SAN JUAN 13:15 - Chatino Tataltepec

¹⁵ Ngua ti' na' cha' ña'a̱ ma̱ ñi'ya̱ nu ngua'ni na', cha' ñi'ya̱ ngua'ni na' lo'o nguxtyucua na' ji'i̱ ma̱, jua'a̱ ntsu'u cha' cua'ni ma̱ cha' xtyucua ma̱ ji'i̱ tya'a ma̱ ―nacui̱ Jesús ji'i̱ ngu' nu ndyaca tsa'a̱ ji'i̱―.

SAN JUAN 13:15 Iomraidhean Croise

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

ROMANOS 15:5

Lo'o jua'a̱ cua nti' ya cha' xtyucua Ni ji'i̱ cu'ma̱, la cui' nu sca ti ycui' Ndyosi nu nxtyucua ji'i̱ lcaa na cha' talo tyiquee na, nu ndu'ni cha' ca tlyu tyiquee na. Xtyucua Ni ji'i̱ cu'ma̱, cha' jua'a̱ talo tyiquee ma̱ ji'i̱ tya'a ntsu'u cha' ji'i̱ ma̱ lo'o Ni, cha' caca stu'ba tyiquee ma̱ lo'o tya'a ma̱ xqui'ya Jesucristo.

EFESIOS 5:2

Tso'o ti tyu'u tyiquee ma̱ ña'a̱ ma̱ ji'i̱ ñati̱, cha' la cui' jua'a̱ ntsu'u tsa tyiquee Cristo ña'a̱ Ni ji'na. Nu lo'o ñaa Jesús chalyuu ni, cua ntaja'a̱ Jesús nda yu tyucui ña'a̱ ycui' ca yu cha' caca sca msta̱ ji'i̱ ycui' Ndyosi cuentya ji'na. Tso'o tsa ngua ti' ycui' Ndyosi li'.

1 PEDRO 2:21

Tya lo'o ngusubi Ni ji'i̱ ma̱, tya li' jlo ti' Ni cha' jua'a̱ xcube' ngu' ji'i̱ ma̱, cha' la cui' jua'a̱ nguxcube' ngu' ji'i̱ ycui' Cristo tya clyo la cuentya ji'i̱ cu'ma̱. Jua'a̱ ngua cha' ngulu'u Cristo ji'i̱ ma̱ ñi'ya̱ caca talo tyiquee ma̱ lo'o xcube' ngu' ji'i̱ ma̱.

1 PEDRO 5:3

Ná laca ma̱ xu'na ngu' tya'a ma̱, bi' cha' tso'o ti cua'ni ma̱ slo ngu', cha' taca ca cuayá' ti' xa' la ngu' tya'a ma̱ ñi'ya̱ nu ntsu'u cha' cua'ni ngu'.

1 JUAN 2:6

Ñati̱ nu nchcui' lo'o xa' la ngu' cha' ñati̱ ji'i̱ Jesucristo laca ycui', ntsu'u cha' cua'ni ñati̱ bi' cña, cua ña'a̱ ca cña nu ngua'ni ycui' Jesucristo.