SAN JUAN 4:13 - Chatino Tataltepec

¹³ ―Lo'o co'o ngu' hitya tyuu re ―nacui̱ Jesús―, xa' tyucua nguityi ngu' tiya' la ―nacui̱ yu―.

SAN JUAN 4:13 Iomraidhean Croise

SAN LUCAS 16:24

Li' ngusi'ya nu culiya' bi' ji'i̱ Abraham: “Sti ya Abraham, cua'ni tya'na ti' nu'u̱ jna'. Ta nu'u̱ ji'i̱ Lázaro jua cha' ca̱a̱ ca̱lo'o xi hitya cha' co'o na', masi lo'o sne ti yu cuicha' yu xi tu'ba na' cha' ca'ya tyacala' xi ltse' na', cha' lye tsa tyique' nti' na' su ntsu'u na' lo quii' re.”

SAN JUAN 4:12

¿Ha tlyu la nu'u̱ que jyo'o cusu' Jacob ji'na nu nda tyuu re ji'i̱ ya? ―nacui̱―. Ndyi'yu jyo'o bi' hitya tyuu re, lo'o jua'a̱ ndyi'yu sñi' yu, lo'o scu̱' ngu' ndyi'yu hitya re.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:49

Cua ndyacu jyo'o cusu' ji'i̱ ma̱ na nu nda ycui' Ndyosi ji'i̱ ngu', ngua'ya bi' lo yuu lo nati̱' btyi ca su nguti'i̱ ngu'; pana nga'aa lu'ú ngu' bi' juani, masi ndyacu ngu' na bi' sa'ni la.