SAN JUAN 3:31 - Chatino Tataltepec

³¹ Loo la laca ycui' Cristo cha' ngutu'u yu nde cua̱ ca su ntucua ycui' Ndyosi, ya̱a̱ yu nde chalyuu. Pana nu Juan ni, sñi' sca ñati̱ chalyuu ngua bi'; nde chalyuu ntsu'u tyi, nchcui' ñi'ya̱ nu nchcui' ñati̱ ti. Nu Jesucristo ni, ya̱a̱ yu bi' nde cua̱ ca su ndi'i̱ ycui' Ndyosi,

SAN JUAN 3:31 Iomraidhean Croise

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN JUAN 1:15

Nde laca cha' nu nchcui' Juan cha' ji'i̱ nu Jesús bi'. Cui̱i̱ nchcui' Juan li': ―Nu nde laca nu qui'yu nu ni na' ji'i̱ ma̱ cha' tyu'u tucua tiya' la nde chalyuu ―nacui̱ Juan―, masi tlyu la cha' ntsu'u ji'i̱ ycui' yu que na'. Jua'a̱ ni na' ji'i̱ ma̱, cha' nu lo'o bilya cala na' cua lu'ú ycui' yu.

SAN JUAN 1:27

Tso'o tsa cña ngujui 'na nti' na' ―nacui̱―, masi caña nu ntsu'u quiya' ñati̱ bi' sati̱' na' juata.

SAN JUAN 1:30

Cha' ji'i̱ yu bi' nchcui' na', nu lo'o ni na' ji'i̱ ma̱ cha' cua tyu'u tucua ti sca ñati̱ loyuu re. Tlyu la cha' ji'i̱ yu bi' que na', masi tiya' la ndu'u tucua bi'. Jua'a̱ ni na' ji'i̱ ma̱ cha' nu lo'o tya lyiji cala na', cua lu'ú yu bi'.

SAN JUAN 3:30

Lo'o jua'a̱ caca tlyu la ycui' yu, sube la nscua cha' caca na' li'.

SAN JUAN 6:33

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

SAN JUAN 6:51

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

SAN JUAN 8:23

Bi' cha' tya nda la Jesús xi cha' lo'o ngu' bi': ―Nde chalyuu su ndi'i̱ cu'ma̱ cuxi tsa ndu'ni ñati̱; pana na' ni, chaca chalyuu ca slo ycui' Ndyosi ngutu'u na' ―nacui̱ yu―. Cua ngui'i̱ ma̱ ji'i̱ nu cuxi nu ndu'ni ñati̱ chalyuu; pana na' ni, ntsu'u tyiquee na' ji'i̱ ycui' Ndyosi Sti na' ca su ntucua ycui' Ni ―nacui̱ Jesús―.

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.

HEBREOS 9:1

Nu cha' cusu' nu cua nda Ni lo'o ngu' Israel nu ngua li', nchcui' bi' ñi'ya̱ cua'ni ngu' lo'o ngua'ni tlyu ngu' ji'i̱ ycui' Ndyosi. Lo'o jua'a̱ cua ntsu'u sca ni'i̱ nu tacati ji'i̱ ngu', su ngua'ni tlyu ngu' bi' ji'i̱ Ni, masi ñati̱ ti ngua ngu' nu ngüiñá ni'i̱ bi';

1 PEDRO 3:22

Na cua ndyaa Jesucristo nde cua̱, lo'o juani ndi'i̱ yu la'a tsu' cui̱ ca su ntucua ycui' Ndyosi. Nu Jesucristo bi' ni, laca yu loo ji'i̱ lcaa xca̱ ji'i̱ ycui' Ndyosi, ji'i̱ lcaa ngu' nu laca cña, ji'i̱ lcaa cui'i̱ tso'o nu nchca xi ji'i̱; laca yu loo tsiya' ti.

1 JUAN 4:5

Cua ntsu'u cha' ji'i̱ nu ngu' cuiñi bi' lo'o nu cuxi nu ntsu'u chalyuu, lo'o jua'a̱ xcui' cha' ji'i̱ nu xña'a̱ laca cha' nu nchcui' ngu' bi'; bi' cha' ndiya tsa ti' ñati̱ chalyuu cuna ngu' cha' nu nda nu ngu' cuiñi bi', lcaa ñati̱ nu ná ndaquiya' ji'i̱ Jesucristo tsiya' ti.

APOCALIPSIS 19:16

Tsaca xtañi Ni nscua lo late' lo tyiquee Ni, lo'o jua'a̱ la cui' ti cha' nscua lo late' nde chu̱' Ni: “Nu nde laca Rey nu chañi ca, nu nde laca Xu'na ñati̱ nu chañi ca”. Jua'a̱ nchcui' cha' nu cua nscua lo late' ji'i̱ Ni.