SAN JUAN 17:21 - Chatino Tataltepec

²¹ Ndijña na' jinu'u̱ cha' caca stu'ba cresiya ji'i̱ ngu' bi' lo'o tya'a ngu'. Sti na', ñi'ya̱ stu'ba ntsu'u cha' jinu'u̱ lo'o na', ñi'ya̱ stu'ba nchca tyiquee na' lo'o nu'u̱, jua'a̱ cua'ni nu'u̱ cha' caca stu'ba tyiquee ngu' bi' lo'o na; li' taca jlya ti' xa' ñati̱ cha' nu'u̱ nda 'na lijya̱a̱ ―nacui̱ Jesús―.

SAN JUAN 17:21 Iomraidhean Croise

SAN MARCOS 3:24

Tyee cha' ji'i̱ sca quichi̱ jua'a̱ ti si xcui' na xu̱u̱ tya'a sca latya ngu' tisiya lo'o chaca latya ngu' tisiya.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 13:32

Nu lo'o ndu'ni na' cha' caca tlyu Sti na' xqui'ya cha' laca na' Sñi' ycui' Ni, la cui' jua'a̱ cua'ni Ni cha' caca tlyu la na'; yala ti cua'ni Ni jua'a̱.

SAN JUAN 13:35

Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

SAN JUAN 17:18

Ñi'ya̱ nda nu'u̱ 'na cha' lijya̱a̱ nde chalyuu ―nacui̱ Jesús ji'i̱ ycui' Ndyosi Sti yu―, jua'a̱ cua nda na' ji'i̱ ngu' bi', cha' tsaa ngu' culu'u ngu' cha' jinu'u̱ nde lo tyucui ña'a̱ chalyuu.

SAN JUAN 17:20

’Si'i sca ti ji'i̱ ngu' nu cua ngusñi cha' 'na chcui' na' lo'o nu'u̱ ―nacui̱ Jesús ji'i̱ ycui' Ndyosi Sti yu―, lo'o chcui' na' cha' ji'i̱ lcaa ñati̱ nu xñi cha' jna' ca tiya' la, nu lo'o chcui' ngu' lo'o ñati̱ bi'; lo'o cha' ji'i̱ ñati̱ bi' chcui' na' lo'o nu'u̱ juani ―nacui̱―.

SAN JUAN 17:25

Sti na' ―nacui̱ Jesús―, xcui' cha' liñi ndu'ni nu'u̱. Nslo na' jinu'u̱, masi ná nslo ñati̱ chalyuu jinu'u̱. Pana jlo ti' ñati̱ nu ngusñi cha' jna' cha' nu'u̱ laca nu nda 'na lijya̱a̱ nde chalyuu.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

SAN JUAN 17:8

Lo'o jua'a̱ cua ngulu'u na' ji'i̱ ngu' lcaa cha' nu ngulu'u nu'u̱ 'na ―nacui̱ Jesús―, ndaquiya' tsa ngu' cha' bi' juani. Jlo tsa ti' ngu' cha' ca slo nu'u̱ ngutu'u na' lijya̱a̱, jlya ti' ngu' cha' nu'u̱ laca nu cua nda jna' lijya̱a̱.

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

LOS HECHOS 2:46

Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',

LOS HECHOS 4:32

Se'i̱ ti ndi'i̱ lcaa ngu' nu ngusñi cha' ji'i̱ Jesucristo, stu'ba tsa ndu'ni lcaa ngu' bi' lo'o tya'a ngu', sca ti cha' ntsu'u tyiquee lcaa ngu'. Nda ngu' lcaa na nu ntsu'u ji'i̱ ngu' cha' xtyucua ji'i̱ lcaa ngu' lo'o tya'a ngu'.

ROMANOS 12:5

Lo'o jua'a̱ laca na, lcaa tya'a na nu ntsu'u cha' ji'na lo'o Cristo, cha' masi tyu̱u̱ tsa ngu' tya'a na, pana sca ti taju ñati̱ laca na lo'o tya'a na; sca ti ñati̱ laca tsaca na, pana lcaa na stu'ba ti ntsu'u cha' ji'na lo'o tya'a na.

1 CORINTIOS 1:10

Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

1 CORINTIOS 12:12

Nu ycui' na ni, sca ti ñati̱ laca sca na, masi tyu̱u̱ tsa tya'a tyijya̱ ntsu'u laja cuaña' scaa na. La cui' jua'a̱ laca lo'o ña'a̱ taju tya'a ngusñi na cha' ji'i̱ Cristo; sca ti taju ñati̱ laca na, masi xa' ca ña'a̱ ndu'ni sa scaa na.

1 CORINTIOS 6:17

La cui' jua'a̱ caca ji'na lo'o tyu'u cha' ji'na lo'o Jesús nu Xu'na na; nchca stu'ba cha' ji'na lo'o Jesús li', cha' ntsu'u Xtyi'i ycui' Ni ne' cresiya ji'na.

GÁLATAS 3:28

Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.

FILIPENSES 1:27

Bi' cha' juani, cui'ya ma̱ cuentya ñi'ya̱ nga'a̱ cha' cua'ni ma̱ chalyuu cuentya ji'i̱ cha' ji'i̱ Cristo nu cua ngusñi ma̱. Si jua'a̱ ndu'ni ma̱, li' ná ndu'ni cha' masi ca̱a̱ na' ca quichi̱ tyi ma̱, masi ná caca ca̱a̱ na'. Ná tyiquee' caja cha' 'na cha' sca ti cha' ntsu'u tyiquee ma̱ lo'o tya'a ma̱, cha' ndalo tsa tyiquee ma̱ ji'i̱ tya'a cusu̱u̱ ma̱ ca bi'; ná tyiquee' stu'ba ti culacua ti' ma̱ lo'o tya'a ma̱ laja lo'o tyiquee' tsa nchcui' ma̱ lo'o ngu' cha' xñi ngu' cha' tso'o bi' ji'i̱ Cristo.

1 JUAN 1:3

Juani culu'u ya ji'i̱ ma̱ cua ña'a̱ ca cha' nu cua na'a̱ ya, culu'u ya cua ña'a̱ ca cha' nu cua ndyuna ya. Chañi laca cha' stu'ba ntsu'u tyiquee na lo'o ycui' Ndyosi Sti na, jua'a̱ lo'o Jesucristo nu sca ti Sñi' ycui' Ni. Lo'o juani cua nti' ya cha' stu'ba ti caca tyiquee ma̱ lo'o ya;

1 JUAN 5:7

Nde cua̱ ntucua sna tya'a ngu' nu nchcui' cha' chañi laca cha' ji'i̱ Jesús bi': ycui' Ndyosi Sti yu laca tsaca ngu' bi'; jua'a̱ Jesucristo nu ntsu'u tyucui cha' ji'i̱ ycui' Ndyosi ji'i̱, bi' laca chaca; lo'o jua'a̱ Xtyi'i ycui' Ni, chaca laca bi'. Stu'ba ti nchcui' nu ca ta'a sna bi', cha' chañi laca cha' bi'.