SAN JUAN 13:18 - Chatino Tataltepec

¹⁸ ’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 13:18 Iomraidhean Croise

SAN MATEO 10:36

Xu̱u̱ tya'a ngu' jua'a̱ ña'a̱ cuayá' caca lcaa tya'a ngu' tya'a cusu̱u̱ ngu'.

SAN MATEO 26:21

Laja li' nguxana nchcui' Jesús lo'o ngu' bi': ―Chañi cha' nchcui' na' lo'o ma̱ juani, cha' ntsu'u tsaca cu'ma̱ nde nu cujui' cresiya 'na ji'i̱ ngu' xña'a̱.

SAN MATEO 26:23

Nguxacui̱ Jesús cha' ji'i̱ ngu' li': ―Ntsu'u tsaca yu tya'a ndyacu na si̱i̱ juani, nu sca ti ca'ña ndyacu yu lo'o na', bi' laca nu cujui' cresiya 'na ji'i̱ nu ngu' xña'a̱ bi'.

SAN MARCOS 14:17

Lo'o cua ngusi̱i̱, li' lijya̱ Jesús lo'o nu tii tyucuaa tya'a ngu' nu ndyaca tsa'a̱ ji'i̱.

SAN MARCOS 14:18

Laja lo'o nga'a̱ ngu' ndyacu ngu', li' nchcui' Jesús lo'o ngu': ―Chañi cha' nu nchcui' na' lo'o ma̱ ―nacui̱ Jesús―; ntsu'u tsaca cu'ma̱ nu stu'ba ti ndyacu lo'o na juani, nu cua cujui' ti cresiya 'na ji'i̱ ngu' xña'a̱.

SAN MARCOS 14:20

―Sca yu tya'a nu tii tyucuaa tya'a ma̱, bi' laca nu cujui' cresiya 'na ji'i̱ ngu' xña'a̱ ―nacui̱ Jesús ji'i̱ ngu'―. Sca yu tya'a ma̱ nu stu'ba ti ndyacu lo'o na ne' sca ti ca'ña scuaa re ―nacui̱―.

SAN LUCAS 22:21

’Pana nga'a̱ yu juani la cui' yu nu cujui' cresiya 'na ji'i̱ ngu' cuxi; stu'ba ti nga'a̱ yu bi' to' mesa re lo'o na' ―nacui̱ Jesús li'―.

SAN JUAN 13:21

Lo'o nchcui' Jesús jua'a̱, ti'í tsa nti' cresiya ji'i̱ yu nda yu cha' lo'o ngu' bi': ―Liñi tsa cha' nu ta na' lo'o ma̱ juani, cha' ntsu'u sca ngu' tya'a ma̱ nu cujui' cresiya 'na ji'i̱ ngu' cuxi ―nacui̱ Jesús li'.

SAN JUAN 13:22

Ndube tsa ti' ngu' nu ndyaca tsa'a̱ ji'i̱, nguxña'a̱ ngu' ji'i̱ tya'a ngu' li'; ná nda ngu' cuentya tsiya' ti ti ji'i̱ cha' nu nchcui' yu.

SAN JUAN 13:26

―Ndi'ya̱ cua'ni na' ―nacui̱ Jesús ji'i̱ li'―. Ta'a̱ na' sa yu'be tyaja 'na ne' ca'ña scuaa re. Ñati̱ nu ta na' yu'be tyaja bi' ji'i̱ cha' cacu, nu bi' laca nu ni na' ji'i̱ ma̱. Li' nda'a̱ Jesús sa yu'be tyaja ne' ca'ña, nda ji'i̱ Judas, sñi' Simón Iscariote.

SAN JUAN 15:16

Si'i cu'ma̱ nu ngusubi ma̱ 'na cha' tya'a̱ ma̱ lo'o na' ―nacui̱ Jesús―, na' laca̱ nu cua nchcui' na' lo'o ma̱ clyo. Tya li' ngulo na' cña ji'i̱ ma̱ cha' xcui' cha' tso'o tyu'u ne' cresiya ji'i̱ ma̱, cha' jua'a̱ talo cña tso'o nu ndu'ni ma̱; li' cua'ni Sti na' lcaa cha' nu jña ma̱ ji'i̱ Ni chacuayá' 'na.

