SAN JUAN 3:12 - Chatino Tataltepec

¹² Ntsu'u cha' nu nchcui' na' lo'o cu'ma̱ cuentya ji'i̱ chalyuu re, pana ná jlya ti' ma̱ cha' bi'. ¿Ñi'ya̱ caca cha' jlya ti' ma̱ jna' si chcui' na' lo'o ma̱ scaa cha' nu ntsu'u ji'i̱ ycui' Ndyosi nu laca loo? ―nacui̱ Jesús ji'i̱ Nicodemo―.

SAN JUAN 3:12 Iomraidhean Croise

SAN JUAN 3:11

Liñi tsa cha' nu nda na' lo'o nu'u̱. Nu cuare, liñi nchcui' ya ji'i̱ sca cha' nu cua jlo ti' ya, sca cha' nu cua na'a̱ ya, pana ná ntucuá ma̱ tsiya' ti cha' nu nchcui' ya ―nacui̱ yu―.

SAN JUAN 3:3

Li' nchcui' Jesús lo'o: ―Liñi tsa cha' nu ta na' lo'o nu'u̱ juani: ndu'ni ycui' Ndyosi Sti na' cha' cala ñati̱ chaca quiya', si nti' ngu' xñi ngu' cha' ji'i̱ ycui' Ni cha' caca Ni loo ne' cresiya ji'i̱ ngu' ―nacui̱.

SAN JUAN 3:5

―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.

SAN JUAN 3:8

Cui'i̱ ni, nchca cui'i̱ macala su nti'; masi nduna na cha' ndañi nchca cui'i̱ li', pana ná nchca cuayá' ti' na macala ngutu'u, ma nde tsaa cui'i̱ bi' li' ―nacui̱ yu―. La cui' jua'a̱ laca lo'o Xtyi'i ycui' Ndyosi, ná nchca cuayá' ti' ngu' ñi'ya̱ nu ndu'ni Ni cha' caca cui cresiya ji'i̱ ngu' ―nacui̱ Jesús ji'i̱.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 5:11

Cua quiña'a̱ tsa cha' nti' ya chcui' ya lo'o ma̱ cha' ji'i̱ Cristo, cha' quiña'a̱ tsa cha' tya lyiji ca cuayá' ti' ma̱. Pana ná nchca culu'u tso'o ya lcaa cha' bi' ji'i̱ ma̱; tlyu tsa cña caca, xqui'ya cha' ycui' cu'ma̱ ná ndyu'ni yala ma̱ cha' ca cuayá' ti' ma̱ cha' bi'.

1 JUAN 4:10

Nde laca cha' nu nchcui' na' lo'o ma̱: Si'i cha' ntsu'u tyiquee na ña'a̱ na ji'i̱ ycui' Ndyosi, masi ycui' Ndyosi laca nu ntsu'u tsa tyiquee Ni ña'a̱ Ni ji'na tya clyo, bi' cha' nda Ni ji'i̱ Sñi' ycui' ca Ni ya̱a̱ chalyuu cha' ngujuii yu lo crusi, cha' cua ngua cuxi tyiquee na lo'o ycui' Ndyosi nu Xu'na na xqui'ya cha' cuxi nu ngua'ni na; pana Jesucristo nu sca ti Sñi' ycui' Ni, bi' laca nu cua nchcube' cña loo na, ngüi'ya Ni yabe' nu ntsu'u ji'na.