SAN JUAN 16:1 - Chatino Tataltepec

¹ ’Yala la nchcui' na' lcaa cha' bi' lo'o ma̱, cha' ná xtyanu ma̱ cha' jna' lo'o cua'ni lya' ti' ngu' ji'i̱ ma̱,

SAN JUAN 16:1 Iomraidhean Croise

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN MATEO 13:57

Jua'a̱ ngua cha' chi̱i̱ nti' ngu' ña'a̱ ngu' ji'i̱ Jesús, bi' cha' ndi'ya̱ nchcui' Jesús lo'o ngu' li': ―Lcaa se'i̱ ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi ―nacui̱ Jesús ji'i̱ ngu'―. Sca ti quichi̱ tyi yu, ná nduna ngu' bi' cha' nu nchcui' yu tsiya' ti; ni tya'a yu, ná ndaquiya' ngu' ji'i̱ yu.

SAN MATEO 24:10

bi' cha' tyu̱u̱ tya'a ngu' tya'a ma̱ caca taja ti' ngu' jna', nga'aa talo ngu' cha' xñi la ngu' cha' 'na li'. Lo'o jua'a̱ ntsu'u ngu' tya'a ma̱ nu cujuii cuañi' ngu' ji'i̱ tya'a ma̱ ya' ngu' cuxi, jua'a̱ ntsu'u ngu' tya'a ma̱ nu caca ti'í ti' ngu' ña'a̱ ngu' ji'i̱ xa' la ngu' tya'a ma̱ li'.

SAN JUAN 15:11

’Nchcui' na' jua'a̱ lo'o cu'ma̱, cha' lo'o ña'a̱ ma̱ cha' chaa ti' na' ndu'ni na' cña ji'i̱ ycui' Ndyosi Sti na', la cui' jua'a̱ cu'ma̱, ná nga'a̱ cha' tye cha' caca chaa ti' ma̱.

SAN JUAN 16:4

Cua nchcui' na' lcaa cha' bi' lo'o ma̱ juani, cha' nu lo'o tyalaa tyempo cuxi bi', li' taca tyi'u ti' ma̱ ñi'ya̱ nu cua nchcui' na' lo'o ma̱ juani. ’Tya clyo ná nda na' cha' bi' lo'o ma̱, cha' tya ndi'i̱ na' lo'o ma̱ ―nacui̱ Jesús―.

ROMANOS 14:21

Tso'o la masi ná cacu ma̱ cuaña' tsiya' ti, masi ná co'o ma̱ lcui tsiya' ti, si nti' ma̱ cha' cuxi laca na bi' cuentya ji'i̱ tya'a ñati̱ ma̱. Ni sca na ná cua'ni ma̱ nu cua'ni cha' tya'a̱chu̱' ngu' tya'a ma̱ ji'i̱ Jesús, cha' cua'ni ngu' cha' cuxi, cha' quiñu'u̱ cresiya ji'i̱ ngu'.

FILIPENSES 1:10

ndijña na' cha' lcaa tyempo taca ca'ya cha' hique ma̱ ñi'ya̱ nu tso'o la cha' cua'ni ma̱. Jua'a̱ nga'aa tyaja'a̱ ma̱ cua'ni la ma̱ cha' cuxi, nga'aa tyanu yabe' hichu̱' ma̱ nu lo'o tyalaa tsa̱ cha' ca̱a̱ Cristo chaca quiya'.

1 PEDRO 2:8

Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.