SAN JUAN 12:26 - Chatino Tataltepec

²⁶ Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 12:26 Iomraidhean Croise

SAN MATEO 16:24

Li' ngulu'u la Jesús ji'i̱ nu ngu' nu ndyaca tsa'a̱ ji'i̱ bi': ―Si ntsu'u ñati̱ nu chañi cha' nti' ngu' tsaa ngu' lo'o na' ―nacui̱―, nga'a̱ cha' xtyanu ngu' bi' ji'i̱ lcaa cha' nu ntsu'u tsa tyiquee ngu' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' xqui'ya na'.

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

SAN MARCOS 8:34

Lo'o li' ngusi'ya Jesús ji'i̱ nu ngu' nu ndyaca tsa'a̱ ji'i̱, lo'o ji'i̱ nu quiña'a̱ tsa ñati̱ nu lca'a̱ ji'i̱ cha' tya̱a̱ ngu' slo yu. Nchcui' yu lo'o ngu' li': ―Si ntsu'u ngu' nu chañi cha' nti' ngu' tsaa ngu' lo'o na' ―nacui̱ yu―, nga'a̱ cha' xtyanu ngu' bi' lcaa cha' nu ntsu'u tsa tyiquee ngu' bi' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' cuentya 'na.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

SAN LUCAS 6:46

Tya nda Jesús chaca cui̱i̱ lo'o ngu' li': ―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―.

SAN LUCAS 9:23

Lo'o nteje tacui xi tyempo, li' nchcui' Jesús lo'o lcaa ngu': ―Si ntsu'u cu'ma̱ nu chañi cha' nti' ma̱ tsaa ma̱ lo'o na' ―nacui̱ yu―, nga'a̱ cha' xtyanu ma̱ lcaa cha' nu ntsu'u tsa tyiquee ma̱ ji'i̱, cha' tya'a̱ ma̱ lo'o na' lcaa tsa̱, masi cujuii ñati̱ ji'i̱ ma̱ xqui'ya na'.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 13:16

Cha' liñi nchcui' na' lo'o cu'ma̱, cha' ñati̱ nu laca xu'na ngu', bi' laca loo ji'i̱ ngu', si'i msu nu laca loo; ñati̱ nu nclyo cña ji'i̱ nu tsaa lquichi̱, bi' laca loo, si'i nu ndya'a̱ lquichi̱ ti.

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

SAN JUAN 14:3

Lo'o jua'a̱ tsa'a na' cha' cua'ni cho'o na' su tyi'i̱ ma̱, li' ca̱a̱ na' lo yuu chaca quiya', ca̱qui'ya na' ji'i̱ ma̱ cha' tyi'i̱ ma̱ lo'o na'.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

SAN JUAN 21:22

Nguxacui̱ Jesús cha' ji'i̱ Pedro li': ―Ná culacua tsa ti' nu'u̱ ―nacui̱ yu ji'i̱―. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱ ji'i̱ cha' bi' ―nacui̱ Jesús―. Nu'u̱ ni, tya'a̱ nu'u̱ lo'o na'.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

ROMANOS 14:18

Li' tso'o ntsu'u tyiquee Ni ña'a̱ Ni ji'i̱ ma̱, lo'o jua'a̱ ñati̱ chalyuu cua'ni chi̱ ngu' loo ma̱, si cua'ni ma̱ lcaa ña'a̱ cña nu ngulu'u Cristo ji'na.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

2 CORINTIOS 5:8

Cha' nu tlyu nchca tyiquee na, bi' cha' cua nti' tsa na cha' xtyanu na ji'i̱ chalyuu re su quicha ti ti' na ndi'i̱ na, cha' tsaa na tyi'i̱ na ca slo ycui' nu Xu'na na;

GÁLATAS 1:10

Lo'o nacui̱ na' jua'a̱, si'i cha' ndyu'ni cña tsa ti' na' cha' caja ñati̱ 'na nu cua'ni chi̱ loo na'. Tsa bi' ti cha' tso'o nti' na', si ycui' Ndyosi cua'ni chi̱ Ni loo na'; si'i na cua nti' na' cha' tso'o ti chcui' ñati̱ jna'. Nga'aa caca cua'ni na' cña ji'i̱ Cristo, si xcui' cha' cua'ni tya'a na' lo'o ñati̱ ntsu'u tyiquee na'.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

COLOSENSES 3:24

Cua jlo ti' ma̱ cha' ycui' nu Xu'na na laca nu nguxco'o cha' tso'o nu tyacua ji'i̱ scaa ma̱ lo'o cua tye ti cha'. Cristo laca nu Xu'na ma̱ nu chañi ca; cuentya ji'i̱ ycui' Cristo bi', bi' cha' ndyu'ni ma̱ cña.

COLOSENSES 4:12

Lo'o yu Epafras tya'a quichi̱ tyi ma̱, nda yu xlyo ni'i̱ ji'i̱ ma̱; stu'ba ti ndya'a̱ yu lo cña ji'i̱ Jesucristo lo'o ya. Lcaa tsa̱ ndijña tsa yu cha' clyu ti' ji'i̱ ycui' Ndyosi cuentya ji'i̱ cu'ma̱, ndijña yu chacuayá' ji'i̱ ycui' Ni cha' ná tya'a̱chu̱' ma̱ tsiya' ti cha' ji'i̱ Ni. Ndi'ya̱ nti' yu, cha' tyucui tyiquee ma̱ tsiya' ti cua'ni ma̱ na laca nu nti' Ni cha' cua'ni ma̱ nde lo yuu chalyuu.

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.

1 JUAN 5:3

Si chañi cha' ntsu'u tyiquee na ña'a̱ na ji'i̱ Ni, taquiya' na ji'i̱ cha' nu chcui' Ni lo'o na li', cha' si'i sca cña nu tucui tsa laca cha' taquiya' na ji'i̱ scaa cha' nu nchcui' Ni.

JUDAS 1:1

Judas naa na', la cui' tya'a Jacobo; cña laca na' cuentya ji'i̱ Jesucristo. Nscua na' quityi re cha' tsaa ca slo lcaa cu'ma̱ nu ndaquiya' ma̱ ji'i̱ ycui' Ndyosi Sti na, cha' cua ngusubi Ni ji'i̱ ma̱. Ycui' Ndyosi laca nu ngua'ni lubii ji'i̱ cresiya ji'i̱ ma̱, lo'o ña'a̱ ti tya cña'a̱si̱i̱ Ni ji'i̱ ma̱ juani xqui'ya Jesucristo.

APOCALIPSIS 14:4

Ñati̱ lubii tsiya' ti laca nu ngu' quiña'a̱ bi'. Ná ngutu'u cha' ji'i̱ ngu' bi' lo'o xa' nu cuna'a̱ nu lo'o nguti'i̱ ngu' chalyuu, ná ngua'ni ngu' bi' cha' suba' tsiya' ti; nguta'a̱ ngu' lo'o nu ñi'ya̱ ña'a̱ xlya' bi' macala su ndya'a̱. Cua ngua'ni lyaá Ni ji'i̱ ngu' bi', cha' bi' laca ñati̱ nu tso'o nti' ycui' Ndyosi ña'a̱ Ni ji'i̱ tya lo'o nguxana cha' ji'i̱ nu ñi'ya̱ ña'a̱ xlya' bi'. Tya clyo ngusubi Ni ji'i̱ ngu' bi', cha' cua'ni ngu' cña ji'i̱ Ni.