SAN JUAN 2:11 - Chatino Tataltepec

¹¹ Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 2:11 Iomraidhean Croise

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN JUAN 1:50

Lo'o li' nguxacui̱ Jesús cha' ji'i̱ Natanael: ―¿Ha bi' cha' jlya ti' nu'u̱ jna' ―nacui̱ yu―, xqui'ya cha' cua nchcui' na' lo'o nu'u̱ cha' cua na'a̱ na' jinu'u̱ ca ne' yaca quityi bi'? ―nacui̱―. Cha' xca ti laca bi', tonu la cha' ña'a̱ nu'u̱ nde loo la.

SAN JUAN 10:41

Li' nacui̱ ngu' ji'i̱ tya'a ngu': ―Ná ngua'ni Juan ni sca cña tonu cha' cube ti' na ji'i̱. Pana liñi tsa ndyu'u lcaa cha' nu nchcui' nu Juan bi' tya tsubi' la cuentya ji'i̱ nu qui'yu re.

SAN JUAN 11:15

Tso'o ti nti' na' cha' ná nguti'i̱ na' nde jua lo'o ngujuii yu. Juani taca tyu'u tso'o cha' ji'i̱ ycui' ma̱, taca xñi tso'o la ma̱ cha' jna' ―nacui̱―. Tyaa na ca su nscua jyo'o.

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 12:18

bi' cha' ngutu'u ñati̱ quiña'a̱ bi', ndyaa ngu' cha' tyacua tya'a ngu' lo'o Jesús tyucui̱i̱, cha' cua ndyuna ngu' ñi'ya̱ ngua'ni Jesús cña tonu bi' lo'o Lázaro.

SAN JUAN 12:37

Masi cua ngua'ni Jesús quiña'a̱ cha' tlyu slo ñati̱ bi', ná ntaja'a̱ ngu' xñi ngu' cha' nu nchcui' yu.

SAN JUAN 12:41

Nguscua jyo'o Isaías jua'a̱ cha' cua ngua tii cha' tlyu tsa caca nu Cristo; cha' ji'i̱ ycui' yu bi' nchcui' jyo'o Isaías li'.

SAN JUAN 14:13

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni.

SAN JUAN 16:27

la cui' ycui' Ndyosi Sti na' ntsu'u tsa tyiquee Ni ña'a̱ Ni ji'i̱ ma̱. Ntsu'u tyiquee ma̱ ña'a̱ ma̱ jna', jua'a̱ jlya ti' ma̱ cha' ca slo ycui' Ndyosi ngutu'u na', bi' cha' ntsu'u tyiquee Ni ña'a̱ Ni ji'i̱ ma̱ ―nacui̱―.

SAN JUAN 16:30

bi' cha' ná ntsu'u cha' xcuane ngu' ni tsaca cha' jinu'u̱. Juani tso'o tsa nchca cuayá' ti' ya cha' jlo ti' nu'u̱ lcaa ca cha', bi' cha' jlya ti' ya cha' ca slo ycui' Ndyosi ngutu'u nu'u̱.

SAN JUAN 2:1

Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a.

SAN JUAN 2:23

Lo'o ndi'i̱ Jesús Jerusalén ta'a pascua bi', li' nxana quiña'a̱ ñati̱ jlya ti' ngu' cha' ji'i̱ ycui' yu, nu lo'o cua na'a̱ ngu' lcaa cha' tlyu nu ngua'ni yu.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 4:3

Nu lo'o ngua cuayá' ti' Jesús cha' cua ndyuna ngu' fariseo cha' bi', li' ndu'u yu nde loyuu su cuentya Judea, ndyaa yu chaca quiya' ca loyuu su cuentya Galilea bi' li'.

SAN JUAN 4:46

Lo'o li' xa' ndyaa Jesús ca quichi̱ Caná loyuu su cuentya Galilea chaca quiya'; quichi̱ bi' ngua su ngüiñá Jesús vino lo'o hitya ti, cha' co'o ngu' nu nguti'i̱ ta'a bi'. Ca bi' ntsu'u sca ñati̱ tlyu nu ndya'a̱ ne' xña ji'i̱ rey, pana quicha tsa sñi' ntsiya ca to' tyi nu cusu' bi' nde quichi̱ Capernaum.

SAN JUAN 4:54

Cua ngua tucua quiya' nu ngua'ni Jesús sca cña tonu cuentya ji'i̱ ycui' Ndyosi nde loyuu su cuentya Galilea bi', tya lo'o nguxtyu̱u̱ yu nde Galilea.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 6:14

Lo'o cua na'a̱ ngu' cña tonu nu ngua'ni ca Jesús, li' nacui̱ ngu': ―Chañi cha' yu jua laca nu cusu' nu chcui' cha' ji'i̱ ycui' Ndyosi lo'o na, nu cua tyu'u tucua ti nde chalyuu.

SAN JUAN 6:2

Tsa tlyu ti ndyaa lca'a̱ quiña'a̱ ñati̱ ji'i̱ yu, bi' ñati̱ laca nu cua na'a̱ cña tonu nu ngua'ni yu lo'o ngua'ni yu cha' ndyaca tso'o ngu' quicha.

SAN JUAN 6:26

Li' nda Jesús sca cha' lo'o ngu': ―Ndube tsa ti na' cha' cua lijya̱ ma̱ yaana ma̱ jna' xqui'ya cha' nda na' xlyá nu ndyacu ma̱ tsubi' ti ―nacui̱―. Nguaala' ti' ma̱ lo'o ndyacu ma̱ li'. Chañi cha' xqui'ya cha' bi' lijya̱ ma̱ yaana ma̱ jna', si'i xqui'ya cña tonu nu ngua'ni na' cuentya ji'i̱ ycui' Ndyosi.

SAN JUAN 6:30

Li' tya nchcuane la ngu' ji'i̱ Jesús: ―¿Ñi'ya̱ ña'a̱ cña nu cua'ni nu'u̱ lacua? ¿Ñi'ya̱ ña'a̱ cña tonu nu cua'ni nu'u̱ cha' ña'a̱ cui'ya ya xi ji'i̱, cha' xñi ya cha' jinu'u̱ li'? ―nacui̱ ngu' ji'i̱ Jesús―.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

2 CORINTIOS 4:17

Si'i na tlyu tsa cha' ti'í nu ndyacua ji'na chalyuu re juani, xti ti tyempo talo cha' ti'í bi'; pana tiya' la ni, tlyu tsa cha' tso'o nga'a̱ cha' tyacua ji'na ca slo ycui' Ndyosi, lo'o ná nga'a̱ cha' tye bi' tsiya' ti. Ná stu'ba cha' ti'í re lo'o cha' tso'o nu nga'a̱ cha' tyacua ji'na nde loo la.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

1 JUAN 5:13

Cua nscua na' quityi re lacua, cha' ca̱a̱ ca slo ma̱, lcaa tya'a ngusñi ma̱ cha' ji'i̱ Jesús nu sca ti Sñi' ycui' Ndyosi; xqui'ya cha' re taca ca cuayá' ti' ma̱ cha' cua ngujui chalyuu cucui ji'i̱ ma̱, nu cua nda ycui' Ndyosi ji'na.