SAN JUAN 14:16 - Chatino Tataltepec

¹⁶ Lo'o tya'a na', li' chcui' na' lo'o ycui' Ndyosi Sti na' cha' ta Ni chaca nu xtyucua ji'i̱ ma̱; bi' laca Xtyi'i ycui' Ndyosi nu laca su̱u̱ lcaa cha' liñi. Tyanu nu bi' lo'o ma̱ ña'a̱ cuayá' nu tye chalyuu ―nacui̱―.

SAN JUAN 14:16 Iomraidhean Croise

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN JUAN 14:14

Lcaa cha' nu jña ma̱ ji'i̱ Sti na' chacuayá' jna', cua'ni na' cha' bi' li'.

SAN JUAN 14:18

Ná xtyanu na' ji'i̱ ma̱ ycui' ti ma̱, ñi'ya̱ si laca ma̱ ñati̱ nu ná tucui ntsu'u ji'i̱ ma̱ ―nacui̱―, tya ca̱a̱ na' su ndi'i̱ ma̱ chaca quiya'.

SAN JUAN 14:26

Tiya' la li' caca cuayá' la ti' ma̱ lcaa cha', nu lo'o culu'u Xtyi'i ycui' Ndyosi cha' bi' ji'i̱ ma̱ ―nacui̱ Jesús―. Na cua ta ti ycui' Ndyosi Sti na' ji'i̱ Xtyi'i ycui' Ni cha' ca̱a̱ Ni chalyuu cha' xtyucua Ni ji'i̱ ma̱ lcaa hora chacuayá' jna'. Lo'o jua'a̱ cua'ni nu bi' cha' tyi'u ti' ma̱ lcaa cha' nu cua nchcui' na' lo'o ma̱.

SAN JUAN 15:26

’Cua'ni na' cha' ca̱a̱ nu laca Xtyi'i ycui' Ni lo yuu, Xtyi'i nu ndu'u slo ycui' Ndyosi ―nacui̱ Jesús―. Bi' laca nu culu'u ji'i̱ ma̱ lcaa cha' nu liñi ca, bi' laca nu xtyucua ji'i̱ ma̱ lcaa tyempo chacuayá' 'na. Nu lo'o ca̱a̱ nu bi' lo yuu, li' culu'u Ni lcaa cha' liñi nu ntsu'u 'na ji'i̱ ma̱ ―nacui̱ Jesús―.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

SAN JUAN 17:15

Bi' cha' chcui' na' lo'o nu'u̱ juani, Sti na' ―nacui̱ Jesús―, cha' nti' na' cha' ña'a̱si̱i̱ nu'u̱ ji'i̱ ngu' bi', cha' ná cua'ni lya' ti' nu xña'a̱ ji'i̱ ngu', masi si'i cha' ca̱a̱ ca̱qui'ya nu'u̱ ji'i̱ ngu' bi' chcui' na' lo'o nu'u̱.

SAN JUAN 17:20

’Si'i sca ti ji'i̱ ngu' nu cua ngusñi cha' 'na chcui' na' lo'o nu'u̱ ―nacui̱ Jesús ji'i̱ ycui' Ndyosi Sti yu―, lo'o chcui' na' cha' ji'i̱ lcaa ñati̱ nu xñi cha' jna' ca tiya' la, nu lo'o chcui' ngu' lo'o ñati̱ bi'; lo'o cha' ji'i̱ ñati̱ bi' chcui' na' lo'o nu'u̱ juani ―nacui̱―.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 7:39

Cua nti' Jesús chcui' lo'o ngu' cha' cua ta ti Ni Xtyi'i ycui' Ni cha' tyanu ne' cresiya ji'i̱ ñati̱ nu cua ngusñi cha' ji'i̱ ycui' Ni, bi' cha' nacui̱ yu jua'a̱. Bilya ta ycui' Ndyosi Xtyi'i ycui' Ni ca̱a̱ nde chalyuu, xqui'ya cha' bilya tyaa Jesús ca su tlyu su ntucua ycui' Ndyosi Sti yu.

LOS HECHOS 1:4

Bilya tyaa Jesús lo'o nchcui' yu lo'o ngu' bi', cha' tyanu ngu' quichi̱ Jerusalén. ―Jatya ma̱ ca quichi̱ re ―nacui̱ Jesús ji'i̱ ngu'―, ña'a̱ cuayá' nu ca̱a̱ Xtyi'i ycui' Ndyosi cha' tyanu Ni ne' cresiya ji'i̱ ma̱, ñi'ya̱ nchcui' Sti na' tya sa'ni la; jua'a̱ nda na' la cui' ti cha' lo'o ma̱ tsubi' ti.

