SAN JUAN 21:10 - Chatino Tataltepec

¹⁰ Nchcui' Jesús lo'o ngu' li': ―Tya̱a̱ lo'o ma̱ xi cualya nu ngujui ji'i̱ ma̱ ca nde ―nacui̱ yu ji'i̱ ngu'.

SAN JUAN 21:10 Iomraidhean Croise

SAN LUCAS 24:41

Ná ngua tyuloo tso'o ngu' ji'i̱ yu xqui'ya cha' chaa tsa ti' ngu' ngua, cha' ndube tsa ti' ngu' ña'a̱ ngu' ji'i̱ yu. Bi' cha' nacui̱ Jesús ji'i̱ ngu': ―¿Ha ntsu'u na cacu na' ji'i̱ ma̱?

SAN JUAN 21:11

Li' ndyatí̱ Pedro ne' yaca ni'i̱, ngujolaqui taraya ngutu'u ca lo yuu btyi; ngutsa'á̱ ne' taraya bi' ntsu'u cualya tonu. Sca siyento cla'be ntucua sna tya'a cualya ndyatí̱ ne' taraya ji'i̱ ngu', ni ná ngutaa' taraya, masi quiña'a̱ tsa cualya ndyatí̱ ne'.

SAN JUAN 21:13

Li' ndyaa Jesús slo ngu', ndaya' xlyá cha' ta yu cacu ngu' bi'; jua'a̱ lo'o cualya nda yu ndyacu ngu'.

SAN JUAN 21:9

Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua.

SAN JUAN 6:11

Lo'o li' ndaya' Jesús ji'i̱ xlyá bi', ndya yu xlya'be ji'i̱ ycui' Ndyosi cha' cua nda Ni na cacu ngu'. Li' ngusa'be Jesús xlyá bi', nda yu ji'i̱ ngu' nu ndyaca tsa'a̱ ji'i̱, lo'o ngu' bi' laca nu ndacha xlyá ji'i̱ ngu' quiña'a̱ bi' ca su ndi'i̱ ngu'. Lo'o cualya bi' nda Jesús cacu ngu'. Li' ndyacu ngu' ña'a̱ cuayá' nu nguaala' ti' lcaa ngu'.

SAN JUAN 6:9

―Ndu̱ sca nu piti qui'yu re ―nacui̱ Andrés―, lo'o xi ca'yu tya'a xlyá teje' ji'i̱, lo'o tucua tya'a cualya sube ji'i̱ ―nacui̱―. Pana ná tyu'u scua cha' bi' cha' cacu ñati̱ quiña'a̱ re ―nacui̱ Andrés ji'i̱ Jesús.