SAN JUAN 15:1 - Chatino Tataltepec

¹ ’Na' laca̱ ñi'ya̱ laca sca su̱u̱ yaca nu nda si'yu tyixi, jua'a̱ laca na' ―nacui̱ Jesús ji'i̱ ngu'―. Lo'o ycui' Ndyosi Sti na' laca nu ca ji'i̱ yaca bi'.

SAN JUAN 15:1 Iomraidhean Croise

SAN MATEO 15:13

―Ycui' Ndyosi Sti na' nu ntucua nde cua̱, xcua̱a̱ Ni lcaa quixi̱' nu si'i na cuiñii nu ndyataa Ni, cha' ná tso'o quixi̱' bi' ―nacui̱ Jesús ji'i̱ ngu'―.

SAN MATEO 20:1

’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.

SAN MATEO 21:33

’Nde chcui' na' chaca cui̱i̱ lo'o ma̱: Ngua sca ngu' culiya', li' ndyataa yu quiña'a̱ tsa yaca si'yu losu' tyixi. Ngusu'ba yu culiya' bi' sca lo'o hichu̱' yaca bi' li', xcui' yaca ye'e ndya' lo'o bi'. Lo'o jua'a̱ ngüiñá yu sca pilya cha' tyatá si'yu losu' ndacua, cha' tyu'u hitya tyixi nu ntsu'u ji'i̱ si'yu bi'. Li' ngüiñá yu sca ni'i̱ su tyu̱ ngu' cua̱ ji'i̱ cña bi'. ’Li' nda nu xu'na yuu bi' yuu ngüijña xi xa' la ñati̱, cha' cua'ni ngu' cña ne' lo'o ji'i̱ yu, cha' ntsu'u sca cña tsaa yu tyijyu'.

SAN MARCOS 12:1

Lo'o li' nguxana Jesús nda yu sca cui̱i̱ lo'o nu ngu' tlyu nu ndu̱ cacua ti slo yu: ―Ntsu'u sca ñati̱, ndi'i̱ xi tyu̱u̱ tya'a yaca si'yu losu' tyixi ji'i̱ nu cua ndyataa yu. Ngüiñá yu sca lo'o chu̱' yaca bi'. Li' ngulu yu sca pilya tlyu ne' quee su tyatá si'yu, cha' tyu'u hitya tyixi ji'i̱ si'yu bi'. Lo'o jua'a̱ ngüiñá yu sca ni'i̱ su tyi'i̱ ngu' cua̱ ji'i̱ yaca si'yu bi'. ’Li' nda yu ne' lo'o su ndu̱ yaca bi' ngüijña xa' la ñati̱. Tsa cla'be ti si'yu nu tyu'u lo yaca bi' caja ji'i̱ ycui' li'. Li' ndu'u yu ndyaa yu xa' quichi̱ tyijyu' la.

SAN LUCAS 13:6

Li' ndacha' Jesús cha' re ji'i̱ ngu': ―Ndi'i̱ sca lo ñati̱ nu ntsu'u sca yaca quityi nu tso'o tsa ji'i̱, yaca nu nda si'yu tyacala'; ndu̱ yaca bi' laja su ndyataa yu yaca si'yu losu' tyixi. Tiya' la li' ndyaa na'a̱ yu ji'i̱ yaca quityi bi' si ntsu'u si'yu lo. Ni sca si'yu ná nga'a̱ lo, ná sca na ngujui ji'i̱ yu tsiya' ti.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.

SAN JUAN 1:9

Nu laca xee nu chañi ca, cua lijya̱ yu bi' lo yuu cha' ta xee nu caca tyu'ú ne' cresiya ji'i̱ cua ña'a̱ ca ñati̱.

SAN JUAN 15:2

Tso'o tsa ña'a̱si̱i̱ Sti na' ji'i̱ lcaa sta̱' yaca bi', lo'o na' laca̱ yaca bi'. Ca quiya' sta̱' yaca nsi'yu Ni ji'i̱, nu lo'o ná nda si'yu lo tsiya' ti. Nsubii Ni xi lo yaca nu nda si'yu tso'o, cha' tya quiña'a̱ la si'yu tyu'u lo bi';

SAN JUAN 6:32

Li' nchcui' Jesús lo'o ngu' chaca quiya': ―Liñi tsa cha' nu nchcui' na' lo'o ma̱ juani: Ycui' Ndyosi Sti na' laca nu ta cha' tso'o nu cacu ma̱, la cui' cha' bi' laca nu ndyu'u nde su ndi'i̱ ycui' Ni; si'i la cui' cha' ñi'ya̱ nu nda jyo'o Moisés ndyacu ngu' cua sa'ni ―nacui̱―.

SAN JUAN 6:55

Chañi cha' taca caja tyucui ña'a̱ ycui' na' ji'i̱ ma̱, ñi'ya̱ laca si caja cuaña' na' cha' cacu ma̱, ñi'ya̱ laca si caja tañi na' cha' co'o ma̱.

ROMANOS 11:17

Laca ngu' judío ñi'ya̱ si laca ngu' sca yaca cuiñii, sca yaca olivo ni. Na cua ngusi'yu ycui' Ndyosi ji'i̱ tyu̱u̱ tya'a sta̱' yaca bi', ngulotsu' Ni ji'i̱ sta̱' yaca bi' li'; pana juani la cui' ca su ngutucua sta̱' yaca bi' nquicha', ndacua ngusca̱' Ni tyu̱u̱ tya'a sta̱' yaca quixi̱', cha' xñi ca'a̱ sta̱ yaca quixi̱' bi' ji'i̱ yaca cuiñii bi'. Ñi'ya̱ laca sta̱' yaca quixi̱', jua'a̱ laca cu'ma̱ ngu' xa' tsu', cha' cua ngujui la cui' cha' tso'o ji'i̱ ma̱, ña'a̱ cha' tso'o nu ntsu'u ji'i̱ ngu' judío. Laca ma̱ ñi'ya̱ laca si sca ti su̱u̱ yaca laca ma̱ lo'o ngu' judío, si sca ti si'ye laca ma̱ lo'o ngu' bi'.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

1 JUAN 2:8

Pana si'i jua'a̱ ndyu'ni ñati̱, bi' cha' nacui̱ na cha' sca cña cucui laca bi'. Tsubi' ti nguxana Jesucristo ngulu'u yu ji'na ñi'ya̱ ntsu'u cha' tyu'u tso'o tyiquee na ña'a̱ na ji'i̱ xa' la tya'a ñati̱ na, ngua'ni Jesús cha' taca cua'ni na jua'a̱. Sca cha' cucui laca bi', cha' cua tye ti cha' talya ña'a̱ ne' cresiya ji'na; juani tyanu nu cha' tso'o ji'i̱ Jesucristo ne' cresiya ji'na, ñi'ya̱ nti' si ntyiji'i̱ sca xee nu ndubi tsa ña'a̱ su ndi'i̱ na.