LOS HECHOS 13:52

Lo'o nu ñati̱ ji'i̱ Jesucristo nu ndyanu quichi̱ Antioquía bi' ni, chaa ti' ndyanu ngu' quichi̱ tyi ngu' cha' cua ndyanu Xtyi'i ycui' Ndyosi ne' cresiya ji'i̱ ngu'.

LOS HECHOS 9:31

Li' ndyaa ti'i̱ ti̱ ñati̱ ji'i̱ Jesucristo, masi ca loyuu Judea, masi ca loyuu Galilea, masi ca loyuu Samaria; lcaa tsa̱ ndyaca tsa'a̱ la ngu' cha' ji'i̱ Jesucristo. Ndyu'ni tlyu ngu' ji'i̱ Jesús, lo'o jua'a̱ ndyu'ni ngu' lcaa cña nu nti' ycui' Ndyosi nu Xu'na na cha' cua'ni ngu'. Xtyi'i ycui' Ndyosi nda juersa ji'i̱ ngu' bi', lo'o jua'a̱ ndyatu̱ la ngu' nu ngusñi cha' ji'i̱ Jesús li'.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

ROMANOS 15:13

Bi' cha' juani nti' na' cha' cua'ni Ni cha' xñi tso'o la ma̱ cha' ji'i̱ ycui' Ni, cha' tso'o tsa caca tyiquee ma̱, cha' ti̱ ti taca tyi'i̱ tyiquee ma̱ li'. Nu lo'o tyanu Xtyi'i ycui' Ndyosi ne' cresiya ji'na, li' nga'aa caca taja ti' na lo'o ntajatya na ji'i̱ ycui' Ndyosi cha' ca̱a̱ Ni.

ROMANOS 5:5

Lo'o jua'a̱ si'i sca cha' nu nda ti ti' na laca cha' bi', sca cha' chañi laca bi'; cua'ni Ni ji'i̱. Cua ngua'ni Ni cha' ca tii cresiya ji'na, cha' ntsu'u tsa tyiquee ycui' Ndyosi ña'a̱ Ni ji'na; ngua'ni Ni jua'a̱ nu lo'o nda Ni Xtyi'i ycui' Ni ji'na.

ROMANOS 8:34

Ná ntsu'u nu caca xcube' ji'na li', cha' xqui'ya na cua ngujuii Jesús, xqui'ya na cua ndyu'ú yu chaca quiya'. Lo'o juani ntucua Cristo la'a tsu' cui̱ ca su ntucua ycui' Ndyosi, ndijña yu cha' clyu ti' ji'i̱ ycui' Ndyosi Sti yu cuentya ji'na.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

FILIPENSES 2:1

Ná tyiquee' cua nguula la ti' tyiquee ma̱ juani, xqui'ya cha' cua ngusñi ma̱ cha' ji'i̱ Cristo; cua tso'o la nti' ma̱ cha' ntsu'u tsa tyiquee Ni ña'a̱ Ni ji'i̱ ma̱. La cui' ti cha' xqui'ya nu Xtyi'i ycui' Ndyosi stu'ba ti ntsu'u cha' ji'i̱ ma̱ lo'o tya'a ma̱, jua'a̱ lo'o ycui' Ni, ña'a̱ cuayá' nu nchca tya'na ti' ma̱ ña'a̱ ma̱ ji'i̱ tya'a ma̱, ña'a̱ cuayá' nu tso'o ntsu'u tyiquee ma̱ ña'a̱ ma̱ ji'i̱ tya'a ma̱.

2 TESALONICENSES 2:16

Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.

HEBREOS 7:25

Lcaa ca tyempo, masi juani, masi nde loo la, taca ji'i̱ Ni cua'ni lyaá Ni ji'i̱ cua ña'a̱ ca ñati̱ nu xñi cha' ji'i̱ ycui' Ndyosi xqui'ya Jesús. Tyucui tyempo ndi'i̱ Jesús ca slo ycui' Ndyosi, cha' chcui' Ni lo'o ycui' Sti Ni cuentya ji'na.

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

1 JUAN 2:27

Nu cu'ma̱ ni, cua ndyanu Xtyi'i ycui' Ndyosi ne' cresiya ji'i̱ ma̱, bi' cha' nga'aa nti' cha' culu'u xa' ñati̱ ji'i̱ ma̱; Xtyi'i ycui' Ndyosi ni, bi' laca nu culu'u ji'i̱ ma̱ lcaa cha' nu lyiji cha' ca tsa'a̱ ma̱ ji'i̱. Nu lo'o nclyu'u Xtyi'i ycui' Ndyosi ji'i̱ ma̱ ni, liñi tsa laca cha' bi'; si'i cha' cuiñi nda nu bi'. Bi' cha' lacua, ñi'ya̱ nu nclyu'u Xtyi'i ycui' Ni ji'i̱ ma̱, la cui' jua'a̱ nga'a̱ cha' xñi ma̱ cha' ji'i̱ Jesús.

2 JUAN 1:2

Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.