SAN JUAN 18:8 - Chatino Tataltepec

⁸ ―Cua ni na' ji'i̱ ma̱ tsa̱ cha' na' laca̱ bi' ―nacui̱ Jesús ji'i̱ ngu' li'―. Si jna' ti nti' ma̱, ta ma̱ chacuayá' tyaa laja ti nu xa' la ngu' tya'a ndya'a̱ na' re.

SAN JUAN 18:8 Iomraidhean Croise

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN JUAN 13:1

Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 13:36

Li' nchcui' Simón Pedro lo'o Jesús: ―Xu'na ―nacui̱―, ¿macala tsaa nu'u̱? ―Ná caja chacuayá' cha' tya'a̱ nu'u̱ lo'o na' ca su tsa'a̱ ―nacui̱ Jesús―. Ca tiya' la tsaa nu'u̱.

SAN JUAN 16:32

Cua'a̱ jyaca̱ ma̱ xi ji'i̱ cha' nu chcui' na' re lacua: Cua ngulala ti hora, cua la cui' hora ndyaca juani cha' tyaa ma̱ toni'i̱ ji'i̱ scaa ma̱. Li' tyanu na' ycui' ti na' ―nacui̱―, pana si'i sca ti na' tyanu na', cha' stu'ba ndi'i̱ Sti na' lo'o na'.

SAN JUAN 18:7

Chaca quiya' nchcuane Jesús ji'i̱ ngu': ―¿Ti ji'i̱ nclyana ma̱ ndya'a̱ ma̱? ―nacui̱. ―Ji'i̱ Jesús, ngu' Nazaret, yu bi' laca nu nti' ya ―nacui̱ ngu'.

SAN JUAN 18:9

Nchcui' Jesús lo'o ngu' jua'a̱, cha' caca ñi'ya̱ nu cua nchcui' ca Jesús lo'o ycui' Ndyosi Sti yu, nu lo'o cua nacui̱ yu ndi'ya̱: “Ni tsaca ñati̱ nu cua nda nu'u̱ 'na, ná nguna' ngu' 'na”.

1 CORINTIOS 10:13

Lcaa quiya' lo'o tyacua sca cha' cuxi ji'i̱ ma̱, ná cube ti' ma̱ li', la cui' jua'a̱ ndyaca ji'i̱ cua ña'a̱ ca ñati̱ chalyuu. Pana ná cube ti' ma̱, ña'a̱ ycui' Ndyosi ji'na; lcaa cña nu nacui̱ Ni cha' cua'ni Ni cuentya ji'na, ndu'ni Ni cña bi'. Ná ta Ni chacuayá' cha' tyiji̱loo sca cha' cuxi ji'i̱ ma̱ ña'a̱ cuayá' nu nga'aa caca xtyanu ma̱ ji'i̱; pana la cui' hora lo'o cua cñilo'o ti cha' cuxi bi' ji'i̱ ma̱, li' xtyucua Ni ji'i̱ ma̱ cha' ná cua'ni ma̱ ji'i̱, lo'o li' taca clyaá ma̱ ji'i̱ cha' cuxi bi'.

2 CORINTIOS 12:9

Pana ndi'ya̱ nacui̱ Ni 'na li': “Tsa bi' ti cha' nga'a̱ cha' tyi'u ti' nu'u̱, cha' xcui' cha' tso'o ndu'ni na' lo'o nu'u̱ jua'a̱ ti. Lye la caca cua'ni na' cña xqui'ya nu'u̱, nu lo'o ná quiña'a̱ tsa juersa ntsu'u ji'i̱ ycui' ca nu'u̱”, nacui̱ Ni jna'. Bi' cha' juani tso'o tsa nti' na' masi ná ndyiji juersa 'na, cha' li' taca tyanu juersa ji'i̱ ycui' Cristo ne' cresiya 'na.

EFESIOS 5:25

Nu cu'ma̱ ngu' qui'yu ni, tyu'u tso'o tyiquee ma̱ ña'a̱ ma̱ ji'i̱ clyo'o ma̱, cha' la cui' jua'a̱ tso'o tsa ntsu'u tyiquee Cristo ña'a̱ yu ji'i̱ ñati̱ ji'i̱ yu nde chalyuu; bi' cha' ntaja'a̱ yu ngua'a̱ yu lo crusi xqui'ya ñati̱ nu xñi cha' ji'i̱ yu ca tiya' la.

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.