SAN JUAN 2:21 - Chatino Tataltepec

²¹ Pana si'i cha' ji'i̱ laa tlyu nchcui' Jesús, masi nda yu sca cha' lo'o ngu' ñi'ya̱ nu caca ji'i̱ ycui' ca yu, ñi'ya̱ nu tyu'ú ycui' chaca quiya' lo'o cua ngujuii yu.

SAN JUAN 2:21 Iomraidhean Croise

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 2:22

Bi' cha' lo'o cua ndyu'ú Jesús chaca quiya', li' ndyi'u ti' ngu' nu ndyaca tsa'a̱ ji'i̱ ñi'ya̱ nu nacui̱ Jesús ji'i̱ ngu' tsa̱ bi'; li' jlya ti' ngu' cha' nu nscua lo quityi ji'i̱ ycui' Ndyosi nu ngua sa'ni, lo'o jua'a̱ jlya ti' ngu' ña'a̱ cha' nu nda Jesús lo'o ngu' tya li'.

1 CORINTIOS 3:16

Nu laa tlyu su ndu'ni tlyu ngu' judío ji'i̱ ycui' Ndyosi tyaca'a tsa ji'i̱ Ni laca bi', cha' cuentya ji'i̱ Ni ndya' ni'i̱ bi'; tyaala tsa ycui' Ni si cua'ni ñu'u̱ ñati̱ ji'i̱ laa bi'. Lo'o cu'ma̱ ni, tyucui ña'a̱ taju cu'ma̱ nu ngusñi ma̱ cha' ji'i̱ Cristo, tyaca'a tsa ma̱ cuentya ji'i̱ ycui' Ndyosi; na cua ndyanu Xtyi'i ycui' Ndyosi ne' cresiya ji'i̱ ma̱. Lo'o jua'a̱ cua'ni tye ycui' Ni ji'i̱ cua ña'a̱ ca ñati̱ nu cua'ni ñu'u̱ tyucui̱i̱ ji'i̱ sca ñati̱ nu tya'a ngusñi na cha' ji'i̱ Jesús.

1 CORINTIOS 6:19

¿Ha ná nda ma̱ cuentya cha' tyaca'a tsa ma̱ ji'i̱ ycui' Ndyosi, xqui'ya cha' nda Ni Xtyi'i ycui' Ni nu ndyanu ne' cresiya ji'i̱ ma̱? Nga'aa si'i cuentya ji'i̱ ycui' ti ma̱ ndya'a̱ ma̱, cuentya ji'i̱ ycui' Ndyosi laca ma̱. Quiña'a̱ tsa cha' tso'o ngua'ni Ni cuentya ji'na cha' ngulaá ma̱ ji'i̱ nu cuxi, cha' laca ma̱ ñati̱ ji'i̱ ycui' Ni; bi' cha' cua'ni tlyu ma̱ ji'i̱ ycui' Ndyosi lcaa su ndya'a̱ ma̱, tyi'u ti' ma̱ ji'i̱ Ni, lo'o jua'a̱ tyucui tyiquee ma̱ cua'ni ma̱ lcaa cña nu culo ycui' Ni ji'i̱ ma̱.

2 CORINTIOS 6:16

Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.

COLOSENSES 1:19

Cua nacui̱ ycui' Ndyosi cha' caca Sñi' Ni ñi'ya̱ laca ycui' Ni tsiya' ti,

COLOSENSES 2:9

Pana nu Cristo bi' ni, ñi'ya̱ laca tyucui ña'a̱ ycui' Ndyosi, jua'a̱ laca yu lo'o ya̱a̱ yu nde chalyuu.

HEBREOS 8:2

Ndu'ni Ni cña ca sca se'i̱ su tacati tsa nu ngüiñá ycui' Ndyosi; si'i ñati̱ chalyuu ti nu ngüiñá ji'i̱, cha' laca bi' ñi'ya̱ nu ngua ti' ycui' Ndyosi cha' caca.