Li' ngulo ngu' bi' cña ji'i̱ xi ngu' cuañi' nu ndyaca tsa'a̱ cha' ji'i̱ ngu' fariseo, cha' chcui' cuayá' ngu' cuañi' bi' lo'o Jesús, ngua ti' ngu'. Li' ndyaa ngu' bi' slo Jesús lo'o xi xa' la ñati̱ nu ndya'a̱ lo'o taju ngu' nu cuentya ji'i̱ rey Herodes. ―Mstru ―nacui̱ nu ngu' cuañi' bi' ji'i̱ Jesús li'―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ ndañi cha' nu nchcui' ngu' jinu'u̱; sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu.
SAN JUAN 3:2 - Chatino Tataltepec2 Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús. Faic an caibideil |
SAN JUAN 3:2
30 Iomraidhean Croise
Lo'o cua ndyalaa ngu' slo yu, li' nchcui' ngu' lo'o yu: ―Mstru ―nacui̱ ngu' ji'i̱ Jesús―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ cha' nu nchcui' ngu' jinu'u̱. Sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu. Tyu'u cha' clyu ti' jinu'u̱, ¿ha tso'o si ta na cñi cña loo na cuentya ji'i̱ rey tlyu nu ndi'i̱ xa' tsu' bi'? ―nacui̱ ngu'―. ¿Ha ndu'ni tsa cha' ta na cñi bi' ji'i̱ ngu'? ¿Ha ná tso'o la masi ná ta na cñi bi' tsiya' ti?
¿Ha ná jlya ti' ma̱ cha' stu'ba ntsu'u cha' 'na lo'o ycui' Ndyosi Sti' na'? Lo'o jua'a̱ lcaa hora ndi'i̱ ycui' Ndyosi Sti na' lo'o na' ―nacui̱―. Si'i cha' nu ngulo hique ti na' nu nchcui' na' lo'o ma̱; stu'ba ntsu'u cha' ji'i̱ Sti na' lo'o na', lo'o ycui' Ni laca nu nclyo cña 'na, ñi'ya̱ nu cua'ni na'.
Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.
Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.
Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.
Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.
Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.
’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.
Sanasan