SAN JUAN 21:15 - Chatino Tataltepec

¹⁵ Lo'o ndye ngua'ni ngu' msaa, li' nchcuane Jesús ji'i̱ Simón Pedro: ―Simón, sñi' Juan ―nacui̱ Jesús ji'i̱―, ¿ha ntsu'u la tyiquee nu'u̱ ña'a̱ jna'? ¿Ha ntsu'u la tyiquee nu'u̱ ña'a̱ ji'i̱ tya'a tso'o nu'u̱? Li' nguxacui̱ Pedro cha' ji'i̱ Jesús: ―Cua jlo ti' nu'u̱, Xu'na, cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱. ―Culu'u nu'u̱ cha' 'na ji'i̱ ñati̱ nu ngusñi ca ti cha' bi' lacua, ñi'ya̱ lo'o ña'a̱si̱i̱ nu'u̱ ji'i̱ na'ni cuañi' scu̱' nu'u̱ ―nacui̱ Jesús ji'i̱ Pedro.

SAN JUAN 21:15 Iomraidhean Croise

SAN MATEO 10:37

’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

SAN MATEO 16:17

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 26:33

Li' nchcui' Pedro lo'o: ―Ná xtyanu na' jinu'u̱ tsiya' ti ―nacui̱ Pedro li'―. Masi ca ta'a ngu' xna ngu' jinu'u̱, pana na' ni, ná xna na' jinu'u̱.

SAN MATEO 26:35

Li' xa' nchcui' Pedro: ―Masi ntsu'u cha' cajaa na' stu'ba ti lo'o nu'u̱, ná chcui' na' lo'o ñati̱ cha' ná nslo na' jinu'u̱ ―nacui̱ Pedro li'. Lo'o la cui' jua'a̱ cha' nguxacui̱ xa' la ngu' nu ndyaca tsa'a̱ ji'i̱ Jesús li'.

SAN MARCOS 14:29

―Masi lcaa ngu' xtyanu ngu' jinu'u̱, pana nu na' ni, ná xtyanu na' jinu'u̱ tsiya' ti ―nacui̱ Pedro ji'i̱ Jesús li'.

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

SAN LUCAS 22:32

Pana cua ngüijña na' ji'i̱ ycui' Ndyosi Sti na' cha' jinu'u̱ Pedro, cha' ná tye cha' jlya ti' nu'u̱ 'na. Lo'o cua nteje tacui cha' cuxi bi' hi̱, nu lo'o xa' chcui' nu'u̱ cha' 'na, li' taca xtyucua nu'u̱ ji'i̱ xa' la tya'a ma̱ cha' tso'o la xñi ngu' cha' 'na.

SAN JUAN 1:42

Lo'o li' ndyaa lo'o ji'i̱ Simón ca slo Jesús. Ña'a̱ tsa Jesús ji'i̱ Simón bi', ndi'ya̱ nacui̱ yu ji'i̱ li': ―Simón naa nu'u̱ ―nacui̱―, sñi' Jonás laca nu'u̱; pana Cefas ca naa nu'u̱ nde loo la ―ñi'ya̱ nti' na chcui' na cha'cña ji'na: sca quee; stu'ba ti ndyu'u cha' bi' lo'o Pedro.

SAN JUAN 13:37

Li' nchcuane Pedro ji'i̱ yu: ―¿Ni cha' laca ná nti' nu'u̱ cha' tya'a̱ na' lo'o nu'u̱ ca su tsaa nu'u̱ juani ti? ―nacui̱―. Cajaa na' si caca clyaá ycui' nu'u̱.

SAN JUAN 16:27

la cui' ycui' Ndyosi Sti na' ntsu'u tsa tyiquee Ni ña'a̱ Ni ji'i̱ ma̱. Ntsu'u tyiquee ma̱ ña'a̱ ma̱ jna', jua'a̱ jlya ti' ma̱ cha' ca slo ycui' Ndyosi ngutu'u na', bi' cha' ntsu'u tyiquee Ni ña'a̱ Ni ji'i̱ ma̱ ―nacui̱―.

SAN JUAN 21:12

―Tya̱a̱ ma̱ cacu ma̱ msaa ―nacui̱ Jesús ji'i̱ ngu' bi' li'. Pana ná tucui ngua ti' xcuane ji'i̱: ¿tilaca laca nu'u̱? Jlo ti' ngu' cha' la cui' Jesús nu Xu'na ngu' laca yu bi'.

SAN JUAN 21:7

Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro: ―Nu ndu̱ ca bi' laca ycui' nu Xu'na na ―nacui̱. Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'.

SAN JUAN 8:42

―¿Ha ycui' Ndyosi laca Sti cu'ma̱ lacua? ¿Ni cha' laca ná ntsu'u tyiquee ma̱ ña'a̱ ma̱ jna' lacua? ―nacui̱ Jesús―. Nde slo ycui' Ndyosi ngutu'u na'; xqui'ya Ni, bi' cha' ndi'i̱ na' nde chalyuu ―nacui̱ Jesús―. Si'i cuentya ji'i̱ ycui' ca ti na' lijya̱ na' chalyuu, ngulo ycui' Ndyosi cña jna' cha' ca̱a̱ na'.

LOS HECHOS 20:28

Nu juani ntsu'u cha' ña'a̱si̱i̱ ma̱ ji'i̱ ycui' ca ma̱, lo'o jua'a̱ ña'a̱si̱i̱ ma̱ ji'i̱ ca ta'a ñati̱ ji'i̱ Jesucristo ca quichi̱ tyi ma̱, cha' cua nda Xtyi'i ycui' Ndyosi cña ji'i̱ ma̱ cha' caca ma̱ loo ji'i̱ taju ñati̱ bi'. Tlyu tsa cña nu ngua'ni ycui' nu Xu'na na cha' ca ti̱ qui'ya nu ntsu'u ji'na tya lo'o ngujuii yu lo crusi, nu lo'o ndyalú tañi ycui' ca yu.

