SAN JUAN 16:23 - Chatino Tataltepec

²³ ’Nu lo'o tyalaa tyempo bi', nga'aa si'i jna' jña ma̱ sca cha' ―nacui̱ Jesús―. Liñi tsa cha' nu ta na' lo'o ma̱, cha' lcaa cha' nu jña ma̱ ji'i̱ ycui' Ndyosi Sti na' chacuayá' 'na, ta Ni cha' bi' ji'i̱ ma̱ ―nacui̱―.

SAN JUAN 16:23 Iomraidhean Croise

SAN MATEO 21:22

Lcaa lo cha' nu jña ma̱ ji'i̱ ycui' Ndyosi ni, si chañi cha' jlya ti' ma̱ ji'i̱ ycui' Ni, caja cha' bi' ji'i̱ ma̱ li'.

SAN MATEO 7:7

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

SAN JUAN 14:20

Lo'o jua'a̱ caca cuayá' ti' ma̱ cha' stu'ba ntsu'u cha' jna' lo'o Sti na', cha' ntsu'u cha' ji'i̱ ma̱ lo'o na' ―nacui̱ Jesús―, lo'o jua'a̱ ntsu'u cha' jna' lo'o cu'ma̱.

SAN JUAN 14:22

Li' nchcui' nu chaca Judas bi', si'i nu naa Judas Iscariote: ―Nu lo'o nacui̱ nu'u̱ cha' culu'u nu'u̱ ñi'ya̱ nu laca ycui' ca nu'u̱ ji'i̱ cuare ti, ná lo'o ji'i̱ xa' ñati̱, ¿ñi'ya̱ ta nti' nu'u̱, Xu'na? ―nacui̱ nu Judas bi' ji'i̱ Jesús.

SAN JUAN 14:5

―Cusu' ―nacui̱ Tomás―, ná jlo ti' ya macala tsaa nu'u̱. ¿Ñi'ya̱ cua'ni ya cha' quije tyucui̱i̱ bi' ji'i̱ ya? ―nacui̱ ji'i̱ Jesús.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

SAN JUAN 16:19

Cua jlo ti' Jesús lcaa ña'a̱ cha' nu nti' ngu' xcuane ngu' ji'i̱, bi' cha' nguxtyacui yu cha' lo'o ngu' bi' li': ―Cua nacui̱ na' ji'i̱ ma̱ cha' ca tiya' la xi nga'aa ña'a̱ ma̱ jna', lo'o jua'a̱ ca tiya' la, li' ña'a̱ ma̱ jna' chaca quiya'. ¿Ha xqui'ya cha' bi' nchcui' tsa ma̱ lo'o tya'a ma̱?

SAN JUAN 16:26

Nu lo'o tyalaa tyempo bi' ―nacui̱―, li' taca jña ma̱ cha' ji'i̱ ycui' Ndyosi Sti na' chacuayá' 'na. Ná ni na' ji'i̱ ma̱ cha' chcui' na' lo'o Sti na' cuentya ji'i̱ ma̱, cha' jua'a̱ ta Ni lcaa cha' nu jña ma̱ ji'i̱ Ni;

SAN JUAN 16:30

bi' cha' ná ntsu'u cha' xcuane ngu' ni tsaca cha' jinu'u̱. Juani tso'o tsa nchca cuayá' ti' ya cha' jlo ti' nu'u̱ lcaa ca cha', bi' cha' jlya ti' ya cha' ca slo ycui' Ndyosi ngutu'u nu'u̱.

EFESIOS 2:18

Lo'o juani ná ndu'ni cha' masi ngu' judío laca ya, masi xa' ñati̱ laca ma̱, sca ti lo ñati̱ laca na lo'o lcaa tya'a na xqui'ya Cristo, sca ti Xtyi'i ycui' Ndyosi ndu'ni cha' tyuloo na ji'i̱ Ni;

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.