SAN JUAN 4:22 - Chatino Tataltepec

²² Cu'ma̱ ngu' Samaria ni, lo'o ndu'ni tlyu ma̱ ji'i̱ ycui' Ndyosi ná nslo ma̱ ti ji'i̱ ndu'ni tlyu ma̱; pana ngu' judío cuare, nslo ya ti ji'i̱ ndu'ni tlyu ya, cha' sca ngu' quichi̱ tyi ya laca nu ñati̱ tlyu nu cua'ni lyaá ji'i̱ lcaa ñati̱ ―nacui̱ Jesús ji'i̱ nu cuna'a̱ bi'―.

SAN JUAN 4:22 Iomraidhean Croise

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

LOS HECHOS 17:23

Ndyaa na'a̱ na' xi calle quichi̱ re, lo'o li' na'a̱ na' lcaa jo'ó nu cuentya ji'i̱ cu'ma̱. Li' na'a̱ na' sca mesa nu ndu̱ laja ti su nscua sca cha'cña nde sii' mesa bi' nu ndi'ya̱ nchcui': “Nde laca mesa ji'i̱ jo'ó nu bilya tyuloo ya ji'i̱”. Cha' ji'i̱ ycui' Ndyosi nu bilya slo ma̱ tilaca laca Ni, cha' ji'i̱ nu ycui' Ndyosi bi' ta na' lo'o ma̱ juani ―nacui̱ yu―.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

LOS HECHOS 3:26

Ngua'ni ycui' Ndyosi cha' ndyu'ú nu sca ti Sñi' ycui' ca chaca quiya' lo'o ngujuii yu, jua'a̱ ngulo Ni cña ji'i̱ yu cha' clyo ca̱a̱ yu ca slo na ca nde. Cua nti' Ni cha' ca lubii cresiya ji'na, bi' cha' cua ñaa Sñi' ycui' Ni cha' xtyucua ji'na, cha' caca culotsu' na ji'i̱ lcaa cha' cuxi nu ntsu'u ji'na.

ROMANOS 11:18

Bi' cha' ná tso'o laca si culacua ti' ma̱ cha' tso'o la cu'ma̱, cuxi la ngu' judío, nu ngu' nu laca ñi'ya̱ laca sta̱' ycui' yaca. Si jua'a̱ nti' ma̱, tso'o la si tyi'u ti' ma̱ cha' si'i cu'ma̱ nu ndyu'ni cu'ú ma̱ ji'i̱ su̱u̱ yaca bi', la cui' su̱u̱ bi' laca nu nda cha' tso'o ji'i̱ cu'ma̱.

HEBREOS 7:14

Cua jlo ti' ngu' cha' Judá ngua xtañi Jesús tya lo'o ngula yu; pana nu lo'o nchcui' jyo'o Moisés tilaca nu caca sti jo'ó, ná nchcui' tsiya' ti ji'i̱ ngu' tya'a xtañi Judá bi'.