SAN JUAN 14:11 - Chatino Tataltepec

¹¹ Xñi ma̱ cha' jna' lacua, cha' nu nacui̱ na' ji'i̱ ma̱ cha' stu'ba ntsu'u cha' 'na lo'o ycui' Ndyosi Sti na'. Si ná caca jlya ti' ma̱ 'na jua'a̱, li' tso'o masi xqui'ya cña tonu nu ndu'ni na', bi' cha' jlya ti' ma̱ jna' ―nacui̱ Jesús―.

SAN JUAN 14:11 Iomraidhean Croise

SAN JUAN 10:25

―Jua'a̱ ni na' tsaca quiya' ji'i̱ ma̱ ―nacui̱ Jesús ji'i̱ ngu' bi' li'―, lo'o ná jlya ti' ma̱ cha' nu nchcui' na' lo'o ma̱ tsiya' ti ―nacui̱―. Lo'o ña'a̱ ma̱ cha' ndu'ni na' cña tonu bi' chacuayá' ji'i̱ Sti na', ndyiji cha' liñi ji'i̱ ma̱ li';

SAN JUAN 10:32

Li' nchcui' yu lo'o ngu' bi': ―Cua quiña'a̱ tsa cña tso'o ngua'ni na' chacuayá' ji'i̱ Sti na' slo cu'ma̱, lo'o jua'a̱ cua na'a̱ ma̱ cña nu ngua'ni na'. ¿Ha xqui'ya sca cña tso'o nu ngua'ni na', bi' cha' nti' ma̱ cuta ma̱ quee 'na?

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 14:10

¿Ha ná jlya ti' ma̱ cha' stu'ba ntsu'u cha' 'na lo'o ycui' Ndyosi Sti' na'? Lo'o jua'a̱ lcaa hora ndi'i̱ ycui' Ndyosi Sti na' lo'o na' ―nacui̱―. Si'i cha' nu ngulo hique ti na' nu nchcui' na' lo'o ma̱; stu'ba ntsu'u cha' ji'i̱ Sti na' lo'o na', lo'o ycui' Ni laca nu nclyo cña 'na, ñi'ya̱ nu cua'ni na'.

SAN JUAN 14:20

Lo'o jua'a̱ caca cuayá' ti' ma̱ cha' stu'ba ntsu'u cha' jna' lo'o Sti na', cha' ntsu'u cha' ji'i̱ ma̱ lo'o na' ―nacui̱ Jesús―, lo'o jua'a̱ ntsu'u cha' jna' lo'o cu'ma̱.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.