SAN JUAN 12:42 - Chatino Tataltepec

⁴² Lo'o jua'a̱ ngua, ndi'i̱ xi ngu' nu laca cña nu jlya ti' ji'i̱ Jesús; pana ntsi̱i̱ ngu' bi' ji'i̱ ngu' fariseo, bi' cha' ná ntaja'a̱ ngu' chcui' ngu' cha' ji'i̱ Jesús ca slo ñati̱. Ntsi̱i̱ ngu' si cua'a ngu' fariseo ji'i̱ ngu' cha' nga'aa ca tsaa ngu' ne' laa ji'i̱ tya'a ngu' judío.

SAN JUAN 12:42 Iomraidhean Croise

SAN MATEO 10:32

’Lo'o chaca cha' ni: lcaa ñati̱ nu ntsu'u cha' ji'i̱ lo'o na', nu nchcui' cha' jna' lo'o xa' ñati̱, jua'a̱ na', chcui' na' lo'o Sti na' nu ntucua nde cua̱ cha' tya'a tso'o na' laca ñati̱ bi'.

SAN LUCAS 12:8

’Ndi'ya̱ nchcui' na' lo'o ma̱ juani: lo'o ná ca tyuju'u ti' ma̱ chcui' ma̱ slo xa' ñati̱ chalyuu cha' laca ma̱ ñati̱ 'na, la cui' jua'a̱ na' nu lijya̱a̱ cha' caca na' ñati̱, ná ca tyuju'u ti' na' chcui' na' cha' laca ma̱ ñati̱ 'na; chcui' na' jua'a̱ ca su tyi'i̱ na' lo'o xca̱ ji'i̱ ycui' Ndyosi nde cua̱.

SAN LUCAS 23:13

Li' nguxuti'i̱ Pilato ji'i̱ lcaa sti jo'ó nu laca loo, lo'o ji'i̱ lcaa ngu' tisiya, lo'o ji'i̱ lcaa ñati̱.

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

SAN JUAN 11:45

Lo'o li' quiña'a̱ tya'a ngu' judío bi' jlya ti' ngu' ji'i̱ Jesús, ñati̱ nu ndi'i̱ nxtyucua ji'i̱ María tsa̱ la, cha' cua na'a̱ ngu' cha' tlyu nu ngua'ni ca ti Jesús cuentya ji'i̱ ycui' Ndyosi.

SAN JUAN 12:11

cha' xqui'ya nu Lázaro bi', bi' cha' nguxtyanu quiña'a̱ tya'a ngu' judío ji'i̱ sti jo'ó, cha' ngusñi ngu' cha' ji'i̱ Jesús.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN JUAN 19:38

Nde ngusi̱i̱ la ndyaa tsaca yu nu naa José Arimatea slo nu Pilato bi'. La cui' ñati̱ nu ngua tsa'a̱ ji'i̱ Jesús laca bi', masi cuaana ti ndyaca tsa'a̱ nu José bi'. Ntsi̱i̱ yu si ca cuayá' ti' ngu' judío tya'a quichi̱ tyi yu cha' ndyaca tsa'a̱ yu ji'i̱ Jesús. Ndyaa yu ngüijña yu chacuayá' ji'i̱ Pilato cha' tsaa lo'o yu ji'i̱ jyo'o Jesús cha' tyatsi', lo'o li' nda Pilato chacuayá' tyaa lo'o yu ji'i̱. Li' ndyaa José ca su ndu̱ crusi, ndyaa ndyiqui'ya ji'i̱ jyo'o Jesús, cha' tsaa lo'o yu ji'i̱ ca to' cuaá.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 7:13

Pana ntsi̱i̱ ngu' si cuna ngu' judío cha' nu nchcui' ngu', bi' cha' cuaana ti nchcui' ngu' lo'o tya'a ngu'.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 9:22

Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

SAN JUAN 9:34

―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

ROMANOS 10:10

cha' nde ne' cresiya ji'na ntsu'u cha' ji'i̱ Jesús nu cua ngusñi na, lo'o la cui' jua'a̱ nde tu'ba na ntsu'u cha' ji'i̱ Jesús nu nchcui' na lo'o ñati̱; li' taca ca tso'o cresiya ji'na cuentya ji'i̱ ycui' Ndyosi, lo'o jua'a̱ cua'ni lyaá Ni ji'na ji'i̱ lcaa cha' cuxi nu ntsu'u chalyuu.

1 JUAN 4:15

Ñati̱ nu tyaja'a̱ cacha' ji'i̱ tya'a ñati̱ cha' nu sca ti Sñi' ycui' Ndyosi laca Jesucristo, stu'ba ntsu'u tyiquee ycui' Ni lo'o ngu' bi' li'; jua'a̱ stu'ba ntsu'u tyiquee ngu' bi' lo'o ycui' Ni.

1 JUAN 4:2

Ndi'ya̱ ca cuayá' ti' na ñi'ya̱ laca ñati̱ nu cua ndyanu Xtyi'i ycui' Ndyosi ne' cresiya ji'i̱: lcaa ñati̱ nu nchcui' cha' chañi cha' nu sca ti Sñi' ycui' Ndyosi laca Jesucristo lo'o ngula yu chalyuu cha' ngua yu ñati̱, lcaa ñati̱ bi' cua ntsu'u Xtyi'i ycui' Ndyosi ne' cresiya ji'i̱ ngu';