SAN JUAN 13:1 - Chatino Tataltepec

¹ Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 13:1 Iomraidhean Croise

SAN MATEO 26:45

Lo'o li' nguxtyu̱u̱ yu ñaa yu slo ngu' nu ndyaca tsa'a̱ ji'i̱. ―¿Ha tya laja' ma̱? ―nacui̱ Jesús ji'i̱ nu ngu' bi' li'―. ¿Ha bilya tyaala' xcalá ma̱? Que ti' ma̱ juani, cha' cua ndyalaa hora nu xñi ngu' cuxi 'na, na' nu cua nda Ni 'na lijya̱a̱ cha' caca na' ñati̱;

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

SAN LUCAS 9:51

Nu lo'o cua tyalaa ti tyempo cha' tyaa Jesús nde cua̱, li' ngüiñi ti' yu cha' tyaa yu nde Jerusalén.

SAN JUAN 11:55

Cua ngulala tsa ta'a pascua, bi' laca sca ta'a ji'i̱ ngu' judío. Quiña'a̱ ngu' ngutu'u ngu' quichi̱ tyi ngu', masi quichi̱ ne' quixi̱', ndyalaa ngu' quichi̱ Jerusalén li'. Yala ti ngua'ni lubii ngu' tyucui ña'a̱ ngu' cuentya ji'i̱ ycui' Ndyosi, nu lo'o tya lyiji ti caca ta'a.

SAN JUAN 12:23

Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN JUAN 13:29

La cui' Judas laca nu laca loo ji'i̱ cujui̱ cñi nu tsa tlyu ntsu'u cñi ji'i̱ lcaa ngu' bi'; bi' cha' ntsu'u ngu' nu ngua ti' cha' cua ngulo Jesús cña ji'i̱ cha' tsaa cui'ya sca na nu cua'nijo'o ji'i̱ ngu' cha' caca ta'a; jua'a̱ ngua ti' xa' la ngu' cha' ntsu'u cña ji'i̱ Judas cha' tsaa ta msta̱ ji'i̱ ngu' ti'i.

SAN JUAN 13:3

Jlo ti' Jesús cha' lcaa cha' nu ntsu'u ji'i̱ ycui' Ndyosi Sti yu cua nda Ni ji'i̱ yu. Lo'o jua'a̱ jlo ti' yu cha' cua ngutu'u yu ca slo ycui' Ndyosi ya̱a̱ yu chalyuu, cha' cua tyaa ti yu ca slo ycui' Ndyosi chaca quiya'. Masi jlo ti' Jesús cha' bi',

SAN JUAN 13:34

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

SAN JUAN 14:28

Cua ndyuna ma̱ lo'o nchcui' na' ndi'ya̱: “Tya'a na', pana ca tiya' la li' ca̱a̱ na' su ndi'i̱ ma̱ chaca quiya'”. Bi' cha' taca ca chaa ti' ma̱ lo'o cuna ma̱ cha' cua tya'a ti na' slo ycui' Ndyosi Sti na', si chañi cha' ntsu'u tyiquee ma̱ ña'a̱ ma̱ jna'. Cua tlyu la cha' nu ntsu'u ji'i̱ ycui' Ndyosi Sti na', sube la cha' jna' ―nacui̱ Jesús―.

SAN JUAN 14:31

Pana nga'a̱ cha' caca cuayá' ti' ngu' cha' ntsu'u tsa tyiquee na' ña'a̱ na' ji'i̱ ycui' Ndyosi Sti na', bi' cha' ndu'ni na' lcaa cña nu nclyo ycui' Ni 'na ―nacui̱ Jesús―. Pana juani tyatu̱ clya ma̱, ya'a clya ma̱ lo'o na'.

SAN JUAN 16:28

Nde su ndi'i̱ Sti na' ngutu'u na' lijya̱ na' nde chalyuu; lo'o juani cua tyu'u ti na' chalyuu, tsa'a na' ca slo Sti na' chaca quiya'.

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

SAN JUAN 17:16

Jua'a̱ na' lo'o ngu' bi', ná ntsu'u cha' ji'i̱ ya lo'o nu cuxi nu ntsu'u nde chalyuu ―nacui̱―.

SAN JUAN 17:26

Cua ngulu'u na' ji'i̱ ngu' bi' lcaa cha' nu nda nu'u̱ jna', lo'o jua'a̱ tya cua'ni la na' cha' ca cuayá' tso'o ti' ngu' bi' tilaca laca nu'u̱. Bi' cha' taca caca tso'o tyiquee ngu' ña'a̱ ngu' ji'i̱ tya'a ñati̱ ngu', ñi'ya̱ ntsu'u tsa tyiquee nu'u̱ ña'a̱ nu'u̱ 'na, lo'o li' tyanu Xtyi'i ycui' na' ne' cresiya ji'i̱ ngu'.

