SAN JUAN 2:5 - Chatino Tataltepec

⁵ Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.

SAN JUAN 2:5 Iomraidhean Croise

SAN MATEO 12:46

Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

HEBREOS 11:8

Jlya ti' jyo'o Abraham ji'i̱ ycui' Ndyosi, bi' cha' ngusñi yu cha' ji'i̱ Ni, nu lo'o nguane Ni ji'i̱ yu cha' tsaa yu sca loyuu tyijyu' tsa, su nacui̱ Ni ji'i̱ yu cha' cajua caca quichi̱ tyi yu. Ngutu'u yu loyuu su nguti'i̱ yu tya clyo, ndyaa yu li', masi ná jlo ti' yu macala su tsaa yu.

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.