SAN JUAN 12:39 - Chatino Tataltepec

³⁹ Bi' cha' ná ngua ji'i̱ ngu' judío bi' xñi ngu' cha' ji'i̱ Jesús. Lo'o jua'a̱ ntsu'u chaca cha' nu nguscua jyo'o Isaías bi':

SAN JUAN 12:39 Iomraidhean Croise

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 12:38

Jua'a̱ ngua cha' caca lcaa cha' nu nguscua jyo'o Isaías lo quityi ji'i̱ ycui' Ndyosi cua sa'ni la: Ndyosi Xu'na na', nacui̱ lo quityi bi' ji'i̱, ná ntaja'a̱ ngu' re xñi ngu' cha' jinu'u̱, cha' nu nda ya lo'o ngu'. Ná ngua cuayá' ti' ngu' tsiya' ti si nu'u̱ ndu'ni cha' tlyu slo ngu'. Jua'a̱ laca cha' nu nscua lo quityi bi'.

SAN JUAN 12:40

Cua ndacu̱' ycui' Ndyosi hique ngu' bi', ngua'ni Ni cha' cu'u̱ ti hique ngu' bi'. Jua'a̱ ngua cha' ná ña'a̱ ngu' ni cha' laca bi', cha' ná caca cuayá' ti' ngu' cha' bi'. Lo'o jua'a̱ ná ntaja'a̱ ngu' culochu̱' ngu' ji'i̱ cha' cuxi nu ntsu'u tyiquee ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi' li', nacui̱ ycui' Ni.

SAN JUAN 5:44

Bi' cha' ná caja ñi'ya̱ caca xñi ma̱ cha' ji'i̱ ycui' Ndyosi ―nacui̱ Jesús―. Ndulo cha' ji'i̱ ma̱ cha' tso'o ti chcui' ñati̱ ji'i̱ ma̱, pana ná ndulo cha' ji'i̱ ma̱ cha' tso'o ti cua'ni ycui' Ndyosi lo'o ma̱.

SAN JUAN 6:44

Ná tucui caca ñati̱ jna' si ná lo'o ycui' Ndyosi Sti na' ngua'ni cha' caca ngu' jua'a̱. Lo'o li' na' laca̱ nu cua'ni cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

2 PEDRO 2:14

Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';