SAN JUAN 2:10 - Chatino Tataltepec

¹⁰ ―Xa' ñati̱ ni ―nacui̱―, xcui' vino nu tso'o la laca nu nda ngu' ndyi'yu ñati̱ lo'o nxana ti ta'a; ña'a̱ cuayá' nu nguaala' ti' ngu' cha' ndyo'o tsa ngu' vino bi', ca li' nda ngu' vino cuxi la cha' co'o ngu' nu ndi'i̱ ta'a ―nacui̱ nu laca loo ji'i̱ ta'a ji'i̱ cutsii―. Pana nu'u̱ ni, masi cua tye ti ta'a, hasta li' nda nu'u̱ vino nu tso'o la cha' co'o na. Tso'o tsa bi'.

SAN JUAN 2:10 Iomraidhean Croise

SAN MATEO 24:49

Li' xana yu bi' cua'ni xña'a̱ yu, cua'ni tyaala yu ji'i̱ tya'a msu yu; tsaa yu cacu yu, tsaa yu co'o yu lo'o tya'a cu'bi ti yu li'.

SAN LUCAS 12:45

Pana sca msu nu ná ndube ti' ji'i̱ cña nu ngulo xu'na yu ji'i̱ yu, hora ti ca'ya sca cha' cuxi hique yu: “Tiya' tsa ca̱a̱ xu'na na'”, culacua ti' yu. Li' xana yu bi' cua'ni xña'a̱ yu; cua'ni tyaala yu ji'i̱ tya'a msu yu, masi cuna'a̱, masi qui'yu ngu'. Tso'o tsa cacu yu scuaa, tsa cu' ti co'o yu lcui, tsa cu' ti tya'a̱ yu cu'bi yu.

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

LOS HECHOS 2:15

Cu'bi cuare, nti' ma̱; pana si'i na cu'bi cuare, cha' hora cua caa nde tlya ti laca juani.

1 CORINTIOS 11:21

Lo'o ndyalaa hora cacu ma̱, li' yala ti ndacu ma̱ si̱i̱ ji'i̱ ycui' ti ma̱, ná nda ma̱ tyempo tsiya' ti cacu xa' la tya'a ma̱; bi' cha' ntsu'u ngu' tya'a ma̱ nu ná ndyiji cacu tso'o, lo'o jua'a̱ ntsu'u xa' la ngu' nu hasta nchca cu'bi ngu', cha' quiña'a̱ tsa na ngusñi ngu' ndyi'o ngu'.

EFESIOS 5:18

Ná ca cu'bi ma̱; ndu'ni ñu'u̱ tsa nu xña'a̱ ji'i̱ ñati̱ cha' chcuna' chalyuu ji'i̱ ngu', xqui'ya cha' cu'bi ngu'. Xa' ña'a̱ cua'ni ma̱, cha' xtyucua Xtyi'i ycui' Ndyosi ji'i̱ ma̱ lo'o cua ña'a̱ ca cña nu cua'ni ma̱ chalyuu.

1 TESALONICENSES 5:7

Xcui' na ndyija' ti ñati̱ ñi'ya̱ si talya laca, xqui'ya cha' ná ndube ti' ngu'; xcui' na cu'bi ti ngu' bi', cha' ná ndube ti' ngu' tsiya' ti.

APOCALIPSIS 17:2

Quiña'a̱ tsa cha' suba' ndyu'ni ngu' nu laca loo nde chalyuu, cha' tyu̱u̱ tsa tya'a jo'ó ntsu'u ji'i̱ ngu' xqui'ya ngu' quichi̱ tlyu bi'; jua'a̱ ngunu'u̱ tyiquee ñati̱ tyucui ña'a̱ chalyuu xqui'ya cha' suba' nu ndyu'ni ngu' bi'.

APOCALIPSIS 17:6

Li' na'a̱ na' cha' lye tsa ndyu'ni nu cuna'a̱ bi'; ñi'ya̱ ndu'ni sca nu cu'bi, jua'a̱ ndyu'ni nu cuna'a̱ bi', xqui'ya cha' cua ndyujuii bi' ji'i̱ ñati̱ ji'i̱ ycui' Ndyosi, ndyujuii ji'i̱ ñati̱ nu ná ntsi̱i̱ nchcui' liñi cha' ji'i̱ Jesús nde chalyuu. Lo'o cua na'a̱ na' ji'i̱ nu cuna'a̱ bi', quiña'a̱ tsa cha' ngulacua ti' na' li'.