SAN JUAN 12:23 - Chatino Tataltepec

²³ Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN JUAN 12:23 Iomraidhean Croise

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 26:45

Lo'o li' nguxtyu̱u̱ yu ñaa yu slo ngu' nu ndyaca tsa'a̱ ji'i̱. ―¿Ha tya laja' ma̱? ―nacui̱ Jesús ji'i̱ nu ngu' bi' li'―. ¿Ha bilya tyaala' xcalá ma̱? Que ti' ma̱ juani, cha' cua ndyalaa hora nu xñi ngu' cuxi 'na, na' nu cua nda Ni 'na lijya̱a̱ cha' caca na' ñati̱;

SAN MARCOS 14:35

Tya ndyaa Jesús la xi ca nde bi' la, ndyatu̱ sti̱' yu lo yuu ti, ngüijña yu ji'i̱ ycui' Ndyosi si caja ñi'ya̱ nu caca cha' ná tyacua cha' cuxi ji'i̱ yu.

SAN MARCOS 14:41

Xa' ndyaa Jesús li'. La cui' jua'a̱ sna quiya' ñaa Jesús su ndi'i̱ ngu'. ―¿Tya laja' ma̱? ¿Tya ntsiya cña' ma̱? ―nacui̱ Jesús ji'i̱ ngu'―. Cuayá' juani, cua ndyalaa hora nu tyaa lo'o ngu' jna' nu cua nda Ni 'na lijya̱a̱ cha' caca na' ñati̱. Cua ta ti ñati̱ jna' ya' ngu' xña'a̱ juani.

SAN JUAN 12:16

Tyempo li' ná ngua cuayá' ti' ngu' cha' bi'. Pana ca tiya' la, lo'o cua ngua lcaa cha' tlyu nu ndyanu cha' cua'ni Jesús lo'o ya̱a̱ yu lo yuu, nu lo'o ngua tlyu Jesús ca su ntucua yu lo'o ycui' Ni nde cua̱, li' ndyi'u ti' ngu' nu ndyaca tsa'a̱ ji'i̱ yu, ndyi'u ti' ngu' ji'i̱ cha' nu nscua lo quityi bi' cua sa'ni la; ndyi'u ti' ngu' cha' la cui' jua'a̱ ngua ji'i̱ Jesús.

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

SAN JUAN 13:1

Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 7:39

Cua nti' Jesús chcui' lo'o ngu' cha' cua ta ti Ni Xtyi'i ycui' Ni cha' tyanu ne' cresiya ji'i̱ ñati̱ nu cua ngusñi cha' ji'i̱ ycui' Ni, bi' cha' nacui̱ yu jua'a̱. Bilya ta ycui' Ndyosi Xtyi'i ycui' Ni ca̱a̱ nde chalyuu, xqui'ya cha' bilya tyaa Jesús ca su tlyu su ntucua ycui' Ndyosi Sti yu.