SAN JUAN 19:15 - Chatino Tataltepec

¹⁵ Lye tsa nchcui' ngu' judío lo'o Pilato li': ―¡Yaa lo'o ma̱ ji'i̱ yu! ¡Yaa lo'o ma̱ ji'i̱ yu! Cujuii clya ma̱ ji'i̱ yu lo crusi. ―¿Ha nti' ma̱ cha' cujuii ya ji'i̱ rey nu laca loo ji'i̱ ma̱? ―nacui̱ Pilato ji'i̱ ngu'. ―Nga'aa ntsu'u chaca rey nu laca loo ji'na ―nguxacui̱ ngu' ji'i̱―. Sca ti César laca loo ji'na.

SAN JUAN 19:15 Iomraidhean Croise

SAN MATEO 22:17

Tyu'u cha' clyu ti' jinu'u̱, cacha' nu'u̱ cha' liñi ji'i̱ ya: ¿Ha tso'o si ta na cñi cña loo na ji'i̱ rey tlyu nu ndi'i̱ xa' tsu' bi'?

SAN LUCAS 23:18

bi' cha' nguxana ngu', tyucui ña'a̱ taju ngu' stu'ba ti, cui̱i̱ tsa nxi'ya ngu' ndijña ngu' chaca preso ji'i̱ Pilato: ―Si'i nu qui'yu re cua'ni lyaá nu'u̱ ji'i̱ ―nacui̱ ngu'―. Yaa lo'o ji'i̱ yu re. Culaá ji'i̱ nu Barrabás bi' cha' tyu'u.

SAN JUAN 18:31

―Yaa lo'o ma̱ ji'i̱ yu re cha' cua'ni cuayá' ma̱ ji'i̱ yu cuentya ji'i̱ cha' cusu' nu ntsu'u ji'i̱ ycui' ca ma̱ ―nacui̱ Pilato ji'i̱ ngu' li'. Nguxacui̱ nu ngu' judío bi' cha' ji'i̱ Pilato li': ―Ná ntsu'u chacuayá' ji'i̱ ya cha' cujuii ya ji'i̱ sca ñati̱ jua'a̱, cha' ngu' judío laca ya ―nacui̱ ngu'.

SAN JUAN 19:6

Lo'o sti jo'ó nu laca loo lo'o msu ji'i̱ ngu' ni, cui̱i̱ ngusi'ya lo'o ngu' ji'i̱ Pilato lo'o na'a̱ ngu' ji'i̱ Jesús lijya̱. ―¡Cujuii clya ma̱ ji'i̱ yu! ¡Cujuii clya ma̱ ji'i̱ yu jua! ―nacui̱ ngu' ji'i̱. Nchcui' Pilato lo'o ngu' li': ―Ycui' ca ma̱ yaa lo'o ma̱ ji'i̱ yu cha' cujui'i̱ ca'a̱ ma̱ ji'i̱ lo crusi ―nacui̱ Pilato ji'i̱ ngu'―. Cuentya jna' ná ntsu'u qui'ya ji'i̱ yu.

LOS HECHOS 13:28

Masi ná ntsu'u qui'ya ji'i̱ Jesús tsiya' ti, ngüijña ngu' ji'i̱ gobernador, la cui' nu Pilato bi', cha' culo cña ji'i̱ ngu' cha' cujuii ngu' ji'i̱ Jesús.

LOS HECHOS 21:36

Tlyu tsa taju ñati̱ nu ndyaa lca'a̱ ji'i̱ sendaru. ―Cujuii clya ma̱ ji'i̱ ―nacui̱ ngu' bi' ji'i̱ sendaru bi'.

LOS HECHOS 22:22

Lo'o ndyuna ngu' quichi̱ cha' bi', nga'aa nti' ngu' cuna la ngu' cha' li'. Nxi'ya lo'o tsa ngu' ji'i̱ sendaru cha' ñasi̱' ngu': ―Cujui ma̱ ji'i̱ nu qui'yu re ―nacui̱ ngu'―. Nga'aa tso'o cha' tyi'i̱ yu chalyuu.