SAN JUAN 17:10 - Chatino Tataltepec

¹⁰ Lcaa ngu' nu ngusñi cha' 'na, laca ngu' bi' ñati̱ jinu'u̱ ―nacui̱―. La cui' ti cha', ñati̱ jna' laca ngu', xqui'ya cha' laca ngu' ñati̱ ji'i̱ ycui' nu'u̱. Lo'o ña'a̱ xa' ñati̱ chalyuu ji'i̱ ngu' bi', hora ti caca cuayá' ti' ngu' cha' tlyu tsa cha' tso'o ntsu'u jna'.

SAN JUAN 17:10 Iomraidhean Croise

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 11:4

Lo'o ndyuna Jesús cha' bi', li' nacui̱: ―Ná nga'a̱ cha' cajaa nu quicha bi'. Na quicha yu bi' cha' caca tlyu la ycui' Ndyosi, cha' cua'ni tlyu ngu' jna', cha' na' laca̱ nu sca ti Sñi' ycui' Ndyosi. Lo'o ña'a̱ ngu' ñi'ya̱ cña tonu nu cua'ni na' cha' caca jo'o ji'i̱ yu, li' cua'ni tlyu ngu' ji'i̱ ycui' Ndyosi.

SAN JUAN 12:23

Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

LOS HECHOS 19:17

Lo'o li' ngujui cha' bi' ji'i̱ lcaa ngu' quichi̱ Efeso, masi ngu' judío, masi xa' la ñati̱. Ndyutsi̱i̱ tsa ngu' li', lo'o jua'a̱ ngua'ni tlyu ngu' ji'i̱ ycui' Jesús nu Xu'na na li'.

GÁLATAS 1:24

Lo'o li' nguxana ngua'ni tlyu ngu' ji'i̱ ycui' Ndyosi xqui'ya na'.

FILIPENSES 1:20

Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.

COLOSENSES 2:9

Pana nu Cristo bi' ni, ñi'ya̱ laca tyucui ña'a̱ ycui' Ndyosi, jua'a̱ laca yu lo'o ya̱a̱ yu nde chalyuu.

2 TESALONICENSES 1:10

Jua'a̱ xcube' Ni ji'i̱ ngu' bi' tsa̱ lo'o tya̱a̱ Jesús chaca quiya'. Pana si ntsu'u cha' ji'na lo'o Ni, li' cua'ni tlyu na ji'i̱ Ni tsa̱ bi'; la cui' jua'a̱ cua'ni chi̱ na loo ycui' Ndyosi lo'o tya'a na lo'o tyalaa tsa̱ bi', si cua ngusñi na cha' ji'i̱ Ni. Lo'o cu'ma̱, stu'ba ti tyu'u ti'i̱ ma̱ lo'o ya slo Jesús tsa̱ bi', cha' ngusñi ma̱ cha' ji'i̱ Jesús lo'o ngulu'u ya cha' bi' ji'i̱ ma̱ nu ngua tya clyo la.

2 TESALONICENSES 1:12

Jua'a̱ ndu'ni tlyu ma̱ ji'i̱ Jesucristo nu Xu'na na, nu lo'o ndu'ni ma̱ cña ji'i̱ Ni; jua'a̱ ca cuayá' ti' ngu' li' cha' ndyanu Xtyi'i ycui' Ni ne' cresiya ji'i̱ ma̱. Lo'o li' caca cuayá' ti' ngu' cha' tso'o tsa ndu'ni ycui' Ndyosi lo'o ma̱, cha' stu'ba ti ndu'ni ycui' Ndyosi Sti na cña lo'o Jesucristo nu Xu'na na.

1 PEDRO 2:9

Pana cu'ma̱ ni, cua ngusubi ycui' Ndyosi ji'i̱ cu'ma̱ cha' caca ma̱ ña'a̱ tsaca taju ñati̱ nu ndyu'ni tlyu ji'i̱ ycui' Ni. Laca ma̱ ñi'ya̱ laca sca latya sti jo'ó nu cuentya ji'i̱ ycui' Ndyosi nu laca loo tsiya' ti; ñi'ya̱ tsaca taju ñati̱ lubii laca ma̱ cha' cua'ni tlyu ma̱ ji'i̱ ycui' Ndyosi lcaa tsa̱. Ndu'ni Ni lo'o ma̱: “Ñati̱ 'na laca ma̱”, nacui̱ Ni. Bi' cha' nti' tsa Ni cha' chcui' ma̱ lo'o lcaa ñati̱ lcaa ña'a̱ cha' tso'o nu ngua'ni ycui' Ndyosi lo'o ma̱; cua ngulo Ni ji'i̱ ma̱ ji'i̱ chalyuu cuxi su talya tsa ña'a̱, cha' tya'a̱ ma̱ ca su ndubi tsa xee ji'i̱ ycui' Ni.