SAN JUAN 17:23 - Chatino Tataltepec

²³ Nu lo'o stu'ba ti ntsu'u tyiquee na' lo'o ngu' bi', lo'o jua'a̱ stu'ba ntsu'u tyiquee nu'u̱ lo'o na' ―nacui̱―, li' chañi cha' caca stu'ba cresiya ji'i̱ ngu' lo'o tya'a ngu'. Lo'o li' caca cuayá' ti' xa' ñati̱ chalyuu cha' cua nda nu'u̱ 'na lijya̱a̱ lo yuu, cha' ñi'ya̱ lo'o tyaca'a na' jinu'u̱, jua'a̱ cua'ni tyaca'a nu'u̱ ji'i̱ ngu' nu ngusñi cha' 'na.

SAN JUAN 17:23 Iomraidhean Croise

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 13:35

Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

SAN JUAN 14:10

¿Ha ná jlya ti' ma̱ cha' stu'ba ntsu'u cha' 'na lo'o ycui' Ndyosi Sti' na'? Lo'o jua'a̱ lcaa hora ndi'i̱ ycui' Ndyosi Sti na' lo'o na' ―nacui̱―. Si'i cha' nu ngulo hique ti na' nu nchcui' na' lo'o ma̱; stu'ba ntsu'u cha' ji'i̱ Sti na' lo'o na', lo'o ycui' Ni laca nu nclyo cña 'na, ñi'ya̱ nu cua'ni na'.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

SAN JUAN 15:9

Ñi'ya̱ nu ntsu'u tyiquee Sti na' ña'a̱ Ni jna', jua'a̱ ntsu'u tsa tyiquee na' ña'a̱ na' ji'i̱ cu'ma̱.

SAN JUAN 16:27

la cui' ycui' Ndyosi Sti na' ntsu'u tsa tyiquee Ni ña'a̱ Ni ji'i̱ ma̱. Ntsu'u tyiquee ma̱ ña'a̱ ma̱ jna', jua'a̱ jlya ti' ma̱ cha' ca slo ycui' Ndyosi ngutu'u na', bi' cha' ntsu'u tyiquee Ni ña'a̱ Ni ji'i̱ ma̱ ―nacui̱―.

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

SAN JUAN 17:21

Ndijña na' jinu'u̱ cha' caca stu'ba cresiya ji'i̱ ngu' bi' lo'o tya'a ngu'. Sti na', ñi'ya̱ stu'ba ntsu'u cha' jinu'u̱ lo'o na', ñi'ya̱ stu'ba nchca tyiquee na' lo'o nu'u̱, jua'a̱ cua'ni nu'u̱ cha' caca stu'ba tyiquee ngu' bi' lo'o na; li' taca jlya ti' xa' ñati̱ cha' nu'u̱ nda 'na lijya̱a̱ ―nacui̱ Jesús―.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

SAN JUAN 17:26

Cua ngulu'u na' ji'i̱ ngu' bi' lcaa cha' nu nda nu'u̱ jna', lo'o jua'a̱ tya cua'ni la na' cha' ca cuayá' tso'o ti' ngu' bi' tilaca laca nu'u̱. Bi' cha' taca caca tso'o tyiquee ngu' ña'a̱ ngu' ji'i̱ tya'a ñati̱ ngu', ñi'ya̱ ntsu'u tsa tyiquee nu'u̱ ña'a̱ nu'u̱ 'na, lo'o li' tyanu Xtyi'i ycui' na' ne' cresiya ji'i̱ ngu'.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

SAN JUAN 17:8

Lo'o jua'a̱ cua ngulu'u na' ji'i̱ ngu' lcaa cha' nu ngulu'u nu'u̱ 'na ―nacui̱ Jesús―, ndaquiya' tsa ngu' cha' bi' juani. Jlo tsa ti' ngu' cha' ca slo nu'u̱ ngutu'u na' lijya̱a̱, jlya ti' ngu' cha' nu'u̱ laca nu cua nda jna' lijya̱a̱.

