SAN JUAN 18:18 - Chatino Tataltepec

¹⁸ Laja li' nu ngu' msu lo'o ngu' policía bi', cua nguxtyu'u ngu' quii' nchcubi' nde bi', cha' tlya' tsa; ndu̱ ngu' to' lquii' bi', cha' caca chcatsu̱ ngu'. Lo'o Pedro ndu̱ lo'o ngu' bi' li', cha' lo'o nti' caca chcatsu̱ ti' to' lquii'.

SAN JUAN 18:18 Iomraidhean Croise

SAN MARCOS 14:54

Tyijyu' ti ndyu'u lca'a̱ Pedro chu̱' ngu' tyaala ña'a̱ cuayá' nu ndyalaa ngu' ne' lo'o ji'i̱ xu'na sti jo'ó. Li' ngua'a̱ Pedro slo ngu' nu nga'a̱ cua̱ ca ni'i̱ bi' su nga'a̱ ngu' to' lquii' cha' caca chcatsu̱ ngu'.

SAN MARCOS 14:67

Nxña'a̱ nu cuna'a̱ bi' ji'i̱ Pedro su nga'a̱ to' lquii', li' xa' nxña'a̱ tso'o ca ji'i̱ chaca quiya'. ―Lo'o nu'u̱ ndya'a̱ lo'o Jesús Nazaret bi' ―nacui̱ nu cuna'a̱ bi' ji'i̱.

SAN LUCAS 22:44

Nu lo'o lye tsa nchcube' Jesús, li' lye la nchcui' yu lo'o ycui' Ndyosi. Lo'o li' ntyucua jatá Jesús, ndyalú nchcua' lo yuu; ñi'ya̱ si nchcua' tañi ycui', jua'a̱ ña'a̱.

SAN JUAN 18:25

Laja li' ndu̱ Pedro to' lquii' cha' caca chcatsu̱ ti'. Nchcui' nu xa' ñati̱ nu ndi'i̱ nde bi' lo'o Pedro li': ―¿Ha lo'o nu'u̱ ndyaca tsa'a̱ ji'i̱ yu jua? Ná ntaja'a̱ Pedro ta cha' liñi lo'o ngu'. ―Ná lo'o na' ―nacui̱.

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN JUAN 21:9

Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua.

LOS HECHOS 4:23

Nu lo'o nda ngu' cusu' chacuayá' cha' tyaa ngu' laja ti, li' hora ti ndu'u ngu' ndyaa ngu' ca slo nu ngu' tya'a ndya'a̱ ngu'. Nda Pedro lo'o Juan cha' lo'o lcaa tya'a ngu', lcaa ña'a̱ cha' nu nchcui' sti jo'ó, lcaa ña'a̱ cha' nu nda ngu' cusu' bi' lo'o ngu'.

1 CORINTIOS 15:33

Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi.