SAN JUAN 19:23 - Chatino Tataltepec

²³ Lo'o cua ngujui'i̱ ca'a̱ sendaru ji'i̱ Jesús lo crusi, li' ndaya' sendaru bi' ste' yu. Ndi'i̱ jacua tya'a sendaru ca bi' lo'o cua ngusa'be ngu' ste' Jesús cha' caja xi ndaca ji'i̱ ca ta'a jacua ngu'. Lo'o late' tyucui̱ ji'i̱ Jesús ndaya' ngu' ji'i̱. Ña'a̱ tsa cu' ti ngalya late' bi', ná ntsu'u su ngujyacua̱ late' bi'.

SAN JUAN 19:23 Iomraidhean Croise

SAN MATEO 27:35

Lo'o ngujui'i̱ ca'a̱ ngu' ji'i̱ yu lo crusi lo'o clavo, li' ngüijya sendaru bi' lo'o tya'a ngu' cha' cua'ni ngana ngu' ji'i̱ tya'a ngu', cha' tacha ste' Jesús ji'i̱ ngu'. La cui' cha' bi' nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni; ndi'ya̱ nacui̱ quityi bi': “Ndacha ngu' ste' na' ji'i̱ tya'a ngu' lo'o ngüijya ti ngu'”.

SAN MARCOS 15:24

Li' ngujui'i̱ ca'a̱ ngu' ji'i̱ yu lo crusi. Lo'o li' ngüijya ngu' sendaru lo'o tya'a ngu', cha' clyana ngu' cha' lo'o tya'a ngu' tilaca nu caja ste' Jesús ji'i̱. Jua'a̱ ngua cha' ndye ndacha ngu' ste' Jesús ji'i̱ tya'a ngu'.

SAN LUCAS 23:34

Lo'o tya ndi'i̱ ngu' nu ngujui'i̱ ca'a̱ ji'i̱ ngu' lo crusi, li' nchcui' Jesús lo'o ycui' Ndyosi Sti yu: ―Sti na' ―nacui̱ yu―, cui'ya nu'u̱ cha' clyu ti' ji'i̱ ngu' re, cha' ná jlo ti' ngu' ni cha' laca ndyu'ni ngu' jua'a̱. Li' ndacha ngu' sendaru bi' ste' Jesús ji'i̱ tya'a ngu' laja lo'o ndijya ti ngu' lo'o tya'a ngu'.

LOS HECHOS 12:4

Ntejeya' ngu' ji'i̱ Pedro, li' ndyaa lo'o ngu' ji'i̱, ngusu'ba ngu' ji'i̱ ne' chcua̱. Li' ndyatu̱ jacua latya sendaru cua̱ ji'i̱, jacua tya'a sendaru ntsu'u ji'i̱ sca latya ngu'; ndi'i̱ ngu' bi' cua̱ to' ni'i̱ chcua̱ su ntsu'u Pedro. Nu lo'o tye tsa̱ ta'a pascua, li' tyu'u ti'i̱ lcaa ngu' quichi̱ cha' cua'ni cuayá' nu Herodes bi' ji'i̱ Pedro, nti' ycui' rey bi';