SAN JUAN 18:9 - Chatino Tataltepec

⁹ Nchcui' Jesús lo'o ngu' jua'a̱, cha' caca ñi'ya̱ nu cua nchcui' ca Jesús lo'o ycui' Ndyosi Sti yu, nu lo'o cua nacui̱ yu ndi'ya̱: “Ni tsaca ñati̱ nu cua nda nu'u̱ 'na, ná nguna' ngu' 'na”.

SAN JUAN 18:9 Iomraidhean Croise

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN JUAN 18:8

―Cua ni na' ji'i̱ ma̱ tsa̱ cha' na' laca̱ bi' ―nacui̱ Jesús ji'i̱ ngu' li'―. Si jna' ti nti' ma̱, ta ma̱ chacuayá' tyaa laja ti nu xa' la ngu' tya'a ndya'a̱ na' re.

SAN JUAN 6:39

Na cua nti' Sti na' cha' ná chcuna' ni sca ñati̱ nu cua ngusñi cha' 'na. Lo'o li' cua'ni na' cha' tyu'ú ngu' chaca quiya' lo'o cua tye ti chalyuu ―nacui̱―.