SAN JUAN 17:6 - Chatino Tataltepec6 ’Lcaa ca cha' ñi'ya̱ laca ycui' nu'u̱ ni, cua ndye nchcui' na' cha' bi' lo'o ñati̱ chalyuu nu cua ngusubi nu'u̱ ji'i̱ cha' caca ñati̱ jna', ña'a̱ cuayá' nu ndyuloo tso'o ngu' jinu'u̱ ―nacui̱―. Ñati̱ jinu'u̱ laca ngu' bi', pana cua nda nu'u̱ ngu' bi' jna'. Cua ndaquiya' ngu' lcaa cha' nu nda nu'u̱ lo'o ngu'. Faic an caibideil |
SAN JUAN 17:6
48 Iomraidhean Croise
Si cua'ni ma̱ ñi'ya̱ nu ndu'ni ñati̱ cuxi nde chalyuu, li' chcui' tso'o ngu' lo'o ma̱, ñi'ya̱ si laca ma̱ tya'a ngu'. Pana juani nga'aa ntsu'u cha' ji'i̱ ma̱ lo'o cha' cuxi nu ntsu'u nde chalyuu, cha' cua ngusubi na' ji'i̱ ma̱ cha' caca ma̱ ñati̱ 'na; bi' cha' liye' tsa ti' ngu' ña'a̱ ngu' ji'i̱ ma̱ ―nacui̱―.
Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.
Cua ngulu'u na' ji'i̱ ngu' bi' lcaa cha' nu nda nu'u̱ jna', lo'o jua'a̱ tya cua'ni la na' cha' ca cuayá' tso'o ti' ngu' bi' tilaca laca nu'u̱. Bi' cha' taca caca tso'o tyiquee ngu' ña'a̱ ngu' ji'i̱ tya'a ñati̱ ngu', ñi'ya̱ ntsu'u tsa tyiquee nu'u̱ ña'a̱ nu'u̱ 'na, lo'o li' tyanu Xtyi'i ycui' na' ne' cresiya ji'i̱ ngu'.
Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.
Ndyuna nu ngu' xa' tsu' cha' bi', lo'o li' tso'o tsa ntsu'u tyiquee ngu'. Tso'o tsa laca cha' ji'i̱ ycui' Ndyosi nu Xu'na na, ngulacua ti' ngu' bi'; jua'a̱ ngusñi ngu' cha' bi'. Jlya ti' ngu' bi' cha' ji'i̱ Jesús, lcaa ngu' nu cua ngusubi ycui' Ndyosi ji'i̱; ngujui chalyuu nu ná nga'a̱ cha' tye ji'i̱ ngu' bi' li'.
Nu ngua sa'ni ngusubi ycui' Ndyosi ji'i̱ ngu' Israel, cha' caca ngu' ñati̱ ji'i̱ Ni; juani nga'aa culaya' Ni ji'i̱ ngu' bi'. ¿Ha ná ntsu'u ti' ma̱ cha' nu nscua lo quityi cuentya ji'i̱ nu Elías bi'? Sca jyo'o cusu' nu nda cha' ji'i̱ ycui' Ndyosi lo'o ñati̱ sa'ni ngua jyo'o Elías bi'; pana nu lo'o nchcui' Elías lo'o ycui' Ndyosi, ngusta yu qui'ya ji'i̱ ngu' Israel ndi'ya̱:
La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.
Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.
Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.
Pedro laca na' nu nscua na' quityi re cha' ca̱a̱ slo lcaa cu'ma̱ nu ngusñi ma̱ cha' ji'i̱ Jesús, cu'ma̱ ngu' nu ndi'i̱ tyijyu'. Ntsu'u cu'ma̱ nu ndyalaa ma̱ nde loyuu su cuentya Ponto; xi xa' la tya'a cu'ma̱ ndyalaa ma̱ nde loyuu su cuentya Galacia, jua'a̱ loyuu su cuentya Capadocia, jua'a̱ loyuu su cuentya Asia, jua'a̱ loyuu su cuentya Bitinia cua lye tsa ngañi ma̱. Cña nu nda ycui' Jesucristo 'na, bi' laca cha' tsa'a na' chcui' na' cha' ji'i̱ Ni lo'o xa' la ñati̱.
Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.
Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.
Nda na' cuentya ji'i̱ lcaa ña'a̱ nu ndu'ni ma̱, nacui̱ Ni. Cua nda na' sca cña tso'o cha' cua'ni ma̱, lo'o ná tucui taca tacu̱' cha' ji'i̱ ma̱ li', masi jlo ti' na' cha' ná caca ji'i̱ ma̱ chcui' lye ma̱ lo'o ñati̱ cuentya jna', cha' ná nguula ti' tyiquee ma̱ tsiya' ti; pana ña'a̱ ti tya ndaquiya' ma̱ ji'i̱ lcaa cha' nu nclyu'u na' ji'i̱ ma̱, bilya xtyanu ma̱ 'na.
Sanasan