SAN JUAN 21:1 - Chatino Tataltepec

¹ Tiya' la xi xa' ngulu'u loo Jesús ji'i̱ nu ngu' nu ngua tsa'a̱ ji'i̱, nu lo'o ndyaa ngu' nde to' tayu' Tiberias. Ndi'ya̱ ngua cha' bi':

SAN JUAN 21:1 Iomraidhean Croise

SAN MATEO 26:32

Pana ca tiya' la lo'o tyu'ú na' chaca quiya', li' nde loo la tsa'a na' nde Galilea cuentya ji'i̱ cu'ma̱.

SAN MATEO 28:16

Lo'o li' ndu'u nu tii chaca tya'a ngu' nu ndyaca tsa'a̱ ji'i̱ Jesús, ndyaa ngu' ca loyuu su cuentya Galilea; ndyu'u ti'i̱ ngu' lo xlya ca'ya ca su nacui̱ Jesús cha' tyacua tya'a ngu' lo'o li'.

SAN MATEO 28:7

Li' yaa clya ma̱ cacha' ma̱ ji'i̱ nu ngu' nu ndyaca tsa'a̱ ji'i̱ yu bi', cha' nga'aa ntsiya jyo'o bi' ne' cuaá re, cha' cua ndyu'ú yu chaca quiya'; cua tsaa ti ycui' yu nde Galilea nde loo la ji'i̱ cu'ma̱, ca bi' ña'a̱ ma̱ ji'i̱ yu. Tsa lo cua ti cha' ntsu'u cha' cacha̱' ji'i̱ ma̱ ―nacui̱ xca̱ ji'i̱ nu ngu' cuna'a̱ bi'.

SAN MARCOS 16:12

Tiya' la xi, li' ndyu'u tucua Jesús chaca quiya', ngulu'u loo yu ji'i̱ tucua tya'a ngu' nu ndyaca tsa'a̱ ji'i̱. Tyucui̱i̱ su ndya'a̱ ngu' nde ne' quixi̱', ca bi' ngulu'u loo ycui' Jesús ji'i̱ ngu'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 16:7

Li' yaa clya ma̱ cacha' ma̱ ji'i̱ Pedro lo'o ji'i̱ xa' la ngu' nu ndyaca tsa'a̱ ji'i̱ yu, cha' cua tsaa ti ycui' yu nde loo ji'i̱ ma̱ nde Galilea; tyacua tya'a ma̱ lo'o yu ca bi', ñi'ya̱ nu cua nacui̱ yu ji'i̱ ma̱ tya tsubi'.

SAN JUAN 21:14

Cua ngua sna quiya' li' nu ngulu'u loo Jesús ji'i̱ nu ngu' nu ngua tsa'a̱ ji'i̱, tya lo'o ndyu'ú yu chaca quiya' lo'o ngujuii yu.

SAN JUAN 6:1

Tiya' la li' ndu'u Jesús ndyaa nde chaca tsu' tayu' Galilea, la cui' tayu' Tiberias naa tayu' bi'.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.