SAN JUAN 15:19

Si cua'ni ma̱ ñi'ya̱ nu ndu'ni ñati̱ cuxi nde chalyuu, li' chcui' tso'o ngu' lo'o ma̱, ñi'ya̱ si laca ma̱ tya'a ngu'. Pana juani nga'aa ntsu'u cha' ji'i̱ ma̱ lo'o cha' cuxi nu ntsu'u nde chalyuu, cha' cua ngusubi na' ji'i̱ ma̱ cha' caca ma̱ ñati̱ 'na; bi' cha' liye' tsa ti' ngu' ña'a̱ ngu' ji'i̱ ma̱ ―nacui̱―.

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN JUAN 18:32

Lo'o ngua'ni ngu' jua'a̱, li' ngutu'u tucua cha' nu cua nchcui' Jesús lo'o ngu', ñi'ya̱ ña'a̱ cajaa ycui' ca.

SAN JUAN 19:24

Bi' cha' nacui̱ ngu' ji'i̱ tya'a ngu': ―Ná cusaa' na late' re. Quijya na lo'o tya'a na cha' quije cha' ji'na tilaca nu ca ji'i̱ late' re. Lo'o jua'a̱ ngua cuayá' ti' na cha' chañi cha' nu nscua lo quityi cusu cua' sa'ni, nu nchcui' ndi'ya̱: “Cua ngusa'be ngu' ste' na' lo'o tya'a ngu', cua ngüijya ngu' lo'o tya'a ngu' cha' quije cha' ji'i̱ ngu' tilaca nu ca ji'i̱ late' bi'”. Jua'a̱ nacui̱ lo quityi bi', lo'o la cui' jua'a̱ ngua'ni ngu' sendaru bi' li'.

SAN JUAN 19:36

Cua ngua jua'a̱, ñi'ya̱ nu nscua cha' lo quityi ji'i̱ ycui' Ndyosi ndi'ya̱: “Ná catsa ni tsaca tyijya̱ yu”.

SAN JUAN 21:17

Cua ngua sna quiya' nu nchcuane Jesús ji'i̱: ―¿Ha chañi hi̱ cha' ntsu'u tyiquee nu'u̱ ña'a̱ 'na? Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱: ―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱. ―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―.

SAN JUAN 6:70

Li' nacui̱ Jesús: ―Jua'a̱ na', cua ngusubi na' ji'i̱ ca ta'a tii tyucuaa tya'a ma̱, masi cuiñaja caca tsaca ma̱.

LOS HECHOS 1:16

―Cu'ma̱ tya'a ndi'i̱ na re ―nacui̱ Pedro ji'i̱ ngu' bi'―, nu ngua sa'ni nguxtyucua Xtyi'i ycui' Ndyosi ji'i̱ jyo'o cusu' David lo'o nguscua jyo'o bi' lo quityi ñi'ya̱ caca cña nu cua'ni jyo'o Judas nde loo la. Ycui' Judas ngulu'u tyucui̱i̱ ji'i̱ ngu' xña'a̱ lo'o ngusñi ngu' ji'i̱ Jesús preso; pana ñi'ya̱ nu ndyanu cha' caca ji'i̱ yu, jua'a̱ ngua cha' bi'.

LOS HECHOS 1:2

lcaa cha' nu ngua'ni yu lo'o nguti'i̱ yu nde chalyuu. Bilya tyaa Jesús ca slo ycui' Ndyosi lo'o ngusubi yu ji'i̱ nu tii tyucuaa tya'a ngu' nu tsaa chcui' cha' ji'i̱ ycui' yu nde chalyuu. Nguxtyucua Xtyi'i ycui' Ndyosi ji'i̱ Jesús lo'o ngulo yu cña ji'i̱ nu tii tyucuaa tya'a ngu' bi', ñi'ya̱ ntsu'u cña nu cua'ni ngu' bi'.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.