SAN JUAN 15:8 - Chatino Tataltepec

⁸ Cua'ni tlyu ngu' ji'i̱ ycui' Ndyosi Sti na', si ña'a̱ ngu' cha' tso'o tsa ndu'ni ma̱ lo'o xa' ñati̱. Li' caca cuayá' ti' xa' ñati̱ cha' ñati̱ nu ndyaca tsa'a̱ 'na laca ma̱ ―nacui̱―.

SAN JUAN 15:8 Iomraidhean Croise

SAN MATEO 5:16

Lo'o jua'a̱ cu'ma̱ ni, si xee laca ma̱ nu culu'u tyucui̱i̱ ji'i̱ ñati̱, xcui' cha' tso'o cua'ni ma̱ cha' ña'a̱ xa' ñati̱ ña'a̱ cha' tso'o nu ndu'ni ma̱, nu laca ma̱ sñi' ycui' Ndyosi. Lo'o li' tyi'u ti' ngu' ji'i̱ ycui' Ndyosi Sti na, cua'ni tlyu ngu' ji'i̱ ycui' Ndyosi nu ntucua nde cua̱.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

SAN MATEO 9:8

Quiña'a̱ tsa ñati̱ na'a̱ ji'i̱ cha' bi', ndyutsi̱i̱ tsa ngu' li'. Ngua'ni tlyu ngu' ji'i̱ ycui' Ndyosi li', cha' cua nda Ni chacuayá' ji'i̱ ñati̱ chalyuu cha' cua'ni cña tonu jua'a̱, ngua ti' ngu'.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN JUAN 13:35

Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

SAN JUAN 15:5

’Ñi'ya̱ laca su̱u̱ yaca nu nda si'yu tyixi ji'i̱, jua'a̱ laca na' cuentya ji'i̱ ma̱, cha' na' laca̱ su̱u̱ cha' tso'o nu ntsu'u ji'i̱ ma̱ ―nacui̱ Jesús ji'i̱ ngu'―. Ñi'ya̱ laca sta̱' yaca bi', jua'a̱ laca cu'ma̱, si ngusñi ma̱ cha' 'na. Stu'ba ti caca tyiquee ma̱ lo'o na', li' caja quiña'a̱ la cha' tso'o nu tyu'u ne' cresiya ji'i̱ ma̱ su ndi'i̱ ma̱ chalyuu, si laca na' su̱u̱ cha' tso'o ji'i̱ ma̱. Ni sca cha' ná caca ji'i̱ ma̱ si ná stu'ba caca tyiquee ma̱ lo'o na' ―nacui̱ Jesús―.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

FILIPENSES 1:11

Quiña'a̱ tsa cha' tso'o taca cua'ni ma̱ lcaa su ndi'i̱ ma̱ chalyuu xqui'ya Jesucristo, cha' ndyu'ni Cristo cña ne' cresiya ji'i̱ ma̱; bi' cha' taca cua'ni tlyu ma̱ ji'i̱ ycui' Ndyosi, taca cua'ni chi̱ ma̱ loo Ni.

TITO 2:10

Ná tso'o si cuaana ngu' msu na nu ntsu'u ji'i̱ xu'na ngu', masi xtyi ti cha'; xcui' cha' liñi cua'ni ngu' msu lacua. Cua'ni chi̱ ngu' loo xu'na ngu', cha' ca cuayá' ti' xa' ñati̱ cha' tso'o tsa laca cha' ji'i̱ ycui' Ndyosi nu ndyu'ni lyaá ji'na.

TITO 2:5

ca tsa'a̱ nu cuna'a̱ cuañi' la cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu', ñi'ya̱ nu nga'a̱ cha' cua'ni ngu' nu cua ngua lubii cresiya ji'i̱ cuentya ji'i̱ ycui' Ndyosi; ca tsa'a̱ ngu' ñi'ya nu tso'o ti cua'ni ngu' cña to' tyi ngu', ñi'ya̱ caca tya'na ti' ngu' ji'i̱ tya'a ñati̱ ngu', ñi'ya̱ nu taquiya' ngu' ji'i̱ clyo'o ngu'. Si xcui' tso'o ti ndu'ni nu cuna'a̱ cuañi' ni, li' ná ntsu'u cha' chcui' cuxi xa' ñati̱ ji'i̱ ycui' Ndyosi xqui'ya ngu' bi' li'.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

1 PEDRO 4:11

Culu'u ma̱ cha' ji'i̱ ñati̱, si bi' laca cña nu cua nda Ni ji'i̱ ma̱ cha' cua'ni ma̱; culu'u ma̱ tsa ña'a̱ cha' nu nti' ycui' Ndyosi chcui' Ni lo'o ngu'. Lo'o jua'a̱ xtyucua ma̱ ji'i̱ tya'a ñati̱ ma̱ lo'o tyucui juersa nu nda ycui' Ndyosi ji'i̱ ma̱, si bi' laca cña nu cua nda Ni ji'i̱ ma̱ cha' cua'ni ma̱. Nu lo'o ña'a̱ ngu' cña tso'o nu ndyu'ni ma̱ bi', li' cua'ni tlyu ngu' ji'i̱ ycui' Ndyosi xqui'ya Jesucristo. Lo'o li' ná nga'a̱ cha' tye cha' cua'ni tlyu ngu' ji'i̱ Cristo bi', cha' laca Cristo loo tsiya' ti. Jua'a̱ caca cha' tu'ni.