SAN JUAN 2:16 - Chatino Tataltepec

¹⁶ Li' nacui̱ Jesús ji'i̱ ñati̱ nu ndujui' paloma bi': ―Yaa lo'o ma̱ ji'i̱ yu'ba cua nde liya' ―nacui̱ yu―. Nga'aa cua'ni ma̱ cha' ni'i̱ lcaya' caca ni'i̱ tlyu re ji'i̱ Sti na'.

SAN JUAN 2:16 Iomraidhean Croise

SAN MATEO 21:12

Lo'o li' ndyalaa Jesús to' laa tonu su ndu'ni tlyu ngu' ji'i̱ ycui' Ndyosi. Ndyatí̱ yu ndyaa yu ne' laa bi'. Li' ngulo'o yu ji'i̱ lcaa ngu' nde liya', ngu' nu ndyujui' yu'ba nde ne' laa bi', jua'a̱ lcaa ngu' nu ndi'i̱ ndyi'ya yu'ba bi'; nguxasu Jesús mesa su nchcutsa'a̱ ngu' cñi ji'i̱ ngu', nguxasu yu yaca su ntucua ngu' nu ndujui' paloma.

SAN MATEO 21:13

―Ndi'ya̱ nscua cha' lo quityi ji'i̱ ycui' Ndyosi cuentya ji'i̱ laa re ―nacui̱ Jesús li'―: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni.” Jua'a̱ nscua lo quityi, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.

SAN MATEO 22:5

Pana ná ndu'u tucua ñati̱ bi', cha' ná ndube ti' ngu' cha' ngujui clyo'o sñi' rey bi'; ndyaa ngu' cña ne' quixi̱', ndyaa xi xa' la ngu' ndyujui' ngu' yu'ba ji'i̱ ngu'.

SAN MARCOS 11:17

Li' nda Jesús sca cha' lo'o ngu' jua: ―Ndi'ya̱ nscua lo quityi ji'i̱ ycui' Ndyosi cuentya ji'i̱ laa re: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni”. Jua'a̱ nscua lo quityi ―nacui̱ Jesús li'―, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.

SAN LUCAS 2:49

Li' nchcui' Jesús lo'o xtya'a̱ yu: ―¿Ni cha' ndya'a̱ ma̱ nclyana ma̱ jna'? ¿Ha ná jlo ti' cu'ma̱ cha' ntsu'u cha' cua'ni na' cña ji'i̱ Sti na'? ―nacui̱ Jesús li'.

SAN JUAN 10:29

Na cua nda Sti na' ñati̱ bi' jna', lo'o jua'a̱ nga'aa ntsu'u chaca nu stu'ba tlyu lo'o ycui' Ni; bi' cha' ná tucui caca ji'i̱ xlyaá ji'i̱ ngu' bi', nu lo'o ña'a̱si̱i̱ Sti na' ji'i̱ ngu'.

SAN JUAN 2:15

Lo'o li' ngusñi Jesús sca reta cha' quiji'i̱ yu ji'i̱ ngu' nu ndyu'ni ngana bi', cha' culo'o yu ji'i̱ ngu' bi' tyu'u ngu' to' laa bi'; lo'o xlya' ji'i̱ ngu', lo'o toro ji'i̱ ngu', lo'o lcaa yu'ba ji'i̱ ngu', ngulo'o yu ji'i̱ ngu' ndu'u ngu' nde liya'. Li' nguxlyú yu mesa su ntucua ngu' nu nchcutsa'a̱ cñi, nchcua̱a̱ yu ji'i̱ cñi bi'.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

SAN JUAN 5:17

Pana nguxtyacui Jesús cha' lo'o ngu' li': ―Tya lyiji tye cua'ni Sti na' cña ―nacui̱ Jesús―, lo'o jua'a̱ na', tya ndyu'ni na' cña.

SAN JUAN 8:49

―Ná ntsu'u cui'i̱ cuxi jna' tsiya' ti ―nacui̱ Jesús―. Chi̱ tsa ndu'ni na' loo ycui' Ndyosi Sti na'; lo'o cu'ma̱ ni, ná ndu'ni chi̱ ma̱ loo na'.

1 TIMOTEO 6:5

Lye tsa nchcui' ngu' bi', xqui'ya cha' ná ngusñi tso'o ngu' cha' liñi ji'i̱ ycui' Ndyosi, jua'a̱ nga'aa nclyacua tso'o ti' ngu' bi'; cha' cuiñi ti ndu'ni tlyu ngu' bi' ji'i̱ ycui' Ndyosi cha' caja cñi ji'i̱ ngu', nti' ngu'. Ná tya'a̱ nu'u̱ stu'ba ti lo'o ngu' bi'.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.