SAN JUAN 13:21 - Chatino Tataltepec

²¹ Lo'o nchcui' Jesús jua'a̱, ti'í tsa nti' cresiya ji'i̱ yu nda yu cha' lo'o ngu' bi': ―Liñi tsa cha' nu ta na' lo'o ma̱ juani, cha' ntsu'u sca ngu' tya'a ma̱ nu cujui' cresiya 'na ji'i̱ ngu' cuxi ―nacui̱ Jesús li'.

SAN JUAN 13:21 Iomraidhean Croise

SAN MATEO 26:21

Laja li' nguxana nchcui' Jesús lo'o ngu' bi': ―Chañi cha' nchcui' na' lo'o ma̱ juani, cha' ntsu'u tsaca cu'ma̱ nde nu cujui' cresiya 'na ji'i̱ ngu' xña'a̱.

SAN MATEO 26:38

Li' nchcui' Jesús lo'o nu sna tya'a ngu' bi': ―Ne' cresiya 'na ntsu'u sca cha' nu xñi'i̱ ti' na'. Nga'aa talo na' cha' xñi'i̱ tsa ti' na'. Tyanu cu'ma̱ nde ti, pana tii ti ti' ma̱ tyi'i̱ ma̱ lo'o na'.

SAN MARCOS 14:18

Laja lo'o nga'a̱ ngu' ndyacu ngu', li' nchcui' Jesús lo'o ngu': ―Chañi cha' nu nchcui' na' lo'o ma̱ ―nacui̱ Jesús―; ntsu'u tsaca cu'ma̱ nu stu'ba ti ndyacu lo'o na juani, nu cua cujui' ti cresiya 'na ji'i̱ ngu' xña'a̱.

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN JUAN 11:33

Xñi'i̱ tsa ñaa xtyi'i Jesús li', ndube tsa ti' yu cha' ndyunaa María, lo'o jua'a̱ ngusi'ya tsa ngu' judío tya'a ndya'a̱ María.

SAN JUAN 11:35

Lo'o Jesús ngusi'ya li'.

SAN JUAN 11:38

Ca chaca quiya' xñi'i̱ tsa ñaa xtyi'i Jesús, lo'o li' ndyaa yu ca to' cuaá. Sca tyuquee laca, lo'o ndu̱ sca quee tlyu ndyacu̱' tu'ba tyuquee bi'.

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 13:22

Ndube tsa ti' ngu' nu ndyaca tsa'a̱ ji'i̱, nguxña'a̱ ngu' ji'i̱ tya'a ngu' li'; ná nda ngu' cuentya tsiya' ti ti ji'i̱ cha' nu nchcui' yu.

LOS HECHOS 17:16

Ntajatya Pablo ji'i̱ Silas lo'o Timoteo ña'a̱ cuayá' nu tyalaa ngu' ca quichi̱ Atenas. Xñi'i̱ tsa ti' Pablo lo'o na'a̱ yu cha' quiña'a̱ tsa jo'ó ntsu'u quichi̱ bi';

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.