SAN JUAN 16:8 - Chatino Tataltepec

⁸ Nu lo'o ca̱a̱ Xtyi'i ycui' Ndyosi lo yuu chalyuu ―nacui̱ Jesús―, cua'ni Ni cha' cube ti' lcua ti tya'a ñati̱ chalyuu cha' ntsu'u qui'ya nu ngusta ycui' Ndyosi ji'i̱ ngu'; jua'a̱ cua'ni Ni cha' tyi'u ti' ñati̱ jna', cha' liñi tsa laca ycui' na'; jua'a̱ cua'ni Ni cha' ca cuayá' ti' ñati̱ cha' ntsu'u cha' cua'ni cuayá' ycui' Ndyosi ji'i̱ lcaa ñati̱ chalyuu ―nacui̱―.

SAN JUAN 16:8 Iomraidhean Croise

SAN JUAN 16:7

Pana ná cube tsa ti' ma̱. Cha' liñi nda na' lo'o ma̱ juani ―nacui̱ Jesús―, cha' tso'o la tyi'i̱ ma̱ si cua ndya'a na'. Ná ca̱a̱ Xtyi'i ycui' Ni nu xtyucua ji'i̱ ma̱ lcaa tsa̱ si ná tya'a na', cha' nu lo'o tya'a na', li' ta na' ji'i̱ nu bi' ca̱a̱ Ni.

SAN JUAN 16:9

Cua'ni Xtyi'i ycui' Ni cha' cube ti' ngu' cha' ntsu'u qui'ya ji'i̱ ngu' cuentya ji'i̱ ycui' Ndyosi, xqui'ya cha' jlo ti' ngu' cha' ná ndaquiya' ngu' ji'i̱ cha' nu nchcui' na' ―nacui̱ Jesús―.

SAN JUAN 8:46

Ná caca ñacui̱ ma̱ cha' ntsu'u xqui'ya na'; pana lo'o ta na' sca cha' liñi lo'o ma̱, ¿ni cha' laca ná jlya ti' ma̱ 'na li'?

SAN JUAN 8:9

Lo'o ndyuna ngu' cha' bi', nguxana ngu' ngutu'u ngu' ndyaa ngu' li', cha' cua jlo ti' ngu' cha' ntsu'u qui'ya ji'i̱ ycui' ngu'. Clyo la ndyaa nu ngu' cusu' la, li' ndyaa lcaa ngu' cuentya sca ti ngu'. Li' ndyanu Jesús chaca tya yu, lo'o ña'a̱ ti ndu̱ nu cuna'a̱ bi' ntajatya ji'i̱ yu ni jacua' chcui' yu lo'o.

LOS HECHOS 2:37

Lo'o ndyuna ngu' cha' nu nchcui' Pedro, ntyuju'u tsa ti' ngu' li'. Nchcuane ngu' ji'i̱ Pedro lo'o ji'i̱ lcaa ngu' nu ngua tsa'a̱ ji'i̱ Jesús tya clyo: ―¿Ñi'ya̱ cua'ni ya juani? ―nacui̱ ngu' ji'i̱ ngu' bi'.

1 CORINTIOS 14:24

Xa' ña'a̱ caca si xcui' cha' nu cua nda ycui' Ndyosi lo'o ma̱ laca cha' nu chcui' ma̱ lo'o tya'a ma̱; nu lo'o tyalaa ngu' su ndyu'u ti'i̱ ma̱, si ngu' nu bilya xñi cha' ji'i̱ Jesús, nu si'i tya'a ndyu'ni tlyu ma̱ ji'i̱ ycui' Ndyosi laca ngu', li' ca tyuju'u ti' ngu' bi' ji'i̱ qui'ya nu ntsu'u ji'i̱ ngu', nu lo'o cuna ngu' cha' nu nchcui' ma̱. Li' caca cuayá' ti' ngu' cha' cuxi tsa laca ycui' ngu',

JUDAS 1:15

cha' cua'ni cuayá' Ni ji'i̱ lcaa ñati̱. Li' xcube' Ni ji'i̱ lcaa ñati̱ cuxi xqui'ya cha' cuxi nu cua ngua'ni ngu', xqui'ya cha' suba' nu cua nchcui' ngu' ji'i̱ ycui' Ndyosi.” Jua'a̱ nacui̱ jyo'o Enoc bi'.