SAN JUAN 20:8 - Chatino Tataltepec

⁸ Li' lo'o nu chaca yu nu ngulaa yala la, lo'o yu bi' ndyatí̱ yu ne' tyuquee, ndyaa na'a̱ yu ñi'ya̱ ña'a̱ ne' cuaá. Ca li' jlya tso'o ti' yu;

SAN JUAN 20:8 Iomraidhean Croise

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN JUAN 1:50

Lo'o li' nguxacui̱ Jesús cha' ji'i̱ Natanael: ―¿Ha bi' cha' jlya ti' nu'u̱ jna' ―nacui̱ yu―, xqui'ya cha' cua nchcui' na' lo'o nu'u̱ cha' cua na'a̱ na' jinu'u̱ ca ne' yaca quityi bi'? ―nacui̱―. Cha' xca ti laca bi', tonu la cha' ña'a̱ nu'u̱ nde loo la.

SAN JUAN 20:25

Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.

SAN JUAN 20:29

―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

SAN JUAN 20:4

Tyucuaa ngu' ngusna ngu', pana lye la ngusna nu chaca yu, yala la ngulaa bi' to' cuaá.