SAN JUAN 19:9 - Chatino Tataltepec

⁹ Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.

SAN JUAN 19:9 Iomraidhean Croise

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 27:27

Lo'o li' ntejeya' ngu' sendaru nu ndu̱ cua̱ slo gobernador bi' ji'i̱ Jesús, ndyaa lo'o ngu' ji'i̱ nde ne' ni'i̱ ji'i̱ gobierno; ndacha' ngu' ji'i̱ lcaa tya'a sendaru nu ndi'i̱ ni'i̱ bi', cha' tyu'u ti'i̱ ngu' su ndu̱ Jesús.

SAN LUCAS 23:9

Quiña'a̱ tsa cha' nchcuane yu ji'i̱ Jesús li', pana ná nguxacui̱ Jesús cha' ji'i̱ yu tsiya' ti.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN JUAN 18:33

Li' nguxtyu̱u̱ Pilato ndyaa toni'i̱ ji'i̱, ngusi'ya ji'i̱ Jesús cha' tya̱a̱ slo: ―¿Ha nu'u̱ laca rey nu laca loo ji'i̱ ngu' judío? ―nacui̱ Pilato ji'i̱ Jesús.

SAN JUAN 18:34

Nchcui' Jesús lo'o nu cusu' bi' li': ―¿Ha cha' ngua'ya hique ycui' ca nu'u̱ laca cha' cua? ¿Ha xa' ñati̱ ndacha' jinu'u̱ cha' jua'a̱ laca na'? ―nacui̱ Jesús ji'i̱ Pilato.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

SAN JUAN 19:10

―¿Ni cha' laca ná nti' nu'u̱ chcui' lo'o na'? ―nacui̱ Pilato ji'i̱ Jesús―. Cua jlo ti' nu'u̱ cha' ntsu'u chacuayá' 'na cha' cua'ni lyaá na' jinu'u̱, lo'o jua'a̱ ntsu'u chacuayá' 'na cha' cujuii na' jinu'u̱ lo crusi.

SAN JUAN 19:8

Lo'o ndyuna Pilato cha' bi', ndyutsi̱i̱ tsa yu li'.

SAN JUAN 8:14

Nguxtyacui Jesús cha' lo'o ngu' li': ―Tucuá ngu' cha' nu ta na' lo'o ngu' tu'ni. Masi sca ti na' nda̱ cha' liñi cuentya ji'i̱ ycui' ca na' ―nacui̱ yu―. Cua jlo ti' na' macala ngutu'u na', lo'o cua jlo ti' na' ma nde tsa'a̱; pana nu cu'ma̱ ni, ná jlo ti' ma̱ tsiya' ti mala ngutu'u na', ná jlo ti' ma̱ ma nde tsa'a̱ ―nacui̱ Jesús ji'i̱ ngu'―.

FILIPENSES 1:28

Lo'o ndu'ni ma̱ jua'a̱, li' nga'aa ntsu'u cha' cutsi̱i̱ ma̱ ji'i̱ ngu' tya'a cusu̱u̱ ma̱, cha' taca ca cuayá' ti' ngu' cha' cua nscua cha' cuityi̱ ycui' Ndyosi ji'i̱ lcaa ñati̱ cuxi. Pana cu'ma̱ ni, cua ngulaá ma̱ ji'i̱ nu cuxi bi'; ycui' Ndyosi ndu'ni cha' taca tyiji̱loo ma̱ ji'i̱ ñati̱ cuxi bi'.