SAN JUAN 14:1 - Chatino Tataltepec

¹ ’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

SAN JUAN 14:1 Iomraidhean Croise

SAN JUAN 11:33

Xñi'i̱ tsa ñaa xtyi'i Jesús li', ndube tsa ti' yu cha' ndyunaa María, lo'o jua'a̱ ngusi'ya tsa ngu' judío tya'a ndya'a̱ María.

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

SAN JUAN 12:44

Li' cui̱i̱ tsa nchcui' Jesús lo'o ngu': ―Nu lo'o ngusñi ñati̱ cha' jna' ni, si'i ji'i̱ sca ti na' jlya ti' ngu' bi' li'; lo'o ji'i̱ ycui' Ndyosi nu nda 'na lijya̱a̱ nde chalyuu xñi ngu' cha' li' ―nacui̱―.

SAN JUAN 13:19

Na nda ti na' sca cha' lo'o ma̱ juani, nu lo'o tya lyiji caca cha' bi'; lo'o cua ngua jua'a̱, li' caca jlya ti' ma̱ jna', cha' chañi cha' laca na' nu sca ti Sñi' ycui' Ndyosi nu lijya̱ chalyuu, ñi'ya̱ nu ni na' ji'i̱ ma̱.

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 16:3

Jua'a̱ cua'ni ngu' bi', cha' ná nslo ngu' ji'i̱ ycui' Ndyosi Sti na'; la cui' jua'a̱ ná nslo ngu' jna' ―nacui̱ Jesús―.

SAN JUAN 16:6

Xñi'i̱ tsa ti' ma̱ xqui'ya cha' nu nda na' lo'o ma̱ tsa̱.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

2 CORINTIOS 2:7

Bi' cha' juani cui'ya cu'ma̱ cha' clyu ti' ji'i̱ yu bi', xaala' ma̱ cresiya ji'i̱ ma̱ lo'o yu, cha' ná chcuna' chalyuu ji'i̱ yu bi' xqui'ya cha' xñi'i̱ tsa ti' yu.

EFESIOS 1:15

Cua ndyuna na' ñi'ya̱ nu ndyu'ni ma̱ tya lo'o ngusñi tso'o ma̱ cha' ji'i̱ Jesús nu Xu'na na; nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ndyosi.

2 TESALONICENSES 2:2

cha' ná tya'a̱chu̱' ma̱ ji'i̱ cha' tso'o bi'. Ná cutsi̱i̱ ma̱ si nti' ngu' xcutsi̱i̱ ngu' ji'i̱ ma̱: masi chcui' ngu' cuentya ji'i̱ Xtyi'i ycui' Ndyosi, nacui̱ ngu'; masi culu'u ngu' cha' liñi ji'i̱ ma̱, nacui̱ ngu'; masi chcui' ngu' lo quityi nu nda ya lijya̱ slo ma̱, nacui̱ ngu'. Cha' cuiñi laca si ñacui̱ ngu' cha' nde tsa̱ laca nu ca̱a̱ ycui' nu Xu'na na, cha' ná jlo ti' ngu' tsiya' ti.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.