SAN JUAN 18:4 - Chatino Tataltepec

⁴ Jlo ti' Jesús lcaa cha' nu nga'a̱ cha' cua'ni ngu' lo'o yu, bi' cha' ndyaa yu ndyacua tya'a yu lo'o ngu' xña'a̱ bi' tyucui̱i̱ su lijya̱ ngu'. Li' nchcuane Jesús ji'i̱ ngu': ―¿Ti ji'i̱ lijya̱ ma̱ yaana ma̱? ―nacui̱ yu ji'i̱ ngu' bi'.

SAN JUAN 18:4 Iomraidhean Croise

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MATEO 26:21

Laja li' nguxana nchcui' Jesús lo'o ngu' bi': ―Chañi cha' nchcui' na' lo'o ma̱ juani, cha' ntsu'u tsaca cu'ma̱ nde nu cujui' cresiya 'na ji'i̱ ngu' xña'a̱.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN JUAN 13:1

Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 13:11

Jua'a̱ nacui̱ Jesús: “Ntsu'u chaca yu laja cu'ma̱ nu ná lubii cresiya ji'i̱”, nacui̱, cha' cua jlo ti' Jesús tilaca laca nu cujui' cresiya ji'i̱ yu ji'i̱ ngu' cuxi.

SAN JUAN 18:5

―Ji'i̱ Jesús, ngu' Nazaret, bi' laca nu nclyana ya ji'i̱ ―nacui̱ ngu'. ―Na' laca̱ bi' ―nacui̱ Jesús ji'i̱ ngu' li'. Lo'o jua'a̱ stu'ba ti ndu̱ Judas lo'o ngu', nu Judas nu cua ndyujui' cresiya ji'i̱ Jesús ji'i̱ nu ngu' xña'a̱ bi'.

SAN JUAN 18:7

Chaca quiya' nchcuane Jesús ji'i̱ ngu': ―¿Ti ji'i̱ nclyana ma̱ ndya'a̱ ma̱? ―nacui̱. ―Ji'i̱ Jesús, ngu' Nazaret, yu bi' laca nu nti' ya ―nacui̱ ngu'.

SAN JUAN 19:28

Jua'a̱ ngua lo'o cua ngua tii Jesús cha' cua ngua lcaa cha' nu ntsu'u cha' caca ji'i̱ ycui' yu, li' nacui̱ yu ñi'ya̱ nu nacui̱ sca cha' nu nscua lo quityi cusu': ―Nguityi tsa na' hitya ―nacui̱ yu.

SAN JUAN 6:64

Pana tya ntsu'u xi ngu' tya'a ndya'a̱ ma̱ nu ná jlya ti' jna' ―nacui̱ Jesús li'. Tya lo'o nguxana ti cha', tya li' ngua tii Jesús tilaca laca nu ná jlya ti' ji'i̱ yu, tilaca laca nu cujui' cresiya ji'i̱ yu ca tiya' la.

LOS HECHOS 2:28

cua ngulu'u nu'u̱ tyucui̱i̱ su tsa'a na' cha' tyi'i̱ na' ca slo nu'u̱. Tso'o tsa ntsu'u tyiquee na' cha' stu'ba ti tyi'i̱ na' lo'o nu'u̱ li'. Jua'a̱ nguscua jyo'o David lo quityi.

1 PEDRO 4:1

Lo'o ndyi'u ti' ma̱ cha' nchcube' Cristo nde chalyuu, li' caca nguula la ti' ma̱ cha' talo tyiquee ma̱ lo'o chcube' cu'ma̱; ñi'ya̱ nu ndalo tyiquee ycui' Cristo, jua'a̱ taca talo tyiquee ma̱ lo'o chcube' ma̱ li'. Nga'aa caca cua'ni cha' cuxi ngana ji'i̱ ma̱ si lo'o cu'ma̱ chcube' ma̱ jua'a̱.