SAN JUAN 15:7 - Chatino Tataltepec

⁷ ’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

SAN JUAN 15:7 Iomraidhean Croise

SAN MATEO 7:7

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

SAN JUAN 14:13

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni.

SAN JUAN 15:16

Si'i cu'ma̱ nu ngusubi ma̱ 'na cha' tya'a̱ ma̱ lo'o na' ―nacui̱ Jesús―, na' laca̱ nu cua nchcui' na' lo'o ma̱ clyo. Tya li' ngulo na' cña ji'i̱ ma̱ cha' xcui' cha' tso'o tyu'u ne' cresiya ji'i̱ ma̱, cha' jua'a̱ talo cña tso'o nu ndu'ni ma̱; li' cua'ni Sti na' lcaa cha' nu jña ma̱ ji'i̱ Ni chacuayá' 'na.

SAN JUAN 16:23

’Nu lo'o tyalaa tyempo bi', nga'aa si'i jna' jña ma̱ sca cha' ―nacui̱ Jesús―. Liñi tsa cha' nu ta na' lo'o ma̱, cha' lcaa cha' nu jña ma̱ ji'i̱ ycui' Ndyosi Sti na' chacuayá' 'na, ta Ni cha' bi' ji'i̱ ma̱ ―nacui̱―.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

SAN JUAN 8:37

Cua jlo ti' na' cha' tya'a ñati̱ ji'i̱ jyo'o Abraham laca cu'ma̱, pana cua nti' ma̱ cujuii ma̱ jna' cha' ná ntucuá ma̱ cha' nu nchcui' na' lo'o ma̱ ―nacui̱ Jesús―.

GÁLATAS 4:2

Ni jacua' tyalaa tsa̱ nu caja cha' nu nguxtyanu jyo'o sti nu sube bi' ji'i̱, xa' ñati̱ laca loo ji'i̱ nu sube bi', xa' ñati̱ laca nu ndyi'ya loo cña ji'i̱ nu sube bi'.

GÁLATAS 5:16

Ndi'ya̱ cha' ta na' lo'o ma̱: Ta ma̱ chacuayá' cha' caca Xtyi'i ycui' Ndyosi loo ne' cresiya ji'i̱ ma̱ ca su ndi'i̱ ma̱; li' nga'aa jña ti' tyiquee ma̱ cha' cua'ni ma̱ cua ña'a̱ ca cha' cuxi nu ndiya ti' ma̱, cha' laca ma̱ ñati̱ chalyuu.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

1 JUAN 2:14

Cu'ma̱ ngu' cusu', cua ngusñi ma̱ cha' ji'i̱ Jesucristo, la cui' Cristo nu cua lu'ú lo'o ycui' Ndyosi Sti yu tya clyo, bi' cha' nscua na' quityi re cha' ca̱a̱ ca slo ma̱. Cu'ma̱ ngu' cuañi', nguula ti ti' ma̱ ndi'i̱ ma̱, cha' cua ndyanu tso'o cha' ji'i̱ ycui' Ndyosi ne' cresiya ji'i̱ ma̱; cua ntiji̱loo ma̱ ji'i̱ nu xña'a̱, bi' cha' laca nscua na' quityi re cha' ca̱a̱ slo ma̱.

1 JUAN 2:27

Nu cu'ma̱ ni, cua ndyanu Xtyi'i ycui' Ndyosi ne' cresiya ji'i̱ ma̱, bi' cha' nga'aa nti' cha' culu'u xa' ñati̱ ji'i̱ ma̱; Xtyi'i ycui' Ndyosi ni, bi' laca nu culu'u ji'i̱ ma̱ lcaa cha' nu lyiji cha' ca tsa'a̱ ma̱ ji'i̱. Nu lo'o nclyu'u Xtyi'i ycui' Ndyosi ji'i̱ ma̱ ni, liñi tsa laca cha' bi'; si'i cha' cuiñi nda nu bi'. Bi' cha' lacua, ñi'ya̱ nu nclyu'u Xtyi'i ycui' Ni ji'i̱ ma̱, la cui' jua'a̱ nga'a̱ cha' xñi ma̱ cha' ji'i̱ Jesús.

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.

1 JUAN 5:14

Tyucui tyiquee na taca chcui' na lo'o ycui' Ndyosi lacua. Lo'o jña na sca cha' ji'i̱ ycui' Ndyosi nu stu'ba nti' lo'o sca cha' nu nti' ycui' Ni, li' taca jlo ti' na cha' taquiya' Ni ji'i̱ cha' nu chcui' na lo'o Ni.