SAN JUAN 2:15 - Chatino Tataltepec

¹⁵ Lo'o li' ngusñi Jesús sca reta cha' quiji'i̱ yu ji'i̱ ngu' nu ndyu'ni ngana bi', cha' culo'o yu ji'i̱ ngu' bi' tyu'u ngu' to' laa bi'; lo'o xlya' ji'i̱ ngu', lo'o toro ji'i̱ ngu', lo'o lcaa yu'ba ji'i̱ ngu', ngulo'o yu ji'i̱ ngu' ndu'u ngu' nde liya'. Li' nguxlyú yu mesa su ntucua ngu' nu nchcutsa'a̱ cñi, nchcua̱a̱ yu ji'i̱ cñi bi'.

SAN JUAN 2:15 Iomraidhean Croise

SAN MATEO 21:12

Lo'o li' ndyalaa Jesús to' laa tonu su ndu'ni tlyu ngu' ji'i̱ ycui' Ndyosi. Ndyatí̱ yu ndyaa yu ne' laa bi'. Li' ngulo'o yu ji'i̱ lcaa ngu' nde liya', ngu' nu ndyujui' yu'ba nde ne' laa bi', jua'a̱ lcaa ngu' nu ndi'i̱ ndyi'ya yu'ba bi'; nguxasu Jesús mesa su nchcutsa'a̱ ngu' cñi ji'i̱ ngu', nguxasu yu yaca su ntucua ngu' nu ndujui' paloma.

SAN JUAN 18:6

Lo'o cua nchcui' Jesús cha': “Na' laca̱ bi'”, nacui̱ yu, hora ti nguta'a̱chu̱' ngu' li', ndyaa stii ngu' lo yuu.

SAN JUAN 2:14

Ndyaa Jesús ne' laa tonu ca bi', lo'o li' na'a̱ yu cha' ndi'i̱ tsa ngu' ndyu'ni ngu' ngana ne' laa bi'; ndujui' tsa ngu' toro, ndujui' ngu' xlya', ndujui' ngu' paloma cha' caca msta̱ ji'i̱ ngu' ne' laa. Lo'o jua'a̱ nga'a̱ ngu' nu ndu'ni ngana ji'i̱ ñati̱ lo'o nchcutsa'a̱ ngu' cñi nu cua'nijo'o ji'i̱ ngu' ne' laa, ntucua ngu' bi' to' mesa ji'i̱ ngu'.

SAN JUAN 2:16

Li' nacui̱ Jesús ji'i̱ ñati̱ nu ndujui' paloma bi': ―Yaa lo'o ma̱ ji'i̱ yu'ba cua nde liya' ―nacui̱ yu―. Nga'aa cua'ni ma̱ cha' ni'i̱ lcaya' caca ni'i̱ tlyu re ji'i̱ Sti na'.

LOS HECHOS 27:32

Hora ti ngusi'yu sendaru ju̱u̱ nu ndyaaca̱' ji'i̱ canoa li', nguxtyú ngu' ji'i̱ jua'a̱ ti lo hitya, ndyaa li'; ná lo'o ñati̱ ndyaa.

2 CORINTIOS 10:4

si'i na nxu̱u̱ tya'a na lo'o ngu' cuxi ñi'ya̱ nu nxu̱u̱ tya'a sca ñati̱ chalyuu. Ycui' Ndyosi ni, nchca tsa ji'i̱ Ni, bi' laca nu stu'ba ti ndu'ni cña lo'o na cha' taca tyiji̱loo na ji'i̱ lcaa cha' cuxi nu nxu̱u̱ lo'o na.