SAN JUAN 17:5

Sti na' laca nu'u̱, bi' cha' cua'ni nu'u̱ cha' caca tlyu la na', ñi'ya̱ ngua nu lo'o nguti'i̱ na' lo'o nu'u̱ tya clyo lo'o tya lyiji xana chalyuu. Cua'ni nu'u̱ cha' caca tlyu na', la cui' ñi'ya̱ laca tlyu nu'u̱ ca su ntucua nu'u̱.

SAN JUAN 18:4

Jlo ti' Jesús lcaa cha' nu nga'a̱ cha' cua'ni ngu' lo'o yu, bi' cha' ndyaa yu ndyacua tya'a yu lo'o ngu' xña'a̱ bi' tyucui̱i̱ su lijya̱ ngu'. Li' nchcuane Jesús ji'i̱ ngu': ―¿Ti ji'i̱ lijya̱ ma̱ yaana ma̱? ―nacui̱ yu ji'i̱ ngu' bi'.

SAN JUAN 19:28

Jua'a̱ ngua lo'o cua ngua tii Jesús cha' cua ngua lcaa cha' nu ntsu'u cha' caca ji'i̱ ycui' yu, li' nacui̱ yu ñi'ya̱ nu nacui̱ sca cha' nu nscua lo quityi cusu': ―Nguityi tsa na' hitya ―nacui̱ yu.

SAN JUAN 2:13

Cua ngulala ti ta'a pascua ji'i̱ ngu' judío bi', lo'o li' ndyaa Jesús ta'a nde Jerusalén.

SAN JUAN 6:4

Cua ngulala ti ta'a pascua ngua bi' li', ta'a tlyu ji'i̱ ngu' judío.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 7:6

Li' nacui̱ Jesús: ―Tya lyiji tyalaa la cui' tyempo nu tya'a na' ca bi'. Cua ña'a̱ ca tsa̱ tso'o cha' tsaa cu'ma̱ ―nacui̱ Jesús―,

SAN JUAN 8:20

Nacui̱ Jesús jua'a̱ lo'o ngulu'u yu ji'i̱ ngu' ne' laa tonu, ntucua yu cacua ti su ndu̱ cñá' su cujui'i̱ ngu' cñi nu caca msta̱ ji'i̱ ngu' ne' laa. Lo'o ná tucui ngua'ni cha' tejeya' ji'i̱ Jesús, cha' tsaa lo'o ji'i̱ yu ni'i̱ chcua̱, cha' tya lyiji tyalaa tyempo ji'i̱ yu cha' xcube' ngu' xña'a̱ ji'i̱ yu.

ROMANOS 8:37

Masi jua'a̱, lye tsa ntyiji̱loo na ji'i̱ nu cuxi bi'; nga'aa nchca ji'i̱ nu cuxi bi' culo cña ji'na tsiya' ti xqui'ya Jesús, cha' ntsu'u tsa tyiquee Ni ña'a̱ Ni ji'na.

1 CORINTIOS 1:8

Ycui' Jesús laca nu cua'ni cha' tyanu tachaa cha' ne' cresiya ji'i̱ ma̱ ña'a̱ cuayá' nu tye chalyuu ji'i̱ ma̱. Lo'o li' ná ntsu'u qui'ya nu sta ycui' Ndyosi hichu̱' ma̱ lo'o ca̱a̱ Jesucristo nu Xu'na na cha' cua'ni cuayá' Ni ji'i̱ ñati̱ chalyuu.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

HEBREOS 3:6

Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.

HEBREOS 6:11

Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱.

1 PEDRO 1:13

Bi' cha' culacua xi ti' ma̱, tii ti' ma̱ tyi'i̱ ma̱ chalyuu, cha' lcaa tsa̱ jatya ma̱ ji'i̱ cha' tso'o nu cua tlyu xi, nu cua'ni Ni lo'o ma̱ lo'o cua'ni lyaá lyiji Ni ji'i̱ ma̱; jua'a̱ caca nu lo'o tyu'u tucua Jesucristo chaca quiya'.

1 JUAN 4:19

Ntsu'u tyiquee na ña'a̱ na ji'i̱ ycui' Ni, xqui'ya cha' tya clyo ntsu'u tsa tyiquee Ni ña'a̱ Ni ji'na.

APOCALIPSIS 1:5

Tso'o tsa nchcui' liñi Jesucristo ji'i̱ ycui' Ndyosi Sti yu ña'a̱ cuayá' ndyujuii ngu' ji'i̱ yu. Pana lo'o ndyu'ú Jesús chaca quiya' lo'o ngujuii yu, li' na'a̱ ngu' cha' tlyu tsa cha' nu ntsu'u ji'i̱ yu. Lo'o juani laca Jesucristo loo ji'i̱ tyucui ña'a̱ chalyuu, xqui'ya cha' laca yu loo ji'i̱ lcaa nu laca xu'na chalyuu. Ntsu'u tsa tyiquee Jesús ña'a̱ yu ji'na, bi' cha' ngujuii yu lo crusi; cua ndyalú tañi yu, cha' ngua'ni lyaá yu ji'na ji'i̱ nu cuxi nu ntsu'u ji'na.