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

SAN JUAN 6:56

Lo'o cua ña'a̱ ca ñati̱ nu jua'a̱ cacu ngu', nu jua'a̱ co'o ngu' cha' nu ta na' ji'i̱ ngu' ―nacui̱―, lcaa tsa̱ tyi'i̱ ngu' bi' lo'o na', tyi'i̱ na' lo'o ngu' bi' li'.

1 CORINTIOS 1:30

Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.

2 CORINTIOS 5:21

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

GÁLATAS 3:28

Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.

FILIPENSES 3:15

Tso'o tsa si la cui' jua'a̱ culacua ti' ca ta'a na nu cua ngusñi tso'o na cha' ji'i̱ Jesús; ycui' Ndyosi laca nu culu'u liñi la ji'i̱ ma̱ li', si ntsu'u ngu' tya'a ma̱ nu nclyacua ti' xi xa' la cha'.

COLOSENSES 1:28

Bi' cha' lye tsa nchcui' ya cha' ji'i̱ Cristo lo'o lcaa ñati̱; tso'o ti, qui'i ti nclyu'u ya cha' bi' ji'i̱ ngu', ndacane ya ji'i̱ ngu' cha' nga'aa cua'ni ngu' cha' cuxi. Cua nti' tsa ya cha' tso'o tsa caca tyucui ti' tyiquee scaa ngu' cuentya ji'i̱ Cristo nu lo'o tyalaa ngu' ca slo ycui' Ni.

COLOSENSES 2:2

Jua'a̱ ndyu'ni na' cña, cha' caca tyucui ti' tyiquee ngu', cha' stu'ba ti caca tyiquee ngu' lo'o xa' la tya'a ngu'. Nga'aa cutsi̱i̱ ngu' nu lo'o chcui' ngu' cha' ji'i̱ Cristo li', xqui'ya cha' tso'o tsa nchca cuayá' ti' ngu' ji'i̱ cha' bi'. Jua'a̱ li' quijeloo cha' ji'i̱ ngu', cha' ycui' Cristo laca cha' bi', la cui' cha' ji'i̱ ycui' Ndyosi nu bilya caca cuayá' ti' ngu' ji'i̱ cua sa'ni la.

COLOSENSES 3:14

La cui' jua'a̱ tso'o tsa caca tyiquee ma̱ ña'a̱ ma̱ ji'i̱ xa' la tya'a ñati̱ ma̱, cha' jua'a̱ stu'ba tsa caca cha' ji'i̱ ma̱ lo'o ngu' li'.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.

1 JUAN 1:3

Juani culu'u ya ji'i̱ ma̱ cua ña'a̱ ca cha' nu cua na'a̱ ya, culu'u ya cua ña'a̱ ca cha' nu cua ndyuna ya. Chañi laca cha' stu'ba ntsu'u tyiquee na lo'o ycui' Ndyosi Sti na, jua'a̱ lo'o Jesucristo nu sca ti Sñi' ycui' Ni. Lo'o juani cua nti' ya cha' stu'ba ti caca tyiquee ma̱ lo'o ya;

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.

1 JUAN 4:19

Ntsu'u tyiquee na ña'a̱ na ji'i̱ ycui' Ni, xqui'ya cha' tya clyo ntsu'u tsa tyiquee Ni ña'a̱ Ni ji'na.

APOCALIPSIS 3:9

Ntsu'u xi taju ñati̱ nu cuiñi ti nda cha' lo'o tya'a ngu' cha' ñati̱ jna' laca ngu'; liñi la ñacui̱ na cha' ntsu'u cha' ji'i̱ ngu' bi' lo'o Satanás. Ca tiya' la xi cuane na' ji'i̱ ngu' bi', cha' tya̱a̱ ngu' ca slo cu'ma̱, tyu̱ sti̱' ngu' slo ma̱ cha' cua'ni tlyu ngu' ji'i̱ ma̱ li'; caca cuayá' ti' ngu' jua'a̱ cha' tyaca'a tsa cu'ma̱ 'na.