SAN JUAN 4:15 - Chatino Tataltepec

¹⁵ Li' nguxacui̱ nu cuna'a̱ bi' cha' ji'i̱ Jesús: ―Ta clya nu'u̱ hitya bi' co'o na', cusu' ―nacui̱―, cha' nga'aa tyucua nguityi na', cha' nga'aa ta cña 'na cha' ca̱a̱ qui'ya na' hitya ca nde.

SAN JUAN 4:15 Iomraidhean Croise

SAN JUAN 4:16

Li' nchcui' Jesús lo'o nu cuna'a̱ bi': ―Yaa clya nu'u̱ yaaqui'ya ji'i̱ clyo'o cha' ca̱a̱ ca nde.

SAN JUAN 6:26

Li' nda Jesús sca cha' lo'o ngu': ―Ndube tsa ti na' cha' cua lijya̱ ma̱ yaana ma̱ jna' xqui'ya cha' nda na' xlyá nu ndyacu ma̱ tsubi' ti ―nacui̱―. Nguaala' ti' ma̱ lo'o ndyacu ma̱ li'. Chañi cha' xqui'ya cha' bi' lijya̱ ma̱ yaana ma̱ jna', si'i xqui'ya cña tonu nu ngua'ni na' cuentya ji'i̱ ycui' Ndyosi.

SAN JUAN 6:34

―Cusu' ―nacui̱ ngu' ji'i̱ Jesús―, ta clya nu'u̱ cha' tso'o bi' cacu ya, lo'o li' cacu ya ji'i̱ lcaa tsa̱.

SAN JUAN 6:35

―Ñi'ya̱ ndu'ni tyaja lo'o ndye ndyacu na ji'i̱, jua'a̱ cua'ni na' lo'o ñati̱, si xñi ngu' cha' jna' ―nacui̱ Jesús li'―. Ta na' sca chalyuu ji'i̱ ngu' su xcui' ndyaala' ti' ngu' ―nacui̱ Jesús ji'i̱ ngu' bi'―. Lo'o lcaa ñati̱ nu tyu'u cha' ji'i̱ ngu' lo'o na', nga'aa jña la ngu' xa' lo na cacu ngu'; lo'o xñi ngu' cha' jna', nga'aa tyucua nguityi ngu' li' ―nacui̱―.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

ROMANOS 8:5

Nu lo'o cua'ni na ñi'ya̱ nu ndu'ni ñati̱ chalyuu ti, la cui' cha' cuxi nu ntsu'u ji'i̱ ñati̱ bi', bi' laca loo ne' cresiya ji'na li'; pana si Xtyi'i ycui' Ndyosi laca loo ji'na lo'o ndi'i̱ na chalyuu, li' taca taquiya' na ji'i̱ lcaa cha' nu nchcui' ycui' Ndyosi.

1 CORINTIOS 2:14

Pana ñati̱ nu ná stu'ba cha' ji'i̱ lo'o ycui' Ndyosi ni, ná taca ca cuayá' ti' ngu' bi' ni sca cña nu ndu'ni ycui' Ndyosi cuentya ji'i̱ Xtyi'i ycui' Ni; ná nchca ca cuayá' ti' ngu' bi' ji'i̱ cha' bi' tsiya' ti. Sca ti si ntsu'u Xtyi'i ycui' Ndyosi ne' cresiya ji'na, li' caca cuayá' ti' na ni cha' laca bi', bi' cha' ná sca cha' laca nti' ngu' bi'.

SANTIAGO 4:3

masi ndijña ma̱ sca cha' ji'i̱ ycui' Ndyosi, pana cuxi tsa tyiquee ma̱, bi' cha' ná ndyiji cha' bi' ji'i̱ ma̱ li'. Tsa nde ti cha' ntsu'u tyiquee ma̱: cua nti' ma̱ cha' caja ji'i̱ ma̱ cua ña'a̱ ca cha' nu tyaala' tyiquee ycui' ca ma̱, pana ná tso'o cha' ndyu'ni ma̱ jua'a̱;

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.