LOS HECHOS 20:29

Jlo ti' na' cha' nu lo'o nga'aa ndya'a̱ na' ca nde, li' ca̱a̱ ñati̱ cuiñi cha' cua'ni ñu'u̱ ji'i̱ taju ñati̱ tya'a ma̱; ñi'ya̱ ndu'ni tyaala bo'o ji'i̱ sca taju xlya', jua'a̱ cua'ni ñu'u̱ nu ngu' cuiñi bi' ji'i̱ taju ñati̱ tya'a ndya'a̱ ma̱.

ROMANOS 14:1

Tso'o ti chcui' ma̱ lo'o sca ñati̱ tya'a ngusñi na cha' ji'i̱ Jesús, masi tya lyiji ca cuayá' tso'o ti' cha' bi'; ná xu̱u̱ tya'a ma̱ lo'o nu ñati̱ bi' xqui'ya sca cha' nu ná nchca cuayá' tso'o ti'.

ROMANOS 15:1

Lcaa na nu nguula ti' tyiquee na xqui'ya cha' ngusñi na cha' ji'i̱ Cristo, ntsu'u cha' talo tyiquee na ji'i̱ tya'a ngusñi na cha' ji'i̱ Cristo nu tya lyiji xñi tso'o cha' bi'; ntsu'u cha' xtyucua na ji'i̱ ngu'. Si'i xcui' cña ji'i̱ ycui' ca na nu nga'a̱ cha' tyu'u tyiquee na ji'i̱;

1 CORINTIOS 8:11

Lo'o jua'a̱ caca cuxi ji'i̱ ngu' li', chcuna' tyucui̱i̱ ji'i̱ ngu' xqui'ya cu'ma̱ nu cua jlo ti' ma̱ cha' liñi ji'i̱ ycui' Ndyosi. Tso'o la tyi'u ti' ma̱ cha' lo'o xqui'ya ngu' bi' ngujuii Cristo.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

EFESIOS 4:14

Li' nga'aa cua'ni na ñi'ya̱ ndu'ni nu sube nu lu'ba ti ncha'a̱ cña ji'i̱, cha' nu ndijya ngu'; ni ná ta na chacuayá' cojolaqui ngu' ji'na xa' tyucui̱i̱, nu lo'o chcui' ngu' lo'o na cua ña'a̱ ca cha' nu bilya cuna na ji'i̱. Ntsu'u tsa cha' cuiñi nu nda ñati̱ nu tajua' tsa nchcui' lo'o na, ñati̱ nu nti' tsa cha' tsalo'o ji'na nde tyucui̱i̱ cuxi.

EFESIOS 6:24

Lo'o jua'a̱ nti' na' cha' ña'a̱ ti cua'ni Ni cha' tso'o lo'o lcaa cu'ma̱ nu ntsu'u tyiquee ma̱ ji'i̱ Jesucristo nu Xu'na na, cu'ma̱ nu nga'aa nti' tya'a̱chu̱' ma̱ ji'i̱ Cristo. Chañi cha' jua'a̱ caca cha' bi'.

HEBREOS 13:20

Ycui' Ndyosi laca nu ngua'ni cña cha' ndyu'ú Jesucristo nu Xu'na na chaca quiya' lo'o ngujuii. Lo'o juani laca Jesús loo, cha' ña'a̱si̱i̱ Ni ji'na nu laca na ñati̱ ji'i̱ Ni, xqui'ya cha' ngujuii Ni cuentya ji'na. Nu lo'o ngujuii Jesús, li' ngüiñi cha' ji'i̱ Ni lo'o lcaa ñati̱ ji'i̱ Ni, sca cha' cucui nu ná nga'a̱ cha' tye tsiya' ti.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

1 PEDRO 1:8

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.

1 PEDRO 2:2

Ñi'ya̱ laca sca cubi' cuañi' nu ngula ca ti, jua'a̱ laca cu'ma̱ cuentya ji'i̱ ycui' Ndyosi, cha' tsubi' ti ngusñi ma̱ cha' ji'i̱ ycui' Ni. Lu'ba ti ntyi' cubi' cuañi' cha' ntyute' tsa; si ná cati' lu'ba ti, ná caluu cubi' tsiya' ti. Lo'o jua'a̱ cu'ma̱ ni, tso'o la si cua'ni cña ti' ma̱ cha' ca tsa'a̱ la ma̱ cha' ji'i̱ ycui' Ndyosi, cha' ñi'ya̱ nti' styi', jua'a̱ laca cha' ji'i̱ ycui' Ndyosi cuentya ji'i̱ ma̱. Cua'ni bi' cha' caca nguula la ti' tyiquee ma̱ cuentya ji'i̱ ycui' Ndyosi, cha' taca clyaá ma̱ ji'i̱ cha' cuxi.

1 PEDRO 2:25

Lo'o juani nga'aa ndya'a̱ yu'u ti ma̱, ñi'ya̱ ndya'a̱ yu'u xlya'; na cua nguxtyu̱u̱ ma̱ ñaa ma̱ ca su nga'a̱ ycui' nu Xu'na ma̱ nu ña'a̱si̱i̱ ji'i̱ cresiya ji'i̱ ma̱.

1 JUAN 4:19

Ntsu'u tyiquee na ña'a̱ na ji'i̱ ycui' Ni, xqui'ya cha' tya clyo ntsu'u tsa tyiquee Ni ña'a̱ Ni ji'na.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.