SAN JUAN 4:19 - Chatino Tataltepec

¹⁹ ―Cusu' ―nacui̱ nu cuna'a̱ bi'―, cua ngua cuayá' ti' na' juani cha' tii tsa nu'u̱; sca nu laca tu'ba ji'i̱ ycui' Ndyosi cha' nchcui' Ni lo'o ñati̱ laca nu'u̱ ―nacui̱―.

SAN JUAN 4:19 Iomraidhean Croise

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN LUCAS 24:19

―¿Na laca ngua? ―nacui̱ Jesús ji'i̱ ngu'. Li' nguxacui̱ ngu' cha' ji'i̱ yu: ―Cha' ji'i̱ Jesús Nazaret ―nacui̱ ngu'―, tu'ba ji'i̱ ycui' Ndyosi ngua yu bi' nchcui' Ni lo'o ñati̱. Ngua tsa ji'i̱ cha' tu'ba, lo'o jua'a̱ ngua tsa ji'i̱ ngua'ni quiña'a̱ tsa cha' tlyu cuentya ji'i̱ ycui' Ndyosi; jua'a̱ quiña'a̱ tsa ñati̱ na'a̱ ji'i̱ cha' tlyu bi'.

SAN LUCAS 7:16

Ndube tsa ti' lcaa ñati̱ ca bi' lo'o na'a̱ ngu' ji'i̱ yu nu ngujuii bi'. Li' nguxana ngu' ndyu'ni tlyu ngu' ji'i̱ ycui' Ndyosi. ―Tlyu tsa ñati̱ ndyalaa slo na juani ―nacui̱ ngu'―, bi' laca nu chcui' lcaa cha' ji'i̱ ycui' Ndyosi lo'o na. Jua'a̱ nacui̱ ngu' li'. Lo'o chaca cha' nacui̱ ngu': ―Cua ndyalaa ycui' Ndyosi juani cha' xtyucua Ni ji'i̱ ñati̱ ji'i̱ ycui' Ni ―nacui̱ ngu'.

SAN LUCAS 7:39

Lo'o nu yu fariseo nu cua nchcui' lo'o Jesús cha' tsaa cua'ni xlyaa ca slo yu ni, lo'o cua na'a̱ yu ji'i̱ nu cuna'a̱ bi', ndi'ya̱ cha' ngua'ya hique yu li': “Si'i cha' chañi laca re, cha' laca yu sca ñati̱ nu laca tu'ba ji'i̱ ycui' Ndyosi cha' chcui' Ni lo'o na. Si la cui' laca yu, li' ta yu cuentya tilaca laca nu cuna'a̱ nu nsta ya' lo quiya' yu juani; caca cuayá' ti' yu cha' sca nu cuna'a̱ nu chiya'a̱ tsa ndu'ni su ndi'i̱ chalyuu laca nu cua.”

SAN JUAN 4:18

Cua ca'yu quiya' ngujui clyo'o nu'u̱ sa'ni la, lo'o jua'a̱ si'i clyo'o laca nu qui'yu nu nga'a̱ lo'o nu'u̱ juani ―nacui̱―. Liñi tsa cha' nu nchcui' nu'u̱ lo'o na'.

SAN JUAN 4:29

―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?

SAN JUAN 6:14

Lo'o cua na'a̱ ngu' cña tonu nu ngua'ni ca Jesús, li' nacui̱ ngu': ―Chañi cha' yu jua laca nu cusu' nu chcui' cha' ji'i̱ ycui' Ndyosi lo'o na, nu cua tyu'u tucua ti nde chalyuu.

SAN JUAN 7:40

Lo'o ndyuna ngu' quichi̱ cha' bi', ntsu'u ngu' nu nchcui' ji'i̱ Jesús ndi'ya̱: ―Chañi cha' yu jua laca nu cusu' nu cua ca̱a̱ ti cha' chcui' cha' ji'i̱ ycui' Ndyosi lo'o na.

SAN JUAN 9:17

Li' xa' nchcuane ngu' ji'i̱ nu ngua cuityi̱' bi': ―Nu'u̱ ni, ¿ñi'ya̱ chcui' ta nu'u̱ cha' ji'i̱ yu bi' juani, cha' cua ngua'ni yu jo'o ji'i̱ cloo nu'u̱? Li' nguxacui̱ nu qui'yu bi' cha' ji'i̱ ngu': ―Sca nu cusu' nu nda cha' ji'i̱ ycui' Ndyosi lo'o ñati̱, jua'a̱ laca yu bi' ―nacui̱.