichi̱, ndyaa ngu' cui'ya ngu' na cacu ngu'. Lo'o li' ya̱a̱ sca nu cuna'a̱ ngu' Samaria yaa qui'ya hitya. ―¿Ha ná ta xi hitya co'o na'? ―nacui̱ Jesús ji'i̱ nu cuna'a̱ bi'.