SAN JUAN 19:11 - Chatino Tataltepec

¹¹ ―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

SAN JUAN 19:11 Iomraidhean Croise

SAN MATEO 26:65

Lo'o li' nu xu'na sti jo'ó bi' ni, ycui' ca yu ngusaa' ste' yu cha' ñasi̱' tsa yu. ―Cuiñi tsa yu re, cha' suba' nchcui' yu re ji'i̱ ycui' Ndyosi ―nacui̱ sti jo'ó bi' ji'i̱ lcaa tya'a ngu' nu laca loo li'―. Nga'aa nti' na cha' sta xa' la ñati̱ qui'ya ji'i̱ yu re. Cua ndyuna na cha' suba' tonu tsa nu nchcui' yu re, nu lo'o nacui̱ yu cha' Sñi' ycui' Ndyosi laca yu.

SAN MATEO 27:2

Li' ngusca̱' ngu' ji'i̱ Jesús, ndyaa lo'o ngu' ji'i̱ slo Poncio Pilato, nu ngua gobernador romano.

SAN MATEO 6:13

Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Nu'u̱ laca loo tsiya' ti; lcaa chacuayá' nu ntsu'u nde chalyuu, lo'o jua'a̱ chacuayá' nu ntsu'u nde cua̱, jinu'u̱ ntsu'u lcaa chacuayá' bi'. Ná nga'a̱ cha' tye cha' tlyu tsa laca nu'u̱. Jua'a̱ caca cha' tu'ni. Jua'a̱ ñacui̱ ma̱ ji'i̱ ycui' Ndyosi.

SAN MARCOS 14:44

Judas nu cua ta ti ji'i̱ Jesús ya' ngu' cuxi bi' ni, cua nchcui' lo'o nu ngu' tyaala bi' cua tsa̱ la, ñi'ya̱ nu cua'ni: ―Chcuicha' na' ji'i̱ nu qui'yu bi', cuati cacu na' saca' yu ―nacui̱ Judas ji'i̱ ngu' tyaala―. Xñi ma̱ ji'i̱ hora ti, yaa lo'o clya ma̱ ji'i̱ yu bi' ―nacui̱.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

SAN JUAN 18:13

Clyo ndyaa lo'o ngu' ji'i̱ yu slo sca nu cusu' nu naa Anás, sti laa Caifás nu ngua xu'na sti jo'ó yija̱ bi'.

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN JUAN 19:10

―¿Ni cha' laca ná nti' nu'u̱ chcui' lo'o na'? ―nacui̱ Pilato ji'i̱ Jesús―. Cua jlo ti' nu'u̱ cha' ntsu'u chacuayá' 'na cha' cua'ni lyaá na' jinu'u̱, lo'o jua'a̱ ntsu'u chacuayá' 'na cha' cujuii na' jinu'u̱ lo crusi.

SAN JUAN 3:27

Li' nguxacui̱ Juan cha' ji'i̱ ngu' bi': ―Tsa lo cua ti cña nchca ji'i̱ scaa na cua'ni na, tsa ña'a̱ nu nda ycui' Ndyosi chacuayá' cua'ni scaa na ―nacui̱―.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 9:41

―Ná ntsu'u qui'ya ji'i̱ ma̱, si jlo ti' ma̱ cha' cuityi̱' ti ma̱ ―nacui̱ Jesús―. Cha' nchcui' ma̱ cha' taca ña'a̱ ma̱, bi' cha' ña'a̱ ti ntsu'u qui'ya ji'i̱ ma̱.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

ROMANOS 11:36

Lcaa na nu ntsu'u chalyuu, na ji'i̱ ycui' Ndyosi laca bi', cha' cua ngüiñá ycui' Ni lcaa na, cha' caca bi' cña ji'i̱ Ni. Nga'aa caca tye cha' cua'ni tlyu na ji'i̱ ycui' Ndyosi. Lo'o jua'a̱ chañi tsa cha' bi'.

ROMANOS 13:1

Lcaa cu'ma̱ ngu' tya'a na, nga'a̱ cha' taquiya' ma̱ ji'i̱ ngu' nu laca cña. Ycui' Ndyosi laca nu cua nda chacuayá' ji'i̱ ngu' bi', cha' caca ngu' loo ji'na; ná ntsu'u chaca nu taca ta chacuayá' bi' ji'i̱ ngu'.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

SANTIAGO 4:17

Lo'o li' ntsu'u qui'ya ji'i̱ ma̱, cha' ná ntaja'a̱ ma̱ cua'ni ma̱ sca cña tso'o nu ngulo ycui' Ni ji'i̱ ma̱ cha' cua'ni ma̱.