SAN JUAN 19:42 - Chatino Tataltepec

⁴² Cacua ti ntucua tyuquee bi', bi' cha' ndacua ti nguxatsi' ngu' ji'i̱ jyo'o Jesús li', cha' cua ca talya ti ta'a si̱i̱ pascua, cuentya ji'i̱ ngu' judío.

SAN JUAN 19:42 Iomraidhean Croise

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN JUAN 19:14

Nde hora ngua bi', tsa̱ ta'a si̱i̱ ji'i̱ ta'a pascua. Lo'o li' nacui̱ Pilato ji'i̱ ngu' judío: ―Yu re laca rey nu laca loo ji'i̱ ma̱.

SAN JUAN 19:20

Quiña'a̱ tsa ngu' judío na'a̱ ji'i̱ cha' nu nscua hique crusi bi', cha' ná tyijyu', to' quichi̱ ti ngua su ndyujuii ngu' ji'i̱ Jesús lo crusi. Sna lo cha'cña ji'i̱ ngu' nscua cha' bi' hique crusi: cha'cña ji'i̱ ngu' judío nscua bi', cha'cña ji'i̱ ngu' latín nscua bi', lo'o cha'cña ji'i̱ ngu' griego nscua bi'.

SAN JUAN 19:31

Ta'a si̱i̱ pascua ngua, lo'o jua'a̱ ná nti' nu ngu' judío bi', cha' tyanu jyo'o lo crusi chaca tsa̱. Ndube tsa ti' ngu' cha' tacati tsa tsa̱ ta'a bi'; bi' cha' ndyaa ngu' slo Pilato, ngüijña ngu' cha' ji'i̱ nu cusu' cha' cula'a sendaru tyijya̱ quiya' ngu' nu ndacui lo crusi, cha' cajaa clya ngu' li'. Hasta li' caja ñi'ya̱ nu caca ta'ya ngu' ji'i̱ jyo'o bi' lo yuu.

SAN JUAN 19:41

Ca su ngujui'i̱ ca'a̱ ngu' ji'i̱ ngu' lo crusi, ca bi' ntsu'u sca lo'o su ndi'i̱ yaca tyacala' ji'i̱ ngu'. Ne' lo'o bi' ntsu'u sca tyuquee nu ngulu ca ti ngu' sii' cua'a̱ cha' caca cuaá ji'i̱ ngu'. Bilya tyatsi' ngu' ne' cuaá bi'.

LOS HECHOS 13:29

Nu lo'o cua ndye ngua'ni ngu' lcaa cha' ñi'ya̱ nchcui' lo quityi bi' cha' caca ji'i̱ Jesús, li' nda'ya ngu' ji'i̱ jyo'o bi' su nga'a̱ lo crusi, nguxatsi' ngu' ji'i̱ jyo'o bi' li'.

1 CORINTIOS 15:4

Li' nguxatsi' ngu' ji'i̱ jyo'o bi' ne' cuaá; pana lo'o ndu'u scua sna tsa̱, li' ndyu'ú yu chaca quiya'. Cua ndacha' liñi quityi cusu' tya clyo la cha' jua'a̱ caca ji'i̱ nu Cristo bi'.

COLOSENSES 2:12

Lo'o cua ntyucuatya ma̱ ni, ñi'ya̱ laca si cua nguatsi' ma̱ ne' cuaá lo'o Cristo, jua'a̱ laca ma̱ lo'o Cristo; lo'o li' ñi'ya̱ si cua ndyu'ú ma̱ stu'ba ti lo'o Cristo chaca quiya', jua'a̱ laca cha' bi' li'. Ycui' Ndyosi laca nu ndu'ni cha' tyu'ú ma̱, xqui'ya cha' ntsu'u cha' ji'i̱ ma̱ lo'